Jaceuq 40:10 - Akha

¹⁰ Nawˬ-euˬyaw tsaˬyaw dawˇkʼoeˇ-ahˇ, nui ma laꞈkʼoeˇmaˬzaꞈtaˬ-ehˇ, nawˇsaˇjaˇziꞈ-eu jeˬhawˇ-eu, nawˬ-euˬka kʼoꞈ-eu jeˬgaˇkawˆ, maˬtsehˆleˇni ja mehˬ-eu ma. Nawˬ-euˬgʼoeˇ-eu gaˬ-eu hawˇ-eu, nawˬ-euˬyaw tsaˬyaw dawˇgaˇkawˆ, tsawˇhaˬaˇmaꞈkʼoeˇdeuˬmehˬshi, ngaˬneh laˆzaꞈtaˬ-euˬmaˬjaˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, nawq-euq tsaq-awr dawr-eu jeq, Ngaq-euq nuima-euq lafkhoer maq yurzaf taq-aer, Ngar, nawq-euq sarjax zif-eu jeq hawr-eu nawq-euq kakhof-eu jeq-euq garkawv dawqdzawr mr-euq ma. Ngar, tsawrhaq baqmaf mafma-anr nae nawq-euq ghoer-awr gaq-eu jeq hawr-eu nawq-euq yawtsaq yawdawr jeq maqzaf-aq.

Jaceuq 40:10 Iomraidhean Croise

Jaceuq 22:26

Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Jaceuq 25:10

Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Jaceuq 34:6

Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

Jaceuq 75:9

Ehˇ kʼawꞈ, Yaˬkoˆ-euˬ Miˬyehˇ gaˇ kawˆ maˬ naˬ leˇ ni ngaˇ ja-awˇ, maˬ tsehˆ leˇ ni caˇ-awˇ ja ceuˬ ma.

Jaceuq 89:1

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Luˇkaꞈ 3:6

Miˬyehˇ-euˬ ka kʼoꞈ-eu jeˬ-ahˇ, tsawˇ haˬ zaˬ deuˬ ya mawˇ tehꞈ-a.”’

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

Piˇliˇpiˆ 3:9

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

1 Teˇsaˬloˇni 1:8

Aˬ jeˬ miˇ neh ehˇ naˇ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ doe ni, Sahˬpaˬ Yeˬsuˇ gaˇ kawˆ guiˬ lahˬ dawˬ gaˬ keuˆ-iˇ-euˬ kʼoeˇ-aˬ, naw maꞈ baˬ da neh gaˬ keuˆ-iˇ-euˬ uˬ jeˬ pyeuꞈ-eu uˬ taꞈ, naw maꞈ Miˬyehˇ-ahˇ jah-eu gaˇ kawˆ yawˬ gaˇ na luꞈ gaˬ doe-iˇ-euˬ meh. Kʼoeˇ miˇ neh, nga maꞈ tiˬ jeˬ-iˬ ehˇ kʼaˇ maˬ paˇ za miˇ-a.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.