Jaceuq 39:12 - Akha

¹² SahˬpaˬMiˬyehˇ shaˇdawˬgaˬ-awˇ, guˇ-eu teˇsaˇnaˇhaˬnehˬlaꞈ. Ngaˇmyaˆbiˇlaꞈkʼawˆkʼawˆluꞈngeh, maˬhaw cawˬni taˬjawˇnehˬlaꞈ. Ngaˬ-euˬ aˬpoeˬkʼoeˇdeuˬloꞈ-ehˇ, ngaˇkʼawꞈdaˬyah tiˬ gʼaˬpyeuꞈ-awˇ, tiˬkʼehˇlaˇkʼehˬnaˬ-eu tehꞈma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Ya’we Miqyaer-or! Ngaq-euq guiqlanq shardawq-anr narhaq naeqlaf-awr, Ngar gur-eu gar, nawq-euq naqbawr ciqkhmr naeqlaf-awq. Ngar myavbir dovluf-eu gar haw-awr ciqcurni taq jawrbyov naeqlaf. Ngar khawf, ngaq-euq aqpoeq aqbawr deuq lof-aer, Nawq naeq-aer mirkhanq-anr can-eu daqyan tiq ghaq pyeuf-awr jawrluf-eu ma.

Jaceuq 39:12 Iomraidhean Croise

Aˇ dahˬ 21:34

Piˇliˇtiˆ miˇ kʼahˬ laꞈ kʼoeˇ Aˬbyaˬhaˬ gʼawˬ myahˇ ni jawˇ-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

2 Saˬmeuˬlaˆ 16:12

Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

2 Sahˬpaˬ 20:5

“Sahˬpaˬ Miˬyehˇ-euˬ tsawˇ haˬ deuˬ-ahˇ uˆ lahˇ-eu gʼaˬ pyeuꞈ-eu Heˬsaˬgiˇ-ahˇ, heu loꞈ-ehˇ ehˇ nehˬ-awˬ. ‘Nawˬ poeˬ Daˬbiˇ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, nawˬ-euˬ shaˇ dawˬ ya gaˬ-awˇ, nawˇ myaˆ biˇ yoeˇ le gaˇ ya mawˇ-euˬ ma. Nawˬ-ahˇ ngaˇ laˆ taˬ nehˬ-awˇ, smˬ nah laꞈ kʼoeˇ Uˬ duˬ tahˬ nymˇ nymˇ ma-ahˇ nawˇ ya le tehꞈ-a.

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

Yawˇbaˆ 13:28

Uˬ duˬ duˬ laˇ ngeh, daˇ kawˬ yaw peuˬ loꞈ-ehˇ ngaˇ meuˇ-iˇ-awˇ, aˬ iˬ dzaˬ peuˬ-euˬ mehˬ tsoeˬ loꞈ-ehˇ byoˆ-iˇ miˇ-a.

Yawˇbaˆ 16:20

Ngaˬ-euˬ cawˬ deuˬ ngaˬ-ahˇ aˬ jaꞈ jaꞈ haw-awˇ, Miˬyehˇ mehˬ shi ngaˇ myaˆ biˇ yoeˇ le miˇ-a.

Jaceuq 102:1

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ-awˇ, caw ba nehˬ laꞈ lehˇ ngaˇ guˇ-eu teˇ saˇ nawˇ jawˇ gaˇ bi laˇ keuˆ laꞈ.

Jaceuq 116:3

Shiˇ-eu lahˇ ju ngaˬ-euˬ tiˬ jawˬ kʼmˇ taˬ-euˬ meh. Lmˬ bymˇ-euˬ naˇ shmˇ ngaˬ-euˬ tiˬ jawˬ oe luꞈ meh. Ngaˬ-euˬ nui ma shaˬ zahˬ naꞈ dui dui nya.

Jaceuq 119:19

Ngaˇ miˇ tsaˬ kʼoeˇ taˆ tiˬ kʼehˇ laˇ kʼehˬ dehꞈ-eu tehꞈ ma. Nawˬ-euˬ zahˇ dawˬ kʼoꞈ dawˬ taˬ yuˇ zaꞈ nehˬ laꞈ.

Jaceuq 119:54

Miˇ tsaˬ kʼoeˇ taˆ ngaˇ tiˬ kʼehˬ tiˬ yamˬ ya jawˇ ngeh, nawˬ-euˬ zahˇ dawˬ kʼoꞈ dawˬ gaˇ kawˆ caˇ dawˬ boꞈ doˆ-eu ma.

Jaceuq 56:8

Ngaˇ aˇ naˆ ni shaˬ zahˬ naꞈ-eu nawˇ siˬ nya meh. Ngaˬ-euˬ myaˆ biˇ-ahˇ nawˇ maˇ tsaꞈ neh ciˬ kʼmˇ uiˬ taˬ-euˬ meh. Gaˇ kawˆ heu nawˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ maˬ ngeuˇ loˇ.

Jaceuq 90:9

Nawˬ-euˬ nui pehˇ baˬ da neh nga maꞈ-euˬ ziˇ nymˇ le-awˇ, saꞈ gʼawˇ ka-eu loꞈ-ehˇ jiˇ le miˇ-a.

Uˬ duˬ 25:23

Yawˬ ha-euˬ miˇ tsaˬ maˬ ya ahˬ dzaˬ tsehˆ-a. Aˬ jeˬ miˇ neh ehˇ naˇ, Miˬyehˇ-aˬ, miˇ tsaˬ-euˬ yaw sahˇ gʼaˬ pyeuꞈ-awˇ, naw maꞈ-aˬ, miˇ tsaˬ kʼoeˇ-ahˇ tiˬ kʼehˬ tiˬ yamˬ laꞈ kʼoeˇ ya mˇ dzaˬ tawˬ luꞈ-eu boeˇ miˬ siˬ kʼaˬ deuˬ-ahˇ duˇ-eu meh.

2 Gawˇliˬtu 5:6

Kʼoeˇ miˇ neh, nga maꞈ aˬ myah luꞈ nui ma kʼaˬ duˬ ni jaˆ ma. Miˇ tsaˬ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ jawˇ luꞈ kʼoeˇ keuˆ ni, Sahˬpaˬ Yeˬsuˇ Ka li-ahˇ gaˇ mahˇ kaˬ-a siˬ lehˇ nga maꞈ siˬ nya ma.

HeˬByehˇ 11:13

Tsawˇ haˬ heu deuˬ dawˬ tawˆ luꞈ, jah-eu jeˬ laꞈ kʼoeˇ shiˇ-euˬ meh. Miˬyehˇ neh saˇ jaˇ dzaˬ taˬ-euˬ jeˬ-ahˇ aˬ yawꞈ maꞈ maˬ za-aˬ. Ehˇ kʼawꞈ, Miˬyehˇ neh saˇ jaˇ dzaˬ taˬ-euˬ jeˬ byah laˇ gaˇ, gaˇ mahˇ kaˬ gaˇ neh aˬ yawꞈ maꞈ ya mawˇ-awˇ laˬ kʼaˬ cehˇ nui kʼahˇ shiˇ-eu laꞈ kʼoeˇ, aˬ yawꞈ maꞈ miˇ tsaˬ kʼoeˇ taˆ tiˬ kʼehˬ tiˬ yamˬ jawˇ naˬ mˇ-eu daˬ yah tehꞈ ma lehˇ ehˇ-eu meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.