Jaceuq 39:1 - Akha

¹ Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar heulof-aer aer-eu ma; “Ngar, ngaq-euq maeqlar nae iqbax maqya mrni, Ngaq-euq garma yanryanr-aer daef ma. Tsawrcawv deuq, ngaq-euq maeqshi jawrluf ngae, Ngar, ngaq-euq khaqmae maeqkawf kawf-awr dzanqtaeq ma.”

Jaceuq 39:1 Iomraidhean Croise

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

2 Sahˬpaˬ 10:31

Ehˇ kʼawꞈ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ Yeˬhuˇ yaw muiˬ paˬ-ehˇ maˬ caw teh-ehˇ, Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ gʼeh-euˬ gʼaˬ pyeuꞈ-eu Yeˬyawˇbamˬ-ahˇ aˬ yawꞈ dzaw geuꞈ-awˇ yaw dehꞈ dehꞈ-euˬ meh.

1 Laˬsaˬbaˬ 16:41

Mˬ maˬ maˬ byaˆ zaˇ ziˇ ziꞈ-eu Sahˬpaˬ Miˬyehˇ-euˬ gʼoeˇ-eu gaˬ-eu jeˬ baˬ da neh, aˬ yawꞈ-ahˇ ja ceuˬ-eu caˇ dawˬ caˇ-eu gʼaˇ duˬ tseˇ doˆ taˬ-euˬ deuˬ pyeuꞈ-eu, Heˬmaˬ, Yeˬduˇdoˬ aˬ nyaꞈ hawˇ-eu nui deuˬ kʼawꞈ, aˬ yawꞈ maꞈ nehˬ-ehˇ kʼoeˇ gaˇ jawˇ-eu meh.

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Jaceuq 119:9

Zaˬ guˬ tiˬ gʼaˬ yaw muiˬ yaw shawˇ shawˇ-ehˇ aˬ joˆ-ehˇ ya dehꞈ nmˇ lehˇ ehˇ ngeh, nawˬ-euˬ zahˇ dawˬ kʼoꞈ dawˬ-ahˇ caw teh-awˇ ya dehꞈ-eu meh.

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Jaceuq 141:3

Sahˬpaˬ Miˬyehˇ-oˇ, ngaˬ-euˬ kʼaˬ meh-ahˇ haw piˇ nehˬ laꞈ-awˇ, ngaˬ-euˬ mehˬ luˬ-ahˇ haw piˇ nehˬ laꞈ.

Jaceuq 34:13

Mehˬlaˇyaw doeˇngehˬ-eu yahˇ-awˇ, mehˬluˬjaˬmyawꞈmyawꞈ-eu yahˇ-awˬ.

Jaceuq 62:1

Miˬyehˇ ngaˬ-ahˇ ka kʼoꞈ le gaˇ, ngaˇ oˇ-awˇ dawˬ luꞈ-eu ma. Aˬ yawꞈ-ahˇ tehꞈ-ehˇ ngaˇ gʼoe-eu ma.

Jaceuq 77:1

Miˬyehˇ-ahˇ ngaˇ yaw kʼaˆ-ehˇ kuˇ-euˬ ma. Ngaˇ guˇ-awˇ kuˇ ngeh, aˬ yawꞈ naˇ haˬ nehˬ laꞈ-euˬ meh.

Dawqdaq 18:21

Dehꞈ kawˆ shiˇ kawˆ mehˬ laˇ kʼoeˇ taˆ jaˆ-awˇ, yawˬ ha-euˬ dawˬ yawˬ ha-ahˇ yaˇ kʼaˬ daˇ-eu meh.

Dawqdaq 21:23

Shaˬ zahˬ jaw dzeuˇ mawꞈ-eu aˬ cawˇ, dawˬ tmˇ dawˬ ngehˬ yahˇ-awˬ.

Aˬmoˆ 5:13

Kʼoeˇ miˇ neh, heu loꞈ-ehˇ gʼeh-eu haiˬ-eu aˇ yamˬ laꞈ kʼoeˇ tiˬ jeˬ-iˬ maˬ ngehˬ maˬ tmˇ ni ciˬ cuˇ ni jawˇ-eu-aˬ, muiˬ dzehˬ meh.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

Yaˬkoˆ 1:26

Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.