Jaceuq 37:4 - Akha

⁴ SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ya’we Miqyaer-euq lafkhoer laqkhaq caer-awq; Aqyawf, nawq-euq nuima geufmawf-eu jeq bifnaeqlaf taef-a.

Jaceuq 37:4 Iomraidhean Croise

Yawˇbaˆ 22:26

Kʼoeˇ ngeh Miˬyehˇ-ahˇ nawˇ aˬ myah luꞈ gʼoe-awˇ, aˬ yawꞈ nawˬ-euˬ laˬ kʼaˬ cehˇ duˬ pyeuꞈ gaˇ ya mawˇ tehꞈ-a.

Yawˇbaˆ 27:10

Miˬyehˇ neh biꞈ-euˬ laˬ kʼaˬ cehˇ-eu jeˬ-ahˇ aˬ yawꞈ maꞈ nui kʼahˇ shiˇ-eu tsaˬ-awˇ, aˬ yawꞈ-ahˇ maˬ tsehˆ leˇ ni guiˬ lahˬ shaˇ-eu tsaˬ meh.

Yawˇbaˆ 34:9

Miˬyehˇ nui ma tsaˬ-eu jeˬ-ahˇ caw teh-awˇ mˇ-eu tiˬ jeˬ-iˬ gaˇ dahˇ maˬ tsoeˬ-a lehˇ aˬ yawꞈ ehˇ-eu meh.

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 43:4

Nawˬ-euˬlawˇduˬ-ahˇngaˇle ma. Ngaˬ-euˬlaˬkʼaˬcehˇduˬnawˇma. Ngaˬ-euˬMiˬyehˇpyeuꞈ-eu nawˬ-ahˇ, deuˇ-mˬdiˬ-awˇngaˇja ceuˬma.

Dawqdaq 10:24

Tsawˇ doeˇ deuˬ kʼoeˇ taˆ yawˬ ha guˆ dzehˬ-eu jeˬ keuˆ le-awˇ, tsawˇ muiˬ deuˬ yawˬ ha geuꞈ mawꞈ dzehˬ-eu jeˬ za-eu meh.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Iˇsaˬyaˇ 58:14

ngaˬ-euˬ nui kʼahˇ poˆ-eu miˇ neh za-eu, laˬ kʼaˬ cehˇ-eu jeˬ naw maꞈ za tehꞈ-a. Miˇ tsaˬ kʼoeˇ taˆ yawˬ gaˇ na luꞈ, aˬ cawˬ naw maꞈ-ahˇ taˬ huiˬ ni ngaˇ caw ba-awˇ, naw maꞈ-euˬ aˬ poeˬ Yaˬkoˆ-ahˇ ngaˇ biꞈ taˬ-euˬ miˇ kʼahˬ laꞈ kʼoeˇ, naw maꞈ laˬ kʼaˬ tiˬ cehˇ ya jawˇ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.