Jaceuq 37:22 - Akha

²² SahˬpaˬMiˬyehˇgʼawˬshaˬgaˬ-awˇ, guiˬlahˬbiꞈ-euˬtsawˇhaˬdeuˬ-aˬ, miˇkʼahˬza-awˇya dehꞈtehꞈ-a. SahˬpaˬMiˬyehˇmaˬhaw nahˇ-ehˇ, yaˬkʼehˇyaˬnehˬ-euˬtsawˇhaˬ-aˬ, teh dzeh nehˬgaˇya daˬtehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Miqyaer nae guiqlanq bif-euq deuq-aq, jeqbir of-awr mirkhanq za taef-a. Aerkhawf, Miqyaer nae yaqkhaer yaq-euq deuq-aq, yabi deuvtsaevdzae taef-a.

Jaceuq 37:22 Iomraidhean Croise

Yawˇbaˆ 5:3

Tsawˇ uˬ ziꞈ dah ni dehꞈ luꞈ gaˇ, ngaˇ ya puˬ ya mawˇ haw-euˬ ma. Ehˇ kʼawꞈ, aˬ yawꞈ maꞈ-euˬ nymˇ-ahˇ ngaˇ yaˬ kʼehˇ yaˬ-euˬ ma.

Jaceuq 115:15

Mˬ hawˇ-eu miˇ beh-euˬ Sahˬpaˬ Miˬyehˇ, naw maꞈ-ahˇ guiˬ lahˬ biꞈ luꞈ-uˇ.

Jaceuq 119:21

Nui ma huiˬ-eu mahˇ-eu deuˬ-ahˇ nawˇ byehˇ dzeh-eu meh. Nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu deuˬ yaˬ kʼehˇ yaˬ gaˇ ya daˬ luꞈ-uˇ.

Jaceuq 128:1

Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

Jaceuq 25:13

Yawꞈmaꞈbaw dui za dui dui-awˇ, zaˬdeuˬ miˇkʼahˬjeˬbiˇoꞈmeh.

Jaceuq 32:1

Yaw lehˬyaw ca byehˇbyoˆnehˬ-awˇ, iˬbaˇbi dehˬkaˬ-euˬgʼaˬ-aˬ, guiˬlah huiˬ-eu tsawˇhaˬmeh.

Jaceuq 37:11

Nui nahˬnui yu ahˇ-eu deuˬ-aˬ, miˇkʼahˬjeˬbiˇ oꞈ-eu laꞈkʼoeˇ, baw dui za dui dui le tehꞈ-a.

Jaceuq 37:18

Tsawˇmuiˬ-euˬaˇnah aˇyamˬ-ahˇ, SahˬpaˬMiˬyehˇsiˬnya luꞈ-awˇ, aˬyawꞈmaꞈ-euˬmiˇkʼahˬjeˬbiˇ, mˬmaˬmaˬbyaˆ bi ziꞈtehꞈ-a.

Jaceuq 37:28

Yaw tsaˬyaw dawˇjeˬkeuˆle ni, SahˬpaˬMiˬyehˇgaˬ-eu miˇneh, muiˬ-eu shawˇ-eu tsawˇhaˬdeuˬ-ahˇ, aˬyawꞈbyehˇdzeh-eu maˬbaw-ehˇ, mˬmaˬmaˬbyaˆdah teˬ-eu meh. Ehˇkʼawꞈyaw haiˬ-euˬzaˬdeuˬ-ahˇ, teh dzeh nehˬ-awˇbi shaˬtehꞈ-a.

Jaceuq 37:9

Haiˬ-eu tsawˇhaˬbi teh dzeh kʼawꞈ, SahˬpaˬMiˬyehˇ-ahˇdawˬ-eu deuˬ, miˇkʼahˬza-eu yaw duˬbaw meh.

Dawqdaq 3:33

Haiˬ-eu tsawˇ haˬ deuˬ-euˬ nymˇ jiˇ-ahˇ Sahˬpaˬ Miˬyehˇ yaˬ kʼehˇ yaˬ-awˇ, yaw tsaˬ yaw dawˇ tsawˇ haˬ deuˬ-euˬ nymˇ jiˇ-ahˇ aˬ yawꞈ guiˬ lahˬ biꞈ-eu meh.

Iˇsaˬyaˇ 57:13

Caw ba nehˬ laꞈ lehˇ naw maꞈ ngoeˇ laˇ ngeh, tahˬ pahˬ aˬ ma mawˇ kawˇ kʼoeˇ deuˬ ngehˬ gʼeh luꞈ-uˇ. Jaˬ lehˇ tiˬ bahˬ laꞈ kʼoeˇ aˬ yawꞈ maꞈ byoˆ-iˇ jiˇ tehꞈ-a. Ehˇ kʼawꞈ ngaˬ-ahˇ jah-eu tsawˇ haˬ deuˬ-aˬ, miˇ kʼahˬ heu kʼahˬ laꞈ kʼoeˇ ziꞈ dah ni ya jawˇ-awˇ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ uˬ duˬ ya tahˬ tehꞈ-a.”

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

Gaˬlaˬtiˆ 3:10

Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Dawˬmehˬ 5:33

Naw maꞈ yaw muiˬ paˬ-ehˇ ya dehꞈ dzaˬ-awˇ, naw maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ yaw muiˬ paˬ-ehˇ ya dehꞈ ya jawˇ ni, zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.