Jaceuq 37:21 - Akha

²¹ Haiˬ-eu deuˬshaˇngaˬshaˇpaˇngeh, biꞈkʼoꞈtsoeˬkʼoꞈ-eu maˬbaw-a. Ehˇkʼawꞈmuiˬ-eu tsawˇhaˬdeuˬ-aˬ, nui ma keuˆ-awˇ biꞈnehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Tsawrcawv-aq, sharngaq sharpar-euq jeq, bifkhof tsoeqkhof-eu maqbaw-a. Aerkhawf, tsaq-awr dawr-eu tsawrhaq-aq, bif-awr ghawqshaq gaq-eu bi mawrlar-eu mae.

Jaceuq 37:21 Iomraidhean Croise

Jaceuq 112:5

Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Dawqdaq 22:7

Zaˬ coeˬ smˇ muiˬ-euˬ zaˬ kʼaˆ. Dziˇ dzoˆ yaw naꞈ aˬ cawˬ gʼaˬ kʼehˇ.

Iˇsaˬyaˇ 32:8

Ehˇ kʼawꞈ, nui nahˬ nui yu ahˇ-eu tsawˇ haˬ, yaw sui yaw dawˇ jeˬ mˇ doˆ shaˇ doˆ-awˇ, yaw tsaˬ yaw dawˇ gaˇ ma kʼoeˇ taˆ, ziꞈ dah ni yawꞈ-eu meh.

Luˇkaꞈ 6:30

Nawˬ-ahˇ kʼaˇ shaˇ-eu tsawˇ haˬ-ahˇ biꞈ-awˬ. Nawˬ-euˬ myawˬ yuˇ geuꞈ-eu tsawˇ haˬ-ahˇ taˬ shaˇ kʼoꞈ.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Dawˬmehˬ 28:12

Tsawˇ jeuˬ gʼawˬ mya jeuˬ nawˬ-ahˇ ya shaˇ ngaˬ ya shaˇ paˇ laˇ kʼawꞈ, aˬ cawˬ tsawˇ jeuˬ-ahˇ nawˇ ya shaˇ paˇ-iˇ gaˇ maˬ bi keuˆ ni, mˬ kʼoeˇ taˆ guiˬ lahˬ yaw dzahˇ laˇ gʼoˆ aˬ yawꞈ pah-awˇ, aˇ yamˬ tsaˬ tsaˬ ni uˬ yehˇ bi yehˇ le-awˇ, nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ nawˬ-ahˇ guiˬ lahˬ biꞈ nehˬ laꞈ tehꞈ-a.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.