Jaceuq 35:8 - Akha

⁸ Yawꞈmaꞈmaˬnoeˬmaˬduˇ-euˬgaˇ, luˬ-eu seˇ-eu keuˆle luꞈ-uˇ. Yawˬha neh kʼmˇ-euˬbaw gʼaꞈ-ahˇ, yawꞈhaˇyawˬha coeˬsehꞈluꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf maqnoeq-aer jawr-eu gar, aqyawf-euq khoertav cawv-ir-eu jeq keuvle luf-ur. Yawqha nae khmrzaf taq-euq bawghaf-anr yawqha pafler luf-ur. Cawv duidui-eu lafkhoer, aqyawf ga’anrghae luf-ur.

Jaceuq 35:8 Iomraidhean Croise

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Jaceuq 57:6

Muiˇ-eu deuˬ ngaˬ-ahˇ baw gʼaꞈ kʼmˇ-eu miˇ neh, ngaˇ noeˬ zahˬ dui dui-eu ma. Ngaˬ-euˬ gaˇ ma-ahˇ aˬ yawꞈ maꞈ shaˬ duˬ duˬ-eu meh. Ehˇ kʼawꞈ, aˬ yawꞈ maꞈ yawˬ haˇ yawˬ ha ga ahˇ-eu meh.

Jaceuq 64:7

Ehˇ kʼawꞈ, aˬ yawꞈ maꞈ-ahˇ Miˬyehˇ kaˆ neh beuˆ-awˇ, ja pyuˬ ni beuˆ naˇ nehˬ tehꞈ-a.

Jaceuq 9:15

Aˬcawˬmiˇkʼahˬtsawˇjeuˬdeuˬ-aˬ, yawˬha neh kʼahˬ-euˬduˬkʼahˬ-ahˇ, yawˬhaˇyawˬha ga ahˇbyoˆ-awˇ, yawˬha neh kʼmˇ-euˬbaw gʼaꞈ-ahˇ, yawˬhaˇyawˬha nawˬpaꞈ-euˬmeh. 1

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawqdaq 5:22

Haiˬ-euˬ tsawˇ haˬ iˬ baˇ mˇ-eu lahˇ ju kʼmˇ gaˇ duˇ-awˇ, yawˬ ha-euˬ iˬ baˇ lahˇ ju-ahˇ yawˬ ha teuˆ paꞈ-eu meh.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

1 Saˬmeuˬlaˆ 18:17

“Ngaˬ-ahˇ saˇ jaˇ ziꞈ-eu yehˇ tiˬ gʼaˬ loꞈ-ehˇ, Sahˬpaˬ Miˬyehˇ gʼaˇ duˬ nawˇ kʼaˬ duˬ ni guiˇ deuˆ naˇ, ngaˬ buˇ aˬ yuiꞈ gʼaˬ pyeuꞈ-eu Meˬlaˇ nawˬ-ahˇ bi mˇ dzaˬ laˇ ma” lehˇ, Daˬbiˇ-ahˇ Sawˇluˆ ehˇ nehˬ-euˬ meh. Kʼoeˇ loꞈ-ehˇ jahˇ naˇ, Daˬbiˇ-ahˇ aˬ yawꞈ sehꞈ-eu maˬ loˬ-ehˇ, Piˇliˇtiˆ tsawˇ haˬ deuˬ neh bi deuˆ sehꞈ tehꞈ-a lehˇ Sawˇluˆ noeˬ-euˬ meh.