Jaceuq 34:7 - Akha

⁷ Yawꞈ-ahˇzeu-eu deuˬ-euˬtiˬjawˬ, mˬtaˆgʼaˬkʼehˇloꞈpiˇle-awˇ, guˆgaˆlaꞈkʼoeˇka kʼoꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer-euq mqtav ghaqkhaer, Miqyaer-anr guv-eu deuq-euq tiqjawq lofjawq taq-awr, Aqyawf maf-anr bibuq-ir-eu mae.

Jaceuq 34:7 Iomraidhean Croise

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

2 Sahˬpaˬ 6:17

Kʼoeˇ naˇ, “Sahˬpaˬ Miˬyehˇ-oˇ, aˬ yawꞈ-ahˇ myaˆ nuiˆ pah nehˬ-awˇ bi mawˇ-awˬ” lehˇ Eˇliˇshehˇ guiˬ lahˬ shaˇ-euˬ meh. Aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-euˬ zaˬ kʼaˆ kʼoeˇ gʼaˬ haw gʼeh ngeh, Eˇliˇshehˇ-euˬ jawˬ jawˬ-ehˇ, miˬ dzaˬ mahˬ hawˇ-eu miˬ dzaˬ mahˬ laˆ lawˬ deuˬ, gawˬ jawˬ jawˬ lah-ehˇ jawˇ byah taˬ-euˬ gaˇ ya mawˇ-euˬ meh.

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 139:5

Ngaˬ-euˬ tiˬ jawˬ yawˬ pyawˬ na luꞈ nawˇ jawˇ-awˇ, nawˬ-euˬ baoˬ ngaˬ-ahˇ haw piˇ-eu meh.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:11

Nawˇ kʼaˇ iˇ kʼaˇ laˇ gaˇ bi haw piˇ-eu gʼaˇ duˬ, mˬ taˆ gʼaˬ kʼehˇ deuˬ-ahˇ Miˬ yehˇ dawˬ biꞈ tehꞈ-a.

Doˆ-iˇ 22:22

Miˬ coeˬ miˬ ma deuˬ hawˇ-eu muˇ coe aˬ nmˇ deuˬ-ahˇ yehˬ bawˬ sehˇ lu-ehˇ maˬ ya gʼeh-a.

Doˆ-iˇ 22:26

Tsawˇ haˬ tiˬ gʼaˬ na, aˇ bui biꞈ daˇ-awˇ, nawˬ-ahˇ pyuˇ shaˇ paˇ laˇ naˇ, nahˇ ma maˬ ga ahˇ mi naˆ-ehˇ, aˇ bui kʼoeˇ aˬ yawꞈ-ahˇ biꞈ kʼoꞈ nehˬ-awˬ.

Daˬyeˬlaˇ 6:22

Aˇ laˬ jaˬ shiˇ ngaˬ-ahˇ maˬ ya kawꞈ sehꞈ dzaˬ ni, Miˬyehˇ aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ aˇ laˬ jaˬ shiˇ-euˬ kʼaˬ meh-ahˇ paꞈ tsoeˬ tsoeˬ-euˬ meh. Ngaˇ iˬ baˇ maˬ ahˇ-ehˇ, sahˬ paˬ nawˬ-ahˇ ngaˬ neh mˇ lehˬ taˬ-euˬ maˬ jaˆ-a lehˇ aˬ yawꞈ siˬ nya-eu miˇ neh, aˬ yawꞈ heu loꞈ-ehˇ mˇ-euˬ meh.”

Zaˬkaˬliˇ 9:8

Ngaˬ-euˬ miˇ kʼahˬ ngaˇ loꞈ piˇ-awˇ, iˇ tsehˆ laˇ tsehˆ-eu maˬ bi jaˆ. Ngaˇ haw tsoˆ-awˇ loꞈ-eu miˇ neh, kʼehˬ dzaˬ kʼaˆ dzaˬ-eu tsawˇ haˬ deuˬ, aˬ yawꞈ maꞈ-ahˇ maˬ toeˬ ciˆ-a.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Luˇkaꞈ 16:22

“Iˇ shaˬ iˇ taw kʼoeˇ gʼaˬ shiˇ-awˇ, mˬ taˆ gʼaˬ kʼehˇ deuˬ neh Aˬbyaˬhaˬ-euˬ bawˇ kʼahˇ-ahˇ ciˬ keuˆ ha nehˬ leˇ-euˬ meh. Smˇ muiˬ smˇ baw kʼoeˇ gʼaˬ kʼawꞈ shiˇ-awˇ, baꞈ pahˬ-iˇ-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.