Jaceuq 34:5 - Akha

⁵ Shaˬzaˬzahˬzaˬyawꞈ-ahˇhaw ngeh, myaˆpyawˬbya cehˆni bya laˇ-awˇ, tiˬjawˇ-iˬmaˬya shaꞈdawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf, aqyawf-anr haw ngae, yawshaef byalar-awr, Aqyawf maf-euq myavpyawq daq maqya ga-ar.

Jaceuq 34:5 Iomraidhean Croise

2 Saˬmeuˬlaˆ 19:5

Kʼoeˇ ngeh, sahˬ paˬ-euˬ nymˇ-ahˇ Yoˇbaˬ le-awˇ, sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ-ahˇ maˬ ehˇ, nawˬ buˇ nawˬ li deuˬ-ahˇ maˬ ehˇ, nawˬ-euˬ ma nyiˇ deuˬ-ahˇ maˬ ehˇ, ka kʼoꞈ nehˬ-euˬ nawˬ-euˬ tsawˇ haˬ deuˬ ya shaꞈ dawˇ ni iˬ nah nawˇ mˇ-euˬ meh.

Iˇsaˬtaˆ 8:16

Aˇ yamˬ kʼoeˇ yamˬ-aˬ, Yuˇdaˆ tsawˇ haˬ gʼaˇ duˬ laˬ kʼaˬ cehˇ-awˇ nui saˇ za-eu uˬ taꞈ, byawˬ dui dui-awˇ nui kʼahˇ shiˇ dui dui-eu, gʼaˬ leˇ-euˬ aˇ yamˬ pyeuꞈ-eu meh.

Jaceuq 13:3

Ngaˬ-euˬMiˬyehˇ, SahˬpaˬMiˬyehˇ, ngaˬ-ahˇdawˬtmˇ mˇkʼoꞈ nehˬlaꞈ. Myaˆnuiˆyaw shehꞈbi mawˇlaꞈ-awˇ, maˬshiˇtsehˆni bi dehꞈnehˬlaꞈ.

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 18:28

Ngaˬ-euˬMiˬyehˇ,SahˬpaˬMiˬyehˇ, ngaˬ-ahˇtsiˇkʼmˬdoꞈnehˬlaꞈ-awˇ, yaw zahˇlaˆbyoˆnehˬlaꞈ-euˬmeh.

Jaceuq 25:3

Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 3:5

Ngaˇ joe yuꞈ-awˇ yuꞈ kʼaˆ luꞈ ngeh, uˬbya bya laˇ noeˬlaˇngeh keuˆ, SahˬpaˬMiˬyehˇ haw piˇ-eu meh.

Jaceuq 36:9

Nawˇ-aˬ, saꞈlaˇiˇbyoe pyeuꞈ-awˇ, nawˬ-euˬ yaw shehꞈ baˬda baˇneh, nga maꞈyaw shehꞈmawˇnya-eu ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Jaceuq 83:16

Sahˬpaˬ Miˬyehˇ-oˇ, shaꞈ dawˇ-eu jeˬ aˬ yawꞈ maꞈ-euˬ myaˆ kʼeh bi keuˆ le-awˇ, nawˬ-euˬ baoˬ aˬ yawꞈ maꞈ-ahˇ siˬ leˇ ni jahˇ nehˬ-awˬ.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 60:5

Kʼoeˇ gaˇ mawˇ ngeh nawˇ laˬ kʼaˬ aˇ dzehˬ cehˇ dzeuˇ-awˇ, nui ma cehˇ tahˬ ya tahˬ tehꞈ-a. Miˇ kʼahˬ pyuˇ shuiˇ myawˬ gahˬ nawˬ-ahˇ sha ha laˇ-awˇ, laˆ shaˆ nui baˬ pyuˇ shuiˇ nawˬ-euˬ laꞈ-ahˇ ahˇ le tehꞈ-a.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

1 Saˬmeuˬlaˆ 23:13

Kʼoeˇ naˇ, Daˬbiˇ hawˇ-eu koꞈ yaˇ gʼaˬ ehˇ gʼaˬ ni byah-eu aˬ yawꞈ-euˬ tsawˇ haˬ deuˬ, Kiˇlahˬ meuˬ-ahˇ neh yaw kawˇ-ehˇ doˆ-iˇ-awˇ, yahˇ pawˇ-euˬ meh. Daˬbiˇ Kiˇlahˬ meuˬ-ahˇ neh doˆ-iˇ dzeuˇ-euˬ gaˇ kawˆ Sawˇluˆ ya gaˬ ngeh, aˬ yawꞈ neh noeˬ taˬ-euˬ loꞈ-ehˇ maˬ mˇ ni byehˇ-euˬ meh.