Jaceuq 34:2 - Akha

² SahˬpaˬMiˬyehˇmˇ-euˬgaˇ-ahˇ, ngaˬ-euˬsaꞈlaˇ kʼahˬsehˇjehˆgaˇ, aˬcawˬbi kʼehˬbi kʼaˆ-euˬdeuˬ, ya gaˬ-awˇ laˬkʼaˬcehˇluꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq-euq nuima saflar, Ya’we Miqyaer-euq lafkhoer khanqsaer jaev ma; Nuima nanqyuni ghae-eu tsawrhaq yagaq ngae, laqkhaqcaer taef-a.

Jaceuq 34:2 Iomraidhean Croise

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Jaceuq 105:3

Aˬ dui aˬ yawꞈ-euˬ tsawˇ haˬ ya pyeuꞈ-eu miˇ neh, laˬ kʼaˬ cehˇ dui dui-awˬ. Aˬ yawꞈ-ahˇ uˬ duˬ kʼaˇ tahˬ-eu tsawˇ haˬ deuˬ laˬ kʼaˬ cehˇ-awˬ.

Jaceuq 119:74

Nawˬ-euˬ saˇ jaˇ-ahˇ ngaˇ gʼoe-eu miˇ neh, nawˬ-ahˇ taˬ huiˬ-eu tsawˇ haˬ deuˬ ngaˬ-ahˇ mawˇ ngeh, laˬ kʼaˬ cehˇ nui kʼahˇ shiˇ tehꞈ-a.

Jaceuq 142:7

Nui ma cawˆ-eu jeˬ laꞈ kʼoeˇ ngaˬ-ahˇ ka kʼoꞈ nehˬ laꞈ. Nawˇ ngaˬ-ahˇ guiˬ lahˬ biꞈ laꞈ-euˬ miˇ neh, nawˬ-euˬ tsawˇ haˬ deuˬ uiˬ leˇ taˬ-euˬ mehˬ shi, nawˬ-ahˇ ngaˇ ja ceuˬ ma.

Jaceuq 44:8

Uˬtaꞈnah lah nawˬ-ahˇceuˬma. mˬmaˬmaˬbyaˆguiˬlahˬhuiˬma.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Gawˇliˬtu 1:31

Kʼoeˇ miˇ neh, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Kʼahˬ sehˇ kʼaˇ jehˆ-eu tsawˇ haˬ deuˬ Sahˬpaˬ Miˬyehˇ neh mˇ-euˬ gaˇ-ahˇ tehꞈ-ehˇ jehˆ luꞈ-uˇ.”

2 Gawˇliˬtu 10:17

Ehˇ kʼawꞈ, “Kʼahˬ sehˇ kʼaˇ jehˆ mawꞈ-eu tsawˇ haˬ deuˬ Sahˬpaˬ Yeˬsuˇ neh mˇ taˬ-euˬ gaˇ kawˆ jehˆ-awˬ” lehˇ Jaˇliꞈ laꞈ kʼoeˇ ehˇ taˬ-euˬ meh.