Jaceuq 34:14 - Akha

¹⁴ Yaw haiˬbyehˇ-awˇyaw muiˬmˇ-awˬ. Tsaˬleˇdzoeˇleˇ-eu jeˬ poˆ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yawdoer jeq-anr byaer-awr yawmuiq jeq mr-awq. Tsaqler dzoerler-eu jeq-anr pov-awr cantae ghae-awq.

Jaceuq 34:14 Iomraidhean Croise

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 120:7

Ngaˇ tsaˬ leˇ tsahˇ leˇ-eu jeˬ ja ngeh, guiˇ deuˆ-eu gaˇ kawˆ aˬ yawꞈ maꞈ ja-eu meh.

Jaceuq 37:27

Yaw haiˬbyehˇ-awˇ yaw muiˬmˇ-awˬ. mˬmaˬmaˬbyaˆzaˇziˇjiˇni, miˇkʼahˬheu kʼahˬnawˬ-ahˇoꞈmeh.

Jaceuq 39:2

Muiˬmuiˬdoeˇdoeˇdawˬmaˬtmˇni, aˬdzawˬloꞈ-ehˇciˬcuˇjawˇkʼawꞈ, ngaˬ-euˬshaˬzahˬnaꞈdzehˬlaˇ-awˇ,

Dawqdaq 13:14

Tsawˇ gahˇ ahˇ-eu deuˬ neh mehˬ-euˬ tsoˆ-euˬ dawˬ deuˬ, dehꞈ-eu saꞈ laˇ lawˇ gawˆ yoeˇ gaˇ duˇ-awˇ, shiˇ-eu lahˇ ju-ahˇ sheuˬ dzeuˇ nya-eu meh.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Dawqdaq 4:24

Maˬ tsaˬ-eu dawˬ taˬ tmˇ. Maˬ dawˇ-eu dawˬ taˬ ngehˬ.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Maꞈtehˬ 5:9

“Tsaˬ leˇ dzoeˇ leˇ ni mˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ-euˬ zaˬ lehˇ kuˇ tehꞈ-a.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Lormav 12:18

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ ni, yawˬ ha kʼaˇ gʼeh nya-eu loꞈ-ehˇ leh jeh-awˇ dehꞈ-awˬ.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

1 Teˇsaˬloˇni 4:11

Nga maꞈ neh naw maꞈ-ahˇ ehˇ nehˬ yaꞈ-euˬ loꞈ-ehˇ, yawˬ ha-euˬ kʼaˬ boeˬ yawˬ ha boeˬ-awˇ, yawˬ haˬ-euˬ gaˇ yawˬ ha mˇ mˇ-ehˇ ciˬ cuˇ ni dehꞈ daˆ leꞈ-awˬ.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

1 Beˬtuˆluˆ 3:11

Yaw haiˬ jeˬ mˇ-eu byehˇ dzeh-awˇ, yaw muiˬ jeˬ ya mˇ daˆ leꞈ meh. Aˬ cawˬ-ahˇ tsaˬ leˇ dzoeˇ leˇ ni, nui ma keuˆ-awˇ ya leh jeh meh.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.