Jaceuq 32:7 - Akha

⁷ Nawˇ-aˬ ngaˬ-euˬdzuˇzaꞈduˬma. Shaˬzahˬguˆgaˆbi dzeuˇlaꞈ-awˇ, ka kʼoꞈ-eu guiˬlahˬyaw dzahˇneh, ngaˬ-ahˇtsahˇlahˇnehˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawr-aq, ngar caevzafduq pyeuf-eu mae. Nawr, ngaq-anr gardzaq garkawv maqbi keuvle-aer hawpir naeqlaf-awr; Nawr, ngaq-euq tiqjawq buq-ir-euq cardawq nae tsanrlanr naeqlaf-eu mae. Sela.

Jaceuq 32:7 Iomraidhean Croise

2 Saˬmeuˬlaˆ 22:1

Sawˇluˆ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ Daˬbiˇ-ahˇ Sahˬpaˬ Miˬyehˇ ka kʼoꞈ nehˬ ngeh, Sahˬpaˬ Miˬyehˇ-ahˇ caˇ dawˬ heu bymˇ Daˬbiˇ caˇ nehˬ-euˬ meh.

Jaceuq 119:114

Nawˇ ngaˬ-ahˇ ngehˬ gʼeh haw piˇ-eu gʼaˬ pyeuꞈ-awˇ, nawˬ-euˬ saˇ jaˇ laꞈ kʼoeˇ ngaˇ noeˬ tmˬ kʼaˇ za-eu ma.

Jaceuq 143:9

Sahˬpaˬ Miˬyehˇ-oˇ, nawˬ-ahˇ ngaˇ laꞈ jeuˬ shaˇ ngeh, muiˇ-eu deuˬ-euˬ laꞈ-ahˇ ka kʼoꞈ nehˬ laꞈ.

Jaceuq 18:5

Shiˇ-eu laˬpeu tahˇtsehˆtaˬ-awˇ, lmˬbymˇlahˇju kʼmˇtaˬ-euˬmeh.

Jaceuq 27:5

Guˆ-eu gaˆ-eu jeˬkeuˆle ngeh, aˬyawꞈ-euˬnymˇnymˇma laꞈkʼoeˇ, aˬyawꞈngaˬ-ahˇsheuˬpiˇtehꞈ-a. Sehˬgʼawˆnaˇshmˇbaˇzaꞈuˬmoˆ, aˬyawꞈngaˬ-ahˇsheuˬzaꞈtehꞈ-a. goˇdui dui-eu lo guˇ uˬ du, aˬyawꞈngaˬ-ahˇciˬdaˆtehꞈ-a.

Jaceuq 31:20

Yaw doeˇmaˬbi jahˇ-eu gʼaˇduˬ, yawꞈmaꞈ-ahˇnawˇhaw piˇnehˬ-awˇ, dawˬdoeˇmaˬbi daˬ-eu gʼaˇduˬ, yawꞈmaꞈ-ahˇnawˇha lahˇ-eu meh.

Jaceuq 32:10

Haiˬ-eu tsawˇhaˬ shaˬzahˬnaꞈ-awˇ, SahˬpaˬMiˬyehˇ-ahˇgʼoe-eu deuˬ, gʼoeˇ-eu gaˬ-eu bi tsahˇlahˇmeh.

Jaceuq 40:3

Yawꞈ-ahˇceuˬ-eu caˇdawˬyaw shuiꞈ, yawꞈngaˬ-ahˇmehˬnehˬlaꞈ-euˬmeh. Ya gaˬya mawˇ-eu tsawˇhaˬdeuˬ, guˆ-eu nui ma ahˇ-eu laꞈkʼoeˇ, SahˬpaˬMiˬyehˇ-ahˇgʼoe tehꞈ-a.

Jaceuq 5:12

SahˬpaˬMiˬyehˇ, nawˬ-euˬehˇdawˬ, naˇhaˬgeuꞈ-eu tsawˇhaˬdeuˬ-ahˇ, nawˇguiˬlahˬshehˬnehˬlawˇnehˬ-awˬ. Nawˬ-euˬgʼoeˇ-eu gaˬ-eu jeˬ-aˬ, guiˇdeuˆ-eu dehˬdaˬduˬloꞈ-ehˇ, yawꞈmaꞈ-ahˇ loꞈpiˇnehˬ-eu meh.

Jaceuq 9:9

Bi kʼehˬbi kʼaˆ-euˬdeuˬgʼaˇduˬ, SahˬpaˬMiˬyehˇgʼoe duˬpyeuꞈ-awˇ, shaˬ-eu zahˬ-eu jeˬ keuˆ le ngeh, nui saˇbi oꞈ-eu lo guˇ meh.

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Jaceuq 98:1

Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Kʼaˆ jeˬ-ehˇ gʼeh-eu gaˇ aˬ yawꞈ mˇ-euˬ meh. Aˬ yawꞈ-euˬ baoˬ hawˇ-eu muiˬ-eu shawˇ-eu gʼaˬ baˬ da neh, aˬ yawꞈ gʼaˬ leˇ-eu gʼaˬ pyeuꞈ-eu meh.

Yeˬlaˬmiˇ 36:26

Kʼoeˇ naˇ, ngaˇ hawˇ-eu ngaˬ neh ehˇ-euˬ dawˬ boꞈ doˆ-euˬ gʼaˬ pyeuꞈ-eu Baˬluˆ nga nyaꞈ-ahˇ bi nyehꞈ-eu gʼaˇ duˬ, sahˬ paˬ zaˬ yo Yeˬlaˬmeˬlaˇ, Aˬzaˬleˬlaˇ-euˬ aˬ li Seˬlehˇyaˬ hawˇ-eu Aˬbaˬdeˬlaˇ-euˬ aˬ li Sheˬleˬmiˇ aˬ ha smˇ gʼaˬ-ahˇ, sahˬ paˬ dawˬ biꞈ-euˬ meh. Ehˇ kʼawꞈ, Sahˬpaˬ Miˬyehˇ neh ngaˬ-ahˇ sheuˬ zaꞈ nehˬ laꞈ-euˬ meh.

Gawˇlawˇsehˇ 3:3

Aˬ jeˬ miˇ neh ehˇ naˇ, naw maꞈ shiˇ-euˬ tsawˇ haˬ pyeuꞈ-awˇ, naw maꞈ maˇ maˇ ni ya dehꞈ-eu jeˬ-aˬ, Ka li dehꞈ-eu jeˬ nehˬ-ehˇ tiˬ kawˆ loꞈ-ehˇ Miˬyehˇ laꞈ kʼoeˇ zaꞈ taˬ-awˇ jaˆ-a siˬ.

Panmaeq 7:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Ka kʼoꞈ-eu jeˬ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu aˬ dui-euˬ Miˬyehˇ hawˇ-eu aˬ dui-euˬ Yawˇzaˬ jawˇ gaˇ neh oe-euˬ meh” lehˇ ehˇ-eu meh.

Yaˇ kʼaˬ daˇ 5:1

Kʼoeˇ ngeh nah, Diˬboˇlaˬ hawˇ-eu Aˬbiˇnamˬ-euˬ aˬ li Baˬyehˇ aˬ nyaꞈ caˇ dawˬ heu bymˇ caˇ-euˬ meh.