Jaceuq 31:2 - Akha

² Ngaˬ-euˬshaˇdawˬ-ahˇ naˇhaˬ-awˇ, yaw kawˇ-ehˇ ka kʼoꞈle nehˬlaꞈ. Ngaˬ-euˬgʼoe duˬlo guˇhawˇ-eu, ziꞈdah ni gʼeh-eu taˆloꞈ-ehˇ, ngaˬ-ahˇhaw teˬhaw piˇnehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawq-euq naqbawr, ngaq-anr ciqkhmr ghaelef naeqlaf-awr, Ngaq-anr yawkawr-aer bibuq-ir naeqlaf-awq. Ngaq-euq caevzafduq logur pyeufnaeq laf-awr; Ngar yabuq-ir ni, lofpir-eu zif-eu lanrlof pyeufnaeq laf-awq.

Jaceuq 31:2 Iomraidhean Croise

2 Saˬmeuˬlaˆ 22:3

Ngaˬ-euˬ Miˬyehˇ ngaˬ-euˬ lo guˇ, shaˬ zahˬ oe ngeh dzuˇ zaꞈ duˬ ma. Ngaˬ-ahˇ loꞈ piˇ-eu dehˬ daˬ duˬ, ngaˬ-ahˇ ka kʼoꞈ-eu uˬ coeˇ meh. Ngaˬ-euˬ ziꞈ duˬ hawˇ-eu gʼoe duˬ, ngaˬ-ahˇ ka kʼoꞈ-eu yaw sahˇ meh. Yaw haiˬ yaw doeˇ mˇ daˆ laˇ gaˇ, nawˇ ngaˬ-ahˇ ka kʼoꞈ laꞈ-euˬ meh.

Yawˇbaˆ 7:21

Ngaˬ-euˬ iˬ baˇ-ahˇ nawˇ maˬ pyehˬ nehˬ nya nya loˇ. Ngaˬ neh mˇ lehˬ-euˬ jeˬ-ahˇ maˬ taˬ nehˬ nya-a loˇ. Gʼawˬ myahˇ maˬ gʼeh-ehˇ ngaˇ lmˬ bymˇ-ahˇ ya yuꞈ-awˇ, nawˇ ngaˬ-ahˇ poˆ le ngeh-aˬ, ngaˇ maˬ paˇ dehꞈ-aˇ.”

Jaceuq 102:2

Ngaˇ shaˬ zahˬ ya tahˬ puˬ ngeh, taˬ byehˇ dzeh nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˇ kuˇ ngeh yaw kawˇ-ehˇ oˬ toˬ nehˬ laꞈ.

Jaceuq 130:2

Sahˬpaˬ Miˬyehˇ-oˇ, ngaˇ guˇ-awˇ ngoeˇ gaˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ taˬ byehˇ dzeh nehˬ laꞈ.

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 40:17

Ngaˇshaˬdui zahˬdui dui-eu gaˇ, SahˬpaˬMiˬyehˇhaw mawˇluꞈ-uˇ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇnawˇpyeuꞈ-eu ma. Maˬnyi naˬni ngehˬgʼeh nehˬlaꞈ.

Jaceuq 62:7

Ngaˬ-ahˇ ka kʼoꞈ-eu jeˬ hawˇ-eu ngaˬ-euˬ myaˆ pyawˬ naˇ mehˇ, Miˬyehˇ laꞈ kʼoeˇ jaˆ-eu meh. Aˬ yawꞈ-aˬ, ngaˬ-euˬ gʼoe duˬ hawˇ-eu, ngaˬ-euˬ ziꞈ duˬ lo guˇ meh.

Jaceuq 69:17

Nawˬ-euˬ zaˬ kʼaˆ-ahˇ nawˬ-euˬ myaˆ pyawˬ taˬ ciˬ zaꞈ nehˬ laꞈ. Ngaˇ shaˬ dui zahˬ dui dui luꞈ-eu miˇ neh, ngaˬ-euˬ shaˇ dawˬ-ahˇ nymˬ-mˇ naˇ haˬ nehˬ laꞈ.

Jaceuq 7:2

Nawˇngaˬ-ahˇ maˬka kʼoꞈlaꞈnaˇ, haiˬ-eu aˇlaˬjaˬshiˇloꞈ-ehˇ, caw ba le-eu gʼaˬmaˬjawˇgaˇ, yawꞈmaꞈngaˬ-ahˇ baꞈdzaˬgʼeh-awˇ, cehˬpyaˬcehˬshaˇnehˬlaꞈtehꞈ-a.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Jaceuq 86:1

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ-awˇ ngaˬ-ahˇ ngehˬ cawˬ nehˬ laꞈ. Ngaˇ gʼaˬ baˬ-awˇ gʼoe kʼaˇ maˬ za nya.

Jaceuq 90:1

Sahˬpaˬ Miˬyehˇ-oˇ, tiˬ ziˇ saˇ-iˬ tiˬ ziˇ nawˇ nga maꞈ-euˬ nymˇ loꞈ-ehˇ pyeuꞈ-eu ma.

Jaceuq 91:9

Sahˬpaˬ Miˬyehˇ haw piˇ-eu uˬ moˆ nawˇ jawˇ-awˇ, Huiˬ dui mahˇ dui dui-eu gʼaˬ neh bi haw piˇ-euˬ miˇ neh,

Jaceuq 94:22

Ehˇ kʼawꞈ Sahˬpaˬ Miˬyehˇ ngaˬ-ahˇ haw piˇ-eu meh. Miˬyehˇ ngaˬ-ahˇ ngehˬ gʼeh dah teˬ-euˬ meh.

Dawqdaq 22:17

Naˬ bawˇ ciˬ kʼmˇ-awˬ. Tsawˇ gahˇ byah-eu deuˬ neh ngehˬ taˬ yaꞈ-euˬ dawˬ nawˬ-ahˇ ngaˇ mehˬ nyaˇ. Aˬ yawꞈ maꞈ-euˬ dawˬ-ahˇ yaw muiˬ paˬ-ehˇ shaˇ noeˬ-awˇ dzaw geuꞈ-awˬ.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Luˇkaꞈ 18:8

Aˬ yawꞈ maꞈ-euˬ gʼaˇ duˬ aˬ yawꞈ yaw kawˇ-ehˇ yaˇ kʼaˬ daˇ tehꞈ-a lehˇ, naw maꞈ-ahˇ ngaˇ ehˇ-eu ma. Ehˇ kʼawꞈ, Tsawˇhaˬ-euˬ Zaˬmaˇ zaꞈ le ngeh, miˇ tsaˬ kʼoeˇ taˆ jah-eu jeˬ jaˆ luꞈ gaˇ ya mawˇ tehꞈ-a loˇ.”

Yoˇhaˬ 6:56

Ngaˬ-euˬ shaˬ jiˇ dzaˬ-awˇ ngaˬ-euˬ shiˬ dawˇ-eu tsawˇ haˬ-aˬ, ngaˬ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, ngaˇ kʼawꞈ, aˬ yawꞈ-euˬ laꞈ kʼoe jawˇ-eu ma.

Dawˬmehˬ 32:31

Muiˇ-eu deuˬ-euˬ miˬ yehˇ kʼoeˇ deuˬ, Iˇsaˬleˬlaˆ Miˬyehˇ naˆ ni, baoˬ maˬ ahˇ-ehˇ gʼaˬ maˬ kʼaˆ-eu, muiˇ-eu deuˬ siˬ duˬ taˬ-euˬ meh.

1 Yoˇhaˬ 4:12

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Ehˇ kʼawꞈ, aˬ dui tiˬ gʼaˬ tiˇ gʼaˬ gaˬ naˇ, aˬ dui laꞈ kʼoeˇ Miˬyehˇ jawˇ-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui laꞈ kʼoeˇ byah laˇ tehꞈ-a.