Jaceuq 30:6 - Akha

⁶ Ngaˇbaw luꞈza luꞈ-eu laꞈkʼoeˇ, shaˬle-eu nah maˬbaw ma lehˇ, yawˬhaˇyawˬha ehˇpeuˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ngar daefdzaq daefdawr-eu lafkhoer, “Ngar-aq, tiqjawr-iq nyinyi-aer maq ghaelar” laer aer-eu ma.

Jaceuq 30:6 Iomraidhean Croise

Jaceuq 10:6

“Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

Jaceuq 119:117

Ngaˇ guˆ kʼaˇ maˬ za-ehˇ nawˬ-euˬ zahˇ dawˬ kʼoꞈ dawˬ-ahˇ tuˆ tehˬ taˬ nya ni, ngaˬ-ahˇ ciˬ tuˇ nehˬ laꞈ.

Jaceuq 126:6

Myaˆ biˇ shiˆ shiˆ-ehˇ cehˇ siˬ yoeˬ pi-awˇ doˆ-iˇ-euˬ deuˬ, laˬ kʼaˬ cehˇ-eu caˇ dawˬ caˇ caˇ-ehˇ, cehˇ pi-awˇ gʼoꞈ laˇ tehꞈ-a.

Jaceuq 15:5

aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.

Jaceuq 16:8

SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Iˇsaˬyaˇ 47:7

Aˬ myah luꞈ sahˬ paˬ ma ya geuꞈ ma lehˇ nawˇ noeˬ tmˬ-awˇ, gaˇ kawˆ heu deuˬ-ahˇ nawˇ maˬ shaˇ sawˇ ni, mehˬ hu paw pyeuꞈ laˇ-eu gaˇ kawˆ maˬ shaˇ noeˬ-a.

Iˇsaˬyaˇ 54:7

“Nawˬ-ahˇ ngaˇ tiˬ kʼehˇ laˇ kʼehˬ byehˇ dzeh-euˬ tehꞈ ma. Gaˬ dui dui-eu laꞈ kʼoeˇ nawˬ-ahˇ ngaˇ paˇ sheuˬ kʼoꞈ geuꞈ ma.

Iˇsaˬyaˇ 56:12

Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Luˇkaꞈ 12:19

Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

2 Gawˇliˬtu 12:7

Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.