Jaceuq 30:4 - Akha

⁴ SahˬpaˬMiˬyehˇ-euˬtsawˇshawˇdeuˬ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ciˬpoeˬ-awˬ. Yawꞈ-euˬtsawˇmyahˇ-ahˇnoeˬkeuˆ-awˇ, yawꞈ-euˬguiˬlahˬ-ahˇ ja ceuˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawmaf, Ya’we Miqyaer-euq tsawrshawr deuq, Dawqcar car-awr Miqyaer-anr jaceuq-awq. Aqyawf-euq shawr-eu tsawrmyanr-anr jaceuq-awq.

Jaceuq 30:4 Iomraidhean Croise

1 Laˬsaˬbaˬ 16:4

Dawˬ ma saˇ jaˇ Bahˬ keuˆ mehˬ shi caˇ dawˬ caˇ-awˇ ja ceuˬ-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ gaˇ sheuˬ gʼeh-eu gʼaˇ duˬ, Leˬbiˇ tsawˇ haˬ tiˬ paˆ na deuˬ-ahˇ Daˬbiˇ gaˇ biꞈ nehˬ-euˬ meh.

Jaceuq 107:20

Aˬ yawꞈ-euˬ dawˬ neh aˬ yawꞈ maꞈ-ahˇ laˆ saˆ taˬ-awˇ, shiˇ gaˇ maˬ bi keuˆ ni ka kʼoꞈ-euˬ meh.

Jaceuq 132:9

Nawˬ-euˬ piˇ ma deuˬ aˬ myah luꞈ, yaw tsaˬ yaw dawˇ dawˇ-ehˇ mˇ-awˇ, nawˬ-euˬ tsawˇ haˬ deuˬ laˬ kʼaˬ cehˇ-awˇ guˇ luꞈ-uˇ.

Jaceuq 148:14

Aˬ yawꞈ-euˬ tsawˇ jeuˬ-ahˇ aˬ yawꞈ gʼaˬ bi kʼaˆ laˇ-euˬ meh. Kʼoeˇ miˇ neh aˬ yawꞈ-euˬ tsawˇ haˬ deuˬ aˬ yawꞈ-ahˇ ja ceuˬ-awˬ. Aˬ yawꞈ-ahˇ peh-eu Iˇsaˬleˬlaˆ tsawˇ haˬ deuˬ aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 28:1

Ngaˇgʼoe-eu SahˬpaˬMiˬyehˇ-oˇ, ngaˇkuˇgaˇ naˇhaˬnehˬlaꞈ-awˬ. Ngaˬ-euˬ ziꞈ duˬlo guˇ-oˇ, maˬnaˇhaˬni taˬbyehˇnehˬlaꞈ. Ngaˇkuˇgaˇ maˬnaˇhaˬlaꞈnaˇ, shiˇ-eu duˬkʼahˬ-ahˇga ahˇ-awˇ, ya shaˬluꞈ-eu tsawˇhaˬnehˬ-ehˇ, ngaˇya shaˬ-eu yaw duˬbaw meh.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 50:5

Lawˇ-eu shehˇ-eu laꞈ kʼoeˇ ngaˬ nehˬ-ehˇ dawˬ ma saˇ jaˇ dzaˬ taꞈ-euˬ, ngaˬ-ahˇ saˇ jaˇ ziꞈ-eu ngaˬ-euˬ tsawˇ haˬ deuˬ ngaˇ jawˇ gaˇ uiˬ laˇ-awˬ lehˇ aˬ yawꞈ ehˇ-eu meh.

Jaceuq 86:13

Nawˇ ngaˬ-ahˇ maˬ tsehˆ leˇ ni gaˬ-eu jeˬ huiˬ dui dui meh. Lmˬ bymˇ laꞈ kʼoeˇ ngaˬ-ahˇ nawˇ ka kʼoꞈ doˆ nehˬ laꞈ-euˬ meh.

Jaceuq 97:12

Sahˬpaˬ Miˬyehˇ neh mˇ-euˬ gaˇ baˬ da neh, yaw tsaˬ yaw dawˇ tsawˇ haˬ dawˬ tawˆ luꞈ laˬ kʼaˬ cehˇ-awˬ. Muiˬ-eu shawˇ-eu Miˬyehˇ neh mˇ-euˬ gaˇ-ahˇ noeˬ keuˆ-awˇ, aˬ yawꞈ-euˬ guiˬ lahˬ-ahˇ ja ceuˬ-awˬ.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.