Jaceuq 27:6 - Akha

⁶ Ngaˬ-euˬtiˬjawˬjawˇbyah taˬ-euˬ, muiˇ-eu deuˬ-ahˇngaˇgʼaˬleˇ-awˇ, laˬkʼaˬcehˇ-awˇguˇ-eu laꞈkʼoeˇ, aˬyawꞈ-euˬUˬduˬtahˬnymˇ-ahˇ, lawˇ-eu shehˇ-eu jeˬ ngaˇmˇ-awˇ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ja ceuˬma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nymq-mr ngar, ngaq-euq tiqjawq jawrbyan taq-euq, Ngaq-anr muir-eu deuq-euq khoertav, ngaq-euq uqduq bafdir ma. Khoernar-aq, ngar, Miqyaer-euq saqpar saeqghawv-euq lafkhoer, laqkhaq caer-awr lawr-eu jeq lawrnaeq ma. Ngar dawqcar car ma. Ngar car-awr Ya’we Miqyaer-anr jaceuq ma.

Jaceuq 27:6 Iomraidhean Croise

Aˇ dahˬ 40:13

Smˬ nah laꞈ kʼoeˇ sahˬ paˬ nawˬ-ahˇ pyehˬ doˆ-awˇ, yaw beh nawˬ neh kʼaˇ mˇ-euˬ gaˇ paˇ bi mˇ laꞈ tehꞈ-a. Nawˇ aˬ yawꞈ-ahˇ aˬ gaꞈ dzaˇ uiˇ jahˇ nehˬ-eu aˬ yuiꞈ geuꞈ ngeh, aˬ yawꞈ-ahˇ kʼmˬ maˬ ciˬ miˇ nehˬ-awˇ bi dawˇ haw-euˬ loꞈ-ehˇ, gʼawˬ myahˇ maˬ gʼeh-ehˇ, kʼmˬ maˬ paˇ ya ciˬ miˇ nehˬ tehꞈ-a.

Aˇ dahˬ 40:20

Smˬ nah byah laˇ ngeh, sahˬ paˬ dehꞈ le-euˬ bawˬ-iˬ jahˇ-eu aˇ nah paˇ keuˆ laˇ-euˬ miˇ neh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ kuˇ uiˬ-awˇ, bawˬ-iˬ gʼeh-eu laꞈ kʼoeˇ dzaˬ taꞈ dawˇ taꞈ-euˬ meh. Kʼoeˇ ngeh, aˬ yawꞈ gʼaˇ duˬ aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, kaˬ muˇ jahˇ-eu paw aˬ yuiꞈ geuꞈ-eu gʼaˬ-ahˇ pyehˬ doˆ-awˇ, yaw huiˬ yaw mahˇ deuˬ-euˬ mehˬ shi bi sheuˬ laꞈ-euˬ meh.

2 Saˬmeuˬlaˆ 22:1

Sawˇluˆ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ Daˬbiˇ-ahˇ Sahˬpaˬ Miˬyehˇ ka kʼoꞈ nehˬ ngeh, Sahˬpaˬ Miˬyehˇ-ahˇ caˇ dawˬ heu bymˇ Daˬbiˇ caˇ nehˬ-euˬ meh.

2 Saˬmeuˬlaˆ 22:49

Muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ ngaˬ-ahˇ gʼeu doˆ-euˬ meh. Ngaˬ-ahˇ muiˇ-eu deuˬ-euˬ kʼoeˇ taˆ, nawˇ ngaˬ-ahˇ ciˬ huiˬ laꞈ-euˬ meh. Yaw haiˬ mˇ-eu deuˬ-euˬ laꞈ-ahˇ, nawˇ ngaˬ-ahˇ ka kʼoꞈ laꞈ-euˬ meh.

2 Saˬmeuˬlaˆ 7:9

Nawˇ kʼaˇ iˇ kʼaˇ laˇ gaˇ nawˬ nehˬ-ehˇ ngaˇ jawˇ-awˇ, nawˇ iˇ-eu gaˇ ma mehˬ hu jawˇ-eu nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ deuˆ gʼaˬ nehˬ-euˬ ma. Miˇ tsaˬ kʼoeˇ taˆ huiˬ dui dui-eu aˬ yuiꞈ aˬ tsu geuꞈ-eu deuˬ loꞈ-ehˇ, nawˬ-ahˇ ngaˇ tsawˇ myahˇ bi doˆ ma.

2 Sahˬpaˬ 25:27

Eˇbiˇlaˆmeˬyawˇdaˆ gʼaˬ Baˬbuˇloˬ sahˬ paˬ pyeuꞈ laˇ ngeh kʼoꞈ, Yuˇdaˆ sahˬ paˬ Yeˬhawˇyaˬciˬ-ahˇ aˬ yawꞈ gʼawˬ shaˬ gaˬ-awˇ, paꞈ kuˆ laꞈ kʼoeˇ neh pyehˬ doˆ nehˬ-euˬ meh. Yeˬhawˇyaˬciˬ-ahˇ paꞈ kuˆ laꞈ kʼoeˇ nyehꞈ ahˇ taˬ-euˬ smˬ tseˇ shiꞈ kʼoꞈ tiˬ kʼoꞈ, ba la tseˇ nyiꞈ siˬ tiˬ siˬ nyiˬ tseˇ shiꞈ nah-ahˇ, kʼoeˇ loꞈ-ehˇ pyehˬ doˆ nehˬ-euˬ meh.

1 Laˬsaˬbaˬ 22:18

Aˬ yawꞈ ehˇ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ-awˇ, naw maꞈ-euˬ miˇ kʼahˬ oeˬ paw oeˬ coeˇ luꞈ, kʼahˬ lahˇ duˬ maˬ jaˆ ni saˇ lehˆ ni aˬ yawꞈ bi jaˆ-euˬ meh. Miˇ kʼahˬ heu kʼahˬ-ahˇ jawˇ-euˬ tsawˇ jeuˬ dawˬ tawˆ luꞈ kʼoeˇ taˆ, aˬ yawꞈ neh ngaˬ-ahˇ bi gʼaˬ leˇ nehˬ laꞈ-awˇ, Sahˬpaˬ Miˬyehˇ-euˬ uˬ moˆ hawˇ-eu naw maꞈ uˆ lahˇ-eu uˬ moˆ aˬ yawꞈ maꞈ jawˇ luꞈ meh.

Jaceuq 107:22

Lawˇ-eu shehˇ-eu laꞈ kʼoeˇ aˬ yawꞈ-ahˇ aˬ yawꞈ maꞈ ja ceuˬ-eu tsaˬ-awˇ, laˬ kʼaˬ cehˇ-eu caˇ dawˬ caˇ-eu laꞈ kʼoeˇ, aˬ yawꞈ neh mˇ-euˬ huiˬ-eu gaˇ deuˬ gaˇ kawˆ, aˬ cawˬ-ahˇ ja mehˬ-eu tsaˬ meh.

Jaceuq 110:7

Gaˇ ma gaˇ dzeˇ yoeˇ-eu lawˇ gawˆ-ahˇ ngaˬ-euˬ sahˬ paˬ iˇ cuꞈ dawˇ shiˬ-awˇ, gʼaˬ leˇ-eu gʼaˬ loꞈ-ehˇ kʼaˬ duˬ ni yawꞈ-eu meh.

Jaceuq 119:108

Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ngaˇ ja ceuˬ gaˇ ha geuꞈ laꞈ-awˇ, nawˬ-euˬ zahˇ dawˬ kʼoꞈ dawˬ ngaˬ-ahˇ mehˬ nehˬ laꞈ-awˬ.

Jaceuq 138:5

Huiˬ dui dui-eu nawˬ-euˬ yaw shehꞈ kʼahˬ sehˇ hawˇ-eu, nawˬ neh mˇ taˬ-euˬ gaˇ deuˬ-ahˇ, aˬ yawꞈ maꞈ caˇ-awˇ ja ceuˬ tehꞈ-a.

Jaceuq 21:1

Sahˬpaˬ Miˬyehˇ-oˇ, nawˬneh gʼaˬbiꞈnehˬ-euˬmiˇneh, sahˬpaˬlaˬkʼaˬcehˇluꞈ-eu meh. Gʼaˬleˇ-eu jeˬbiꞈ-euˬmiˇneh, aˬyawꞈlaˬkʼaˬcehˇdui dui meh.

Jaceuq 21:13

SahˬpaˬMiˬyehˇ-oˇ, nawˇgʼaˬkʼaˆgaˇja ceuˬ-eu ma. Huiˬdui dui-eu nawˬ-euˬbaoˬ-ahˇ, nga maꞈcaˇ-awˇja ceuˬ-eu ma.

Jaceuq 3:3

Ehˇ kʼawꞈ Sahˬpaˬ Miˬyehˇ nawˇ-aˬ, guˆgaˆdawˬtawˆdehˬpiˇluꞈ-eu, ngaˬ-euˬdehˬdaˬduˬ pyeuꞈ-eu ma. Nui ma-ahˇ gʼaˬbiꞈlahˬlaꞈ-awˇ, muiˇ-eu deuˬ-ahˇgʼaˬleˇ-euˬma.

Jaceuq 3:4

Caw ba nehˬ laꞈlehˇ ngaˇguˇngeh, gawˬjawˬyaw shawˇkʼoeˇtaˆ jawˇ-eu, SahˬpaˬMiˬyehˇ naˇhaˬ-eu meh.

Jaceuq 47:1

Tsawˇ jeuˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ laꞈ kʼawˆ tehˆ-awˬ. Yaw kʼaˆ-ehˇ guˇ-eu laꞈ kʼoeˇ caˇ dawˬ caˇ-awˇ, Miˬyehˇ-ahˇ ja ceuˬ-awˬ.

Jaceuq 57:8

Ngaˬ-euˬ nui ma-oˇ, noeˬ laˇ-awˬ. Ngaˬ-euˬ deuˇ-mˬ hawˇ-eu bawˬ law-oˇ, noeˬ laˇ-awˬ. Nahˇ ma-ahˇ ngaˇ laˆ noeˬ ma.

Jaceuq 81:1

Aˬ dui-ahˇ haw piˇ-eu Miˬyehˇ-ahˇ laˬ kʼaˬ cehˇ-awˇ guˇ-awˬ. Yaˬkoˆ-euˬ Miˬyehˇ-ahˇ caˇ-awˇ ja ceuˬ-awˬ.

Jaceuq 95:1

Laˇ-awˬ. Sahˬpaˬ Miˬyehˇ-ahˇ aˬ dui ja ceuˬ ma. Aˬ dui-ahˇ haw piˇ nehˬ laꞈ-euˬ Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ kaˇ-euˇ.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Yeˬlaˬmiˇ 31:7

Sahˬpaˬ Miˬyehˇ heu loꞈ-ehˇ ehˇ-eu meh. “Dawˬ tawˆ kʼoeˇ taˆ huiˬ-eu tsawˇ jeuˬ pyeuꞈ-eu, Iˇsaˬleˬlaˆ gʼaˇ duˬ laˬ kʼaˬ cehˇ-eu caˇ dawˬ caˇ-awˬ. Sahˬpaˬ Miˬyehˇ aˬ yawꞈ-euˬ tsawˇ jeuˬ ka kʼoꞈ-awˇ, kʼaˇ dzeˇ luꞈ-eu deuˬ-ahˇ sheuˬ kʼoꞈ laꞈ-euˬ meh lehˇ, ja ceuˬ-eu caˇ dawˬ caˇ-awˬ.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.