Jaceuq 27:4 - Akha

⁴ SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, Ya’we Miqyaer-anr nae tiq jeq geufmawf mir-a, Khoerjeq-anr ngar pov-eu ma. Khoer-aq, ngar khardaef-eu arnan aryamq dawqtawvluf, Ya’we Miqyaer-euq nymr-euq lafkhoer jawr-awr nae, Hawmuiq-eu Ya’we Miqyaer-euq yawmuiq-anr hawhaw-aer, Aqyawf-euq uqduq tanqnymr nymrma-euq lafkhoer narhaqtser mawf mir-a.

Jaceuq 27:4 Iomraidhean Croise

2 Saˬmeuˬlaˆ 21:1

Daˬbiˇ sahˬ paˬ geuꞈ-awˇ uˆ lahˇ-euˬ aˇ yamˬ laꞈ kʼoeˇ, mehꞈ dui shuꞈ dui dui-eu aˇ kʼoꞈ smˇ kʼoꞈ keuˆ le-euˬ meh. Gaˇ kawˆ kʼoeˇ Sahˬpaˬ Miˬyehˇ-ahˇ Daˬbiˇ naˇ haˬ ngeh, “Sawˇluˆ hawˇ-eu aˬ yawꞈ-euˬ nymˇ kʼahˬ zaˬ deuˬ aˬ cawˬ-ahˇ sehꞈ-euˬ iˬ baˇ pi luꞈ-eu meh. Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ sehꞈ-euˬ meh” lehˇ, Sahˬpaˬ Miˬyehˇ ehˇ-eu meh.

Jaceuq 23:6

Nawˬ-euˬguiˬlahˬyaw dzahˇhawˇ-eu, nawˇgʼawˬshaˬgaˬnehˬlaꞈ-eu jeˬ, maˬ shiˇ tiˬ ziˇ ngaˬ-euˬ kʼoeˇ taˆ, maˬbyehˇni caw teh le tehꞈ-a. SahˬpaˬMiˬyehˇ-euˬnymˇlaꞈkʼoeˇ, mˬmaˬmaˬbyaˆzaˇziˇjawˇma.

Jaceuq 26:6

Sahˬpaˬ Miˬyehˇ-oˇ, Ngaˇiˬbaˇmaˬahˇ-eu gaˇkawˆ, aˬlaꞈdzuiꞈshawˇdzeh mehˬ-euˬma. Nawˬ-euˬlawˇduˬtiˬjawˬcah-awˇ, nawˬ-ahˇuˬduˬtahˬlaˇ-euˬma.

Jaceuq 26:8

Sahˬpaˬ Miˬyehˇ-oˇ, nawˬ-euˬyaw shehꞈkʼahˬsehˇjaˆ-eu, nawˬ-euˬnymˇ-ahˇngaˇgaˬ-eu ma.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Jaceuq 84:4

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ ya jawˇ-awˇ, aˬ myah luꞈ nawˬ-ahˇ caˇ-awˇ ja ceuˬ-eu deuˬ, laˬ kʼaˬ cehˇ-eu jeˬ byah luꞈ-uˇ.

Jaceuq 90:17

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ guiˬ lahˬ yaw dzahˇ bi keuˆ le-awˬ. Nga maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, guiˬ lahˬ bi baw le-awˬ.

Yeˬlaˬmiˇ 29:13

Naw maꞈ ngaˬ-ahˇ poˆ-awˇ, poˆ mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ poˆ tehꞈ-a.

Daˬyeˬlaˇ 9:3

Kʼoeˇ naˇ, ngaˇ maˬ dzaˬ maˬ dawˇ ni jawˇ-awˇ, guˬ daˇ pehˇ zeuˇ mehˬ tsoeˬ dm-euˬ uˬ taꞈ, kʼaˬ lehˇ tsahˬ-ahˇ nuiˇ-awˇ, Sahˬpaˬ Miˬyehˇ pyeuꞈ-eu Miˬyehˇ-ahˇ guiˬ lahˬ shaˇ dui dui-euˬ ma.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 13:24

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Luˇkaꞈ 2:37

Kʼoeˇ ngeh neh naˇ, yehꞈ tseˇ kʼoꞈ byah laˇ ngeh keuˆ ni miˬ coeˬ miˬ ma geuꞈ-awˇ jawˇ-eu meh. Aˬ yawꞈ Uˬ duˬ tahˬ nymˇ nymˇ ma-ahˇ tiˬ jawˇ-iˬ maˬ gʼawˬ-iˇ ni, uˬ ciꞈ nah gʼahˇ maˬ ehˇ, maˬ dzaˬ-eu zahˇ jahˇ-awˇ guiˬ lahˬ shaˇ-euˬ meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Piˇliˇpiˆ 3:13

Aˬ yuiꞈ aˬ nyiˇ Ka li zaˬ deuˬ-oˇ, laꞈ sawˬ kʼoeˇ-ahˇ za gʼaˬ-euˬ ma lehˇ ngaˇ maˬ noeˬ. Ehˇ kʼawꞈ, ngaˇ mˇ luꞈ-eu tiˬ jeˬ-aˬ, naˇ kʼah paw mˇ dzeuˇ yaꞈ-euˬ jeˬ-ahˇ ngehˇ dzeh yaꞈ-awˇ, mehˬ hu paw mˇ paˬ-ehˇ jaˆ luꞈ-eu jeˬ-ahˇ miˇ leˇ ni leh jeh luꞈ-eu ma.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.

1 Saˬmeuˬlaˆ 1:11

Haˬnahˬ heu loꞈ-ehˇ saˇ jaˇ dzaˬ-euˬ meh. “Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ haw sheˇ. Ngaˇ shaˬ zahˬ naꞈ dui dui luꞈ gaˇ haw mawˇ-awˇ, ngaˬ-ahˇ maˬ ngehˇ ni noeˬ keuˆ nehˬ laꞈ-awˬ. Nawˇ ngaˬ-ahˇ aˬ li tiˬ li bi jawˇ le nehˬ laꞈ naˇ, aˬ li kʼoeˇ li-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni bi jaˆ-awˇ, aˬ yawꞈ-euˬ gʼawˇ mawˇ maˬ shiˇ tiˬ ziˇ nawˬ-ahˇ a nehˬ ma lehˇ nawˬ nehˬ-ehˇ ngaˇ saˇ jaˇ dzaˬ ma.”

1 Saˬmeuˬlaˆ 22:10

Daˬbiˇ aˬ joˆ-ehˇ mˇ paˬ shaˇ paˬ-ehˇ gʼeh-eu gaˇ kawˆ Aˬhiˇmaˬlehˇ neh Sahˬpaˬ Miˬyehˇ-ahˇ naˇ haˬ nehˬ-awˇ, dzaˬ dzaˬ dawˇ dawˇ hawˇ-eu Piˇliˇtiˆ tsawˇ haˬ Gawˇliˆyaˆ-euˬ mi cehˇ kʼoeˇ kahˇ Daˬbiˇ-ahˇ biꞈ nehˬ-eu meh.”

1 Saˬmeuˬlaˆ 30:8

Kʼoeˇ ngeh, Daˬbiˇ Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ kʼoeˇ deuˬ-euˬ mehˬ nah ngaˇ caw teh-iˇ-awˬ loˇ. Aˬ yawꞈ maꞈ-ahˇ ngaˇ teh mi coeˇ tehꞈ-a loˇ.” Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ caw teh-iˇ-awˬ. Aˬ yawꞈ maꞈ-ahˇ nawˇ teh mi-awˇ, aˬ yawꞈ maꞈ neh nyehꞈ gʼeh-euˬ tsawˇ haˬ deuˬ-ahˇ nawˇ ka kʼoꞈ nya tehꞈ-a.”