Jaceuq 27:3 - Akha

³ Guiˇmaꞈtiˬmaꞈmaꞈlah oe-awˇ, ngaˬ-ahˇjawˬlahˇjiˇkʼawꞈmaˬguˆ. Muiˇ-eu deuˬngaˬ-ahˇdeuˆle kʼawꞈ, ngaˬ-euˬnui ma ziꞈdah jaˆma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngaq-anr guirdeuv deuv-eu laer turlar-awr, Ngaq-euq tiqjawq guirmaf lofjawqjir taq-euq khawf, Ngaq-euq nuima maqguv. Ngaq-anr guirdeuv deuv-eu jeq keuvle taq-euq khawf, heu-euq lafkhoer, Ngar yawduq baw-eu ma.

Jaceuq 27:3 Iomraidhean Croise

2 Laˬsaˬbaˬ 20:15

Yaˬhaˬzeˬlaˇ ehˇ-eu, “Sahˬ paˬ Yeˬhawˇshaˬpaˇ hawˇ-eu, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-oˇ, myaˬ dui dui-eu guiˇ maꞈ heu maꞈ-ahˇ naw maꞈ guˆ-awˇ gʼaˬ taˬ baˬ. Guiˇ deuˆ-eu heu Miˬyehˇ-euˬ aˬ laꞈ laꞈ kʼoeˇ jaˆ-eu meh.

Yawˇbaˆ 4:6

Miˬyehˇ-ahˇ nawˇ uˬ duˬ tahˬ-awˇ, iˬ baˇ maˬ mˇ ni dehꞈ-euˬ meh. Kʼoeˇ miˇ neh nawˇ nui ma kʼaˬ duˬ ni taˬ-awˇ, noeˬ tmˬ-eu jeˬ bi jaˆ-eu tsaˬ meh.

Jaceuq 112:7

Haiˬ-eu gaˇ kawˆ deuˬ ja gaˇ ya gaˬ ngeh aˬ yawꞈ maˬ guˆ-a. Aˬ yawꞈ Sahˬ paˬ Miˬ yehˇ-ahˇ gʼoe-awˇ jah-eu ziꞈ-eu meh.

Jaceuq 3:6

Muiˇ-eu tsawˇhaˬ aˇheˇaˇmuiˇ, jawˬlahˇle gaˇkʼawꞈngaˇmaˬguˆ.

Jaceuq 3:7

SahˬpaˬMiˬyehˇ-oˇ, oe-awˬ. Ngaˬ-euˬMiˬyehˇ-oˇ, ka kʼoꞈle-awˬ. Ngaˬ-ahˇkʼaˇmuiˇ-eu tsawˇhaˬ-ahˇ, baˬba-ahˇnawˇ tehˆkʼaˆleꞈ-awˇ, ngaˬ-ahˇ maˬ coeˬ maˬ ciˆ nya ni, seuˬdawˬtawˆluꞈ diˬjuˆnehˬ-awˬ.

Jaceuq 52:6

Yaw tsaˬ yaw dawˇ tsawˇ haˬ deuˬ kʼoeˇ gaˇ mawˇ ngeh guˆ tehꞈ-a. Aˬ yawꞈ maꞈ naw maꞈ-ahˇ uiˇ-awˇ heu loꞈ-ehˇ ehˇ tehꞈ-a.

Piˇliˇpiˆ 1:28

Naw maꞈ ya shaˬ ya zahˬ ni mˇ luꞈ-eu tsawˇ haˬ deuˬ-ahˇ taˬ guˆ. Aˬ myah luꞈ nui ma kʼaˬ duˬ ni jawˇ-awˬ. Kʼoeˇ loꞈ-ehˇ jawˇ naˇ, naw maꞈ gʼaˬ leˇ-awˇ aˬ yawꞈ maꞈ smˬ-iˇ-eu yaw duˬ baw-eu ngaˇ lehˇ siˬ duˬ leˇ tehꞈ-a. Naw maꞈ gʼaˬ leˇ nya ni mˇ-eu gʼaˬ-aˬ, Miˬyehˇ meh.

1 Beˬtuˆluˆ 3:14

Ehˇ kʼawꞈ, yaw muiˬ jeˬ mˇ-eu baˬ da neh kʼehˬ-eu kʼaˆ-eu jeˬ-ahˇ naw maꞈ ya daˬ-eu ngeuˇ naˇ, guiˬ lahˬ aˇ naˆ ni huiˬ-eu nga. Naw maꞈ-ahˇ kʼehˬ laˇ kʼaˆ laˇ-eu tsawˇ haˬ deuˬ-ahˇ taˬ guˆ. Taˬ noeˬ shaˬ.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

1 Saˬmeuˬlaˆ 19:8

Piˇliˇtiˆ tsawˇ haˬ deuˬ nehˬ-ehˇ guiˇ tiˬ poˆ paˇ deuˆ-eu laꞈ kʼoeˇ, Daˬbiˇ neh paˇ bi deuˆ gʼaˬ-awˇ, Piˇliˇtiˆ tsawˇ haˬ deuˬ cehˆ byaˆ jiˇ-euˬ meh.