Jaceuq 26:11 - Akha

¹¹ Ngaˇyaw tsaˬjeˬmˇ-eu miˇneh, gʼawˬshaˬgaˬ-awˇka kʼoꞈnehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aerkhawf, ngar-aq, ngaq-euq yawmuiq yawjaq-euq lafkhoer can ma. Ngaq-anr ghawqshaq gaq-awr kakhof naeqlaf-awq.

Jaceuq 26:11 Iomraidhean Croise

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Jaceuq 101:2

Ngaˬ-euˬ dehꞈ jeˬ dehꞈ kawˆ iˬ baˇ taˬ kʼaˇ maˬ za. Ngaˇ jawˇ gaˇ nawˇ aˬ myah oe-eu gʼeh te. Ngaˬ-euˬ nymˇ laꞈ kʼoeˇ ngaˇ shawˇ jehˆ ni dehꞈ ma.

Jaceuq 26:1

Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Jaceuq 49:15

Ehˇ kʼawꞈ Miˬyehˇ ngaˬ-ahˇ ka kʼoꞈ le-awˇ, shiˇ-eu jeˬ-euˬ baoˬ laꞈ kʼoeˇ, ngaˬ-ahˇ bi dzeuˇ-iˇ laꞈ tehꞈ-a.

Jaceuq 49:7

Tsawˇ haˬ tiˬ gʼaˬ-iˬ yawˬ haˇ yawˬ ha maˬ ka kʼoꞈ nya-a. Aˬ yawꞈ-euˬ saꞈ laˇ aˇ poeˬ Miˬyehˇ-ahˇ maˬ biꞈ tsehˆ nya-a.

Jaceuq 69:18

Ngaˇ jawˇ gaˇ oe-awˇ ka kʼoꞈ nehˬ laꞈ. Muiˇ-eu deuˬ-euˬ laꞈ-ahˇ ka kʼoꞈ nehˬ laꞈ.

Iˇsaˬyaˇ 38:3

“Sahˬpaˬ Miˬyehˇ-oˇ, nawˬ-euˬ gaˇ-ahˇ, ngaˇ saˇ jaˇ ziꞈ-eu laꞈ kʼoeˇ mˇ-awˇ, nawˇ bi mˇ mawꞈ-eu jeˬ-ahˇ ngaˇ aˬ myah luꞈ leh jeh-awˇ mˇ-euˬ gaˇ taˬ ngehˇ nehˬ laꞈ.” Kʼoeˇ naˇ, aˬ yawꞈ yaw kʼaˆ-ehˇ ngoeˇ-euˬ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.