Jaceuq 26:10 - Akha

¹⁰ Yawꞈmaꞈ yaw haiˬ mˇnawˆnawˆ-awˇ, laꞈnmꞈnmꞈ-eu kawˇdui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf maf-euq aqlaf-euq lafkhoer maqmuiq-eu bawqtov tuvtaeq taq-awr, Aqyawf maf-euq armar laf-aq, lafnmf nmf-eu jeq tiqbyanni anr-eu mae.

Jaceuq 26:10 Iomraidhean Croise

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 11:2

Yaw haiˬdeuˬkaˆngoꞈdaˆtaˬ-awˇ, yaw sui yaw dawˇ-euˬnui ma-ahˇ, yaw zahˇlaꞈkʼoeˇ beuˆcoˆ-eu lehˇ, kaˆmyaˬmawˬdawˇ-awˇloꞈluꞈmeh.

Jaceuq 36:4

Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Jaceuq 52:2

Aˬ cawˬ-ahˇ laˆ luˬ laˆ seˇ-eu gʼaˇ duˬ naw maꞈ shaˇ noeˬ-eu meh. Naw maꞈ-euˬ mehˬ laˇ mi cehˇ tawˆ zaˬ loꞈ-ehˇ taˆ-awˇ, jaˬ myawꞈ mehˇ shuiˇ tehꞈ-ehˇ naw maꞈ toˆ luꞈ-eu meh.

Doˆ-iˇ 23:8

Aˬ cawˬ nawˬ-ahˇ laꞈ nmꞈ nmꞈ-eu pyuˇ nawˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmˬ nehˬ-eu jeˬ-aˬ, yaw tsaˬ yaw dawˇ jeˬ-ahˇ maˬ mawˇ nya ni, tsawˇ haˬ zaˬ-ahˇ myaˆ behꞈ bi behꞈ-iˇ-awˇ, iˬ baˇ maˬ ahˇ-eu tsawˇ haˬ deuˬ-ahˇ iˬ baˇ ahˇ-eu tsawˇ haˬ loꞈ-ehˇ bi pyeuꞈ-iˇ nya-eu meh.

Dawqdaq 1:16

Yaw haiˬ jeˬ mˇ-eu gʼaˇ duˬ aˬ yawꞈ maꞈ aˬ kuiˇ aˬ laꞈ kawˇ-awˇ, tsawˇ haˬ-ahˇ sehꞈ ngeh kʼahˇ kʼoꞈ-eu maˬ baw-a.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Iˇsaˬyaˇ 33:15

Yaw sui yaw dawˇ dawˇ-ehˇ dehꞈ-awˇ, yaw tsaˬ yaw dawˇ jeˬ-ahˇ ngehˬ-eu tmˇ-eu laꞈ kʼoeˇ, aˬ cawˬ kʼoeˇ taˆ maˬ myawꞈ maˬ shuiˇ dzaˬ ni, laꞈ nmꞈ nmꞈ gaˇ maˬ ha geuꞈ-eu uˬ taꞈ, tsawˇ haˬ-ahˇ sehꞈ-eu deuˬ-ahˇ naˬ bawˇ maˬ ciˬ kʼmˇ ni, yaw haiˬ jeˬ toˆ gaˇ myaˆ maˬ haw cawˬ-eu tsawˇ haˬ, buˬ-iˇ law-iˇ tehꞈ-a.

Aˬmoˆ 5:12

Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Dawˬmehˬ 16:19

Aˬ yawꞈ maꞈ yaˇ kʼaˬ daˇ ngeh, maˬ tsaˬ maˬ dawˇ-eu jeˬ hawˇ-eu myaˆ pyawˬ huiˬ nyiˇ tseˇ-eu jeˬ maˬ ya mˇ-a. Laꞈ nmꞈ nmꞈ-eu jeˬ-ahˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmꞈ-eu jeˬ-aˬ, dawˇ coe ni mˇ-eu tsawˇ haˬ deuˬ hawˇ-eu zaˬ siˬ tsawˇ gahˇ ahˇ-eu tsawˇ haˬ deuˬ-ahˇ myaˆ behꞈ bi behꞈ-iˇ-awˇ, yaˇ kʼaˬ daˇ-eu jeˬ-ahˇ bi lehˬ-iˇ nya-eu meh.

1 Saˬmeuˬlaˆ 8:3

Aˬ nyaꞈ nmˇ-aˬ, aˬ da-ahˇ maˬ dzaw geuꞈ-ehˇ, pyuˇ za laˇ ni tehꞈ-ehˇ gaˇ mˇ-awˇ, aˬ cawˬ neh laꞈ nmꞈ nmꞈ nehˬ-euˬ pyuˇ yuˇ dzaˬ-eu laꞈ kʼoeˇ, dawˇ coe ni yaˇ kʼaˬ maˬ daˇ-a.