Jaceuq 26:1 - Akha

¹ Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Ngaq-anr yarkhaq dar-awq. Aqjeq mirnae aernar-aq, ngar yawmuiq yawjaq-euq lafkhoer daeflaf-euq ma. Ngar, Ya’we Miqyaer-anr ghoe-euq mirnae, ngar povpov lavlav-aer maqghae.

Jaceuq 26:1 Iomraidhean Croise

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 4:6

Miˬyehˇ-ahˇ nawˇ uˬ duˬ tahˬ-awˇ, iˬ baˇ maˬ mˇ ni dehꞈ-euˬ meh. Kʼoeˇ miˇ neh nawˇ nui ma kʼaˬ duˬ ni taˬ-awˇ, noeˬ tmˬ-eu jeˬ bi jaˆ-eu tsaˬ meh.

Jaceuq 121:3

Aˬ yawꞈ nawˬ-ahˇ coˬ-iˇ gaˇ maˬ bi keuˆ-a. Nawˬ-ahˇ haw piˇ-eu gʼaˬ aˬ myah luꞈ yaw noeˬ meh.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

Jaceuq 21:7

Baoˬhuiˬ-eu SahˬpaˬMiˬyehˇ-ahˇ, dzoeˬdzaˬsahˬpaˬjah ziꞈluꞈmeh. SahˬpaˬMiˬyehˇgaˬ-eu baˬda, aˬyawꞈnui ma ziꞈdah jaˆmeh.

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 25:21

Nawˬ-ahˇngaˇnoeˬtmˬ-eu miˇneh, ngaˬ-euˬyaw sui yaw dawˇhawˇ-eu, ngaˬ-euˬmuiˬ-eu jaˬ-eu jeˬneh, ngaˬ-ahˇ haw piˇnehˬlaꞈluꞈ-uˇ.

Jaceuq 26:11

Ngaˇyaw tsaˬjeˬmˇ-eu miˇneh, gʼawˬshaˬgaˬ-awˇka kʼoꞈnehˬlaꞈ.

Jaceuq 28:7

SahˬpaˬMiˬyehˇngaˬ-euˬgʼaˇduˬ, gʼaˬhawˇ-eu dehˬdaˬduˬpyeuꞈ-awˇ, aˬyawꞈ-ahˇngaˇgʼoe-eu laꞈkʼoeˇ, ngaˬ-euˬnui ma ziꞈdah jaˆma. Yawꞈcaw ba gaˇnui kʼahˇshiˇ-awˇ, laˬkʼaˬcehˇ-eu caˇdawˬcaˇ-awˇ, aˬyawꞈ-ahˇ ngaˇja ceuˬ-eu ma.

Jaceuq 31:14

Ehˇkʼawꞈni, SahˬpaˬMiˬyehˇ-oˇ, nawˬ-ahˇngaˇgʼoe-eu ziꞈluꞈ-awˇ, nawˇngaˬ-euˬMiˬyehˇpyeuꞈ-eu ma.

Jaceuq 35:24

Tsaˬ-eu dawˇ-eu SahˬpaˬMiˬyehˇ, yawꞈmaꞈlaˬkʼaˬmaˬcehˇnya ni, ngaˬ-ahˇyaˇkʼaˬdaˇnehˬlaꞈ-awˬ.

Jaceuq 37:31

Aˬyawꞈ-euˬMiˬyehˇ-euˬzahˇdawˬ, nui ma laꞈkʼoeˇahˇ-eu miˇneh, kuiˇtoꞈciˬlehˬ-eu maˬbaw-a.

Jaceuq 4:5

Tsaˬ-eu dawˇ-eu lawˇshehˇ-eu jeˬ SahˬpaˬMiˬyehˇ-ahˇ lawˇ nehˬ-awˇ, yawꞈ-ahˇtehꞈ-ehˇ naw maꞈ gʼoe-awˬ.

Jaceuq 43:1

Miˬyehˇ-oˇ, miˬyehˇmaˬbaw-eu deuˬmehˬshi, ngaˇiˬbaˇmaˬahˇ-eu gaˇkawˆ, nawˇyaˇkʼaˬdaˇtsehˆnehˬlaꞈ-awˬ. Jaˬmyawꞈmehˇshuiˇyaw haiˬmehˬshi, ngaˬ-ahˇnawˇka kʼoꞈnehˬlaꞈ-awˬ.

Jaceuq 54:1

Miˬyehˇ-oˇ, nawˬ-euˬ baoˬ-ahˇ gʼoe-awˇ ngaˬ-ahˇ ka kʼoꞈ nehˬ laꞈ. Nawˬ-euˬ gʼaˬ-ahˇ gʼoe-awˇ ngaˬ-ahˇ bi buˬ-iˇ laꞈ.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 62:6

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 7:8

Miˇtsaˬtsawˇhaˬ dawˬtawˆluꞈ-ahˇ, SahˬpaˬMiˬyehˇ yaˇkʼaˬdaˇmeh. Ngaˇtsaˬgaˇdawˇgaˇ nawˇhaw-awˬ, ngaˬ-euˬgʼaˇduˬ yaˇkʼaˬdaˇ-awˬ.

Jaceuq 94:18

Ngaˇ coˬ-iˇ miˇ-a lehˇ ehˇ-euˬ kʼawꞈ, Sahˬpaˬ Miˬyehˇ nawˬ-euˬ maˬ tsehˆ leˇ-eu gʼoeˇ-eu gaˬ-eu jeˬ, ngaˬ-ahˇ ciˬ tuˇ nehˬ laꞈ-euˬ meh.

Dawqdaq 20:7

Aˬ da yaw sui yaw dawˇ, zaˬ oeˬ jeˬ biˇ guiˬ lahˬ.

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

HeˬByehˇ 10:23

Aˬ dui neh jah duˬ taˬ-euˬ noeˬ tmˬ-eu jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ mˇ byah nehˬ laꞈ tehꞈ-a lehˇ aˬ dui jah-eu ma.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”