Jaceuq 25:7 - Akha

⁷ Ngaˇzaˬguˬpyeuꞈngeh mˇyaꞈ-euˬ, yaw lehˬyaw ca iˬbaˇdeuˬ-ahˇ, maˬjuiˇtaˬni iˬbaˇpyehˬlaꞈ. Nawˬ-euˬyaw muiˬyaw jaˬhawˇ-eu, maˬtsehˆleˇ-eu gaˬ-eu laꞈkʼoeˇ, ngaˬ-ahˇmaˬngehˇni noeˬkeuˆlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer-or! Nawr muiq-eu baqda’nae, Nawr ghawqshaq gaqnya-eu gar tsaqni, ngaq-anr noeqkeuv naeqlaf-awq. Ngar, zaqguq pyeuf ngae mr-euq iqbax hawr-eu ngaq-euq yawbanq yawlaeq deuq-anr taq noeqkeuv naeqlaf.

Jaceuq 25:7 Iomraidhean Croise

Yawˇbaˆ 13:26

Ngaˇ zaˬ guˬ guˬ ngeh mˇ lehˬ-euˬ jeˬ-ahˇ kʼawꞈ, nawˇ noeˬ taˬ-awˇ ngaˬ-ahˇ haw ca-eu meh.

Yawˇbaˆ 20:11

Gʼaˬ kʼaˆ gʼaˬ loeˇ soeˇ-i gʼeh-eu aˬ yawꞈ-euˬ gʼawˇ mawˇ, tiˬ kʼehˇ kʼehˬ laꞈ kʼoeˇ kʼaˬ lehˇ pyeuꞈ-iˇ tehꞈ-a.

Jaceuq 106:3

Aˬ yawꞈ-euˬ dawˬ-ahˇ naˇ haˬ geuꞈ-awˇ, aˬ myah luꞈ yaw tsaˬ yaw dawˇ jeˬ mˇ-eu deuˬ, guiˬ lahˬ huiˬ tehꞈ-a.

Jaceuq 106:4

Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ ngehˬ gʼeh ngeh, ngaˬ-ahˇ taˬ ngehˇ nehˬ laꞈ. Aˬ yawꞈ maꞈ-ahˇ nawˇ ka kʼoꞈ ngeh, ngaˬ-ahˇ taˬ byehˇ dzeh nehˬ laꞈ.

Jaceuq 109:14

Aˬ yawꞈ-euˬ aˬ poeˬ aˬ bawˇ-euˬ iˬ baˇ-ahˇ Sahˬpaˬ Miˬyehˇ maˬ ngehˇ-ehˇ, aˬ yawꞈ aˬ ma-euˬ iˬ baˇ maˬ pyehˬ nehˬ ni bi jaˆ luꞈ-uˇ.

Jaceuq 109:16

Tsawˇ haˬ kʼoeˇ gʼaˬ gʼawˬ shaˬ gaˬ-eu maˬ siˬ nya-ehˇ, shaˬ-eu zahˬ-eu deuˬ hawˇ-eu noeˬ dui noeˬ duiˇ-euˬ deuˬ-ahˇ aˬ yawꞈ kʼehˬ-awˇ sehꞈ-euˬ meh.

Jaceuq 109:26

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˬ-ahˇ caw ba le-awˬ. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ ka kʼoꞈ le-awˬ.

Jaceuq 119:124

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ neh ngaˬ-ahˇ ngehˬ gʼeh dah teˬ-awˇ, nawˬ-euˬ zahˇ dawˬ kʼoꞈ dawˬ mehˬ nehˬ laꞈ.

Jaceuq 31:16

Nawˬ-euˬmyaˆpyawˬbya nehˬlaꞈ-awˇ, maˬtsehˆleˇni gaˬ-eu jeˬneh, nawˬ-euˬzaˬkʼaˆ-ahˇ ka kʼoꞈlaꞈ.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Jaceuq 6:4

SahˬpaˬMiˬyehˇ ka kʼoꞈ le-awˬ. Nawˇgʼawˬshaˬgaˬ-eu jeˬbaˬda, maˬya shiˇni ka kʼoꞈle-awˬ.

Jaceuq 79:8

Nga maꞈ-euˬ aˬ poeˬ aˬ bawˇ deuˬ-euˬ iˬ baˇ baˬ da neh, nga maꞈ-ahˇ taˬ kʼehˬ nehˬ laꞈ. Nga maꞈ-ahˇ nymˬ-mˇ gʼawˬ shaˬ gaˬ nehˬ laꞈ-awˬ. Nga maꞈ noeˬ tmˬ duˬ ma paˇ jaˆ miˇ-a.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 48:11

Ngaˬ neh mˇ-euˬ jeˬ ngaˬ-euˬ gʼaˇ duˬ ma. Ngaˬ-euˬ tsawˇ myahˇ cawˆ-eu jeˬ ngaˇ maˬ mˇ. Ngaˬ-euˬ yaw shehꞈ kʼahˬ sehˇ-ahˇ nui gʼaˬ maˬ bi taꞈ. Maˇ maˇ ni ngaˇ tiˬ gʼaˬ gʼaˇ duˬ tehꞈ ma.”

Iˇsaˬyaˇ 64:9

Kʼoeˇ baˬ da neh nui ma pehˇ-eu aˇ dzehˬ taˬ dzeuˇ nehˬ laꞈ. Nga maꞈ-euˬ iˬ baˇ-ahˇ mˬ maˬ maˬ byaˆ zaˇ ziˇ taˬ paꞈ tawꞈ laꞈ. Nga maꞈ nawˬ-euˬ tsawˇ haˬ pyeuꞈ-eu miˇ neh, nga maꞈ-ahˇ gʼawˬ shaˬ gaˬ nehˬ laꞈ.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yoˇhaˬ 5:14

Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Yoˇhaˬ 5:5

Smˬ tseˇ yehꞈ kʼoꞈ naˇ keuˆ laꞈ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh.

HeˬByehˇ 8:12

Aˬ yawꞈ maꞈ-ahˇ iˬ baˇ pyehˬ-awˇ, yaw lehˬ yaw ca dawˬ tawˆ luꞈ-ahˇ, maˬ juiˇ taˬ ni byehˇ byoˆ nehˬ ma.”