Jaceuq 25:6 - Akha

⁶ SahˬpaˬMiˬyehˇngaˬ-euˬkʼoeˇtaˆ, aˇ hu ba neh bi jaˆtaˬ-euˬ, nawˇgʼawˬshaˬgaˬ-eu jeˬhawˇ-eu, nawˬ-euˬgʼoeˇ-eu gaˬ-eu jeˬ-ahˇ, maˬtsehˆleˇni noeˬkeuˆnehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer-or! Arhuba nae jav-eu, nawq-euq nanqyuni ghawqshaq gaq-eu jeq hawr-eu, Nawq-euq ghoer-awr gaq-eu jeq-anr noeqkeuv naeqlaf-awq.

Jaceuq 25:6 Iomraidhean Croise

Aˇ dahˬ 24:27

“Ngaˬ-euˬ baw leˬ Aˬbyaˬhaˬ-ahˇ saˇ jaˇ ziꞈ-eu aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ huiˬ luꞈ-uˇ. Sahˬpaˬ Miˬyehˇ-aˬ, ngaˬ-euˬ baw leˬ Aˬbyaˬhaˬ-euˬ aˬ yuiꞈ aˬ nyiˇ deuˬ jawˇ gaˇ, ngaˬ-ahˇ dawˇ coe ni sheuˬ ahˇ nehˬ laꞈ-euˬ nga” lehˇ ehˇ-eu meh.

Aˇ dahˬ 32:9

Kʼoeˇ naˇ, Yaˬkoˆ heu loꞈ-ehˇ guiˬ lahˬ shaˇ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ-euˬ Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ. Sahˬpaˬ Miˬyehˇ-oˇ, ngaˬ-euˬ aˬ yuiꞈ aˬ nyiˇ deuˬ jawˇ-eu ngaˬ-euˬ miˇ kʼahˬ-ahˇ gʼoꞈ-iˇ-awˬ lehˇ, nawˇ ngaˬ-ahˇ kʼehˇ-awˇ, yawˬ jeˬ na luꞈ laꞈ kʼoeˇ nawˇ ngaˬ-ahˇ haw piˇ nehˬ ma lehˇ ehˇ taˬ-euˬ meh.

2 Laˬsaˬbaˬ 6:42

Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ neh tseˇ doˆ-euˬ sahˬ paˬ-ahˇ taˬ byehˇ dzeh nehˬ laꞈ. Nawˬ-euˬ zaˬ kʼaˆ Daˬbiˇ-ahˇ nawˇ gaˬ-euˬ gaˇ kawˆ-ahˇ taˬ ngehˇ nehˬ laꞈ.”

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 9:19

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 103:4

Shiˇ-eu miˇ kʼahˬ-ahˇ maˬ yaˬ keuˆ ni aˬ yawꞈ ngaˬ-ahˇ haw piˇ-awˇ, gʼoeˇ-eu gaˬ-eu guiˬ lahˬ hawˇ-eu, gʼawˬ shaˬ gaˬ-eu guiˬ lahˬ biꞈ laꞈ-eu meh.

Jaceuq 106:1

Sahˬpaˬ Miˬyehˇ-ahˇ ja ceuˬ-awˬ. Aˬ dui kʼoeˇ taˆ aˬ yawꞈ muiˬ-eu miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 107:1

Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ aˬ dui kʼoeˇ taˆ muiˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 119:77

Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu miˇ neh, ngaˇ yaw dehꞈ ya dehꞈ ni gʼawˬ shaˬ gaˬ nehˬ laꞈ-awˬ.

Jaceuq 40:11

Sahˬpaˬ Miˬyehˇ-oˇ, nawˬ-euˬgʼawˬshaˬgaˬ-eu guiˬlahˬ, ngaˬ-euˬmehˬshi taˬdehˬkaˬlaꞈ. Nawˬ-euˬgʼoeˇ-eu gaˬ-eu hawˇ-eu, nawˬ-euˬsaˇjaˇziꞈ-eu jeˬneh, ngaˬ-ahˇhaw teˬhaw piˇnehˬlaꞈ.

Jaceuq 69:13

Ehˇ kʼawꞈ, Sahˬpaˬ Miˬyehˇ-oˇ, ngaˇ nawˬ-ahˇ guiˬ lahˬ shaˇ-eu ma. Miˬyehˇ-oˇ, nawˇ naˇ haˬ mawꞈ-eu aˇ yamˬ-ahˇ, ngaˬ-euˬ shaˇ dawˬ naˇ haˬ nehˬ laꞈ-awˬ. Nawˇ-aˬ, gʼoeˇ-eu gaˬ-eu jeˬ huiˬ dui dui-awˇ, ka kʼoꞈ-eu gʼaˇ duˬ dzaˬ taˬ-euˬ nawˬ-euˬ dawˬ ma saˇ jaˇ-ahˇ nawˇ ziꞈ-eu miˇ neh, ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ.

Jaceuq 69:16

Sahˬpaˬ Miˬyehˇ-oˇ, maˬ tsehˆ leˇ nya-eu muiˬ dui dui-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Huiˬ dui dui-eu nawˬ-euˬ gʼawˬ shaˬ gaˬ-eu jeˬ baˬ da neh, ngaˬ-ahˇ haw cawˬ nehˬ laꞈ.

Jaceuq 98:3

Iˇsaˬleˬlaˆ tsawˇ jeuˬ-ahˇ saˇ jaˇ ziꞈ-awˇ maˬ tsehˆ leˇ ni gaˬ-eu laꞈ kʼoeˇ, aˬ yawꞈ maꞈ nehˬ-ehˇ dzaˬ taˬ-eu saˇ jaˇ-ahˇ ziꞈ-eu meh. Aˬ dui-euˬ Miˬyehˇ gʼaˬ leˇ-eu gʼaˬ pyeuꞈ-eu gaˇ kawˆ, miˇ tsaˬ zaˬ dawˬ tawˆ luꞈ ya mawˇ-euˬ meh.

Doˆ-iˇ 15:13

Nawˬ-euˬ saˇ jaˇ nawˇ ziꞈ-awˇ, nawˬ neh ka kʼoꞈ-euˬ tsawˇ haˬ-ahˇ nawˇ sheuˬ gʼeh-euˬ meh. Nawˬ-euˬ baoˬ-ahˇ gʼoe-awˇ, muiˬ-eu shawˇ-eu nawˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Doˆ-iˇ 34:6

Kʼoeˇ naˇ, Moˇseˬ-euˬ mehˬ shi Sahˬpaˬ Miˬyehˇ iˇ tsehˆ gʼeh-awˇ ehˇ-eu. “Sahˬpaˬ Miˬyehˇ pyeuꞈ-eu ngaˇ-aˬ, gʼawˬ shaˬ gaˬ nya-awˇ, caw ba nya-eu ma. Yaw awˇ laꞈ-ehˇ nui ma maˬ pehˇ-eu uˬ taꞈ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu Miˬyehˇ pyeuꞈ-eu ma.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Luˇkaꞈ 1:50

Aˬ yawꞈ-ahˇ taˬ huiˬ-eu deuˬ-ahˇ, aˬ yawꞈ-euˬ gʼawˬ shaˬ gaˬ-eu jeˬ, mˬ maˬ maˬ byaˆ zaˇ ziˇ gmˬ meh.

Luˇkaꞈ 1:54

Poeˬ piˬ deuˬ-ahˇ dzaˬ taˬ yaꞈ-euˬ, saˇ jaˇ dawˬ-ahˇ aˬ yawꞈ ziꞈ-awˇ, zaˬ kʼaˆ Iˇsaˬleˬlaˆ jawˇ gaˇ, oe keuˆ-awˇ caw ba le-euˬ meh.

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

2 Gawˇliˬtu 1:3

Aˬ dui-euˬ Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-aˬ, gʼawˬ shaˬ gaˬ nya-eu Aˬda pyeuꞈ-awˇ, yawˬ jeˬ na luꞈ ngehˬ gʼeh dah teˬ nehˬ laꞈ-eu Miˬyehˇ pyeuꞈ-eu meh.

Piˇliˇpiˆ 1:8

Ngaˇ naw maꞈ-ahˇ gaˬ dui dui-eu heu-aˬ, Yeˬsuˇ Ka li-euˬ nui ma-ahˇ neh doˆ le-euˬ gʼoeˇ-eu gaˬ-eu jeˬ neh gaˬ-eu ma lehˇ ngaˇ ehˇ-eu heu tsaˬ-eu gaˇ kawˆ, Miˬyehˇ ngaˬ-euˬ gʼaˇ duˬ saˇ kiˇ pyeuꞈ-eu ma.

Piˇliˇpiˆ 2:1

Naw maꞈ Ka li laꞈ kʼoeˇ dehꞈ-eu baˬ da neh, gʼaˬ kʼaˆ laˇ-awˇ, aˬ yawꞈ-euˬ gʼoeˇ-eu gaˬ-eu jeˬ naw maꞈ-ahˇ nui saˇ bi za-eu meh. Naw maꞈ Ka li-euˬ Yaw sahˇ Miˬyehˇ nehˬ-ehˇ cawˬ cawˬ-eu baˬ da neh, tiˬ gʼaˬ tiˇ gʼaˬ gʼawˬ shaˬ gaˬ nya laˇ-awˇ, tiˬ gʼaˬ gʼaˇ duˬ tiˬ gʼaˬ shaˇ noeˬ nya laˇ-eu meh.

Gawˇlawˇsehˇ 3:12

Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.

1 Yoˇhaˬ 3:17

Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.