Jaceuq 22:15 - Akha

¹⁵ Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Ngaq-euq ghaq oeqlanqpyaeq lof-aer guicorni ghae-awr, Ngaq-euq maeqlar-aq, maeqof-anr myanqler taq-euq mir-a. Nawr, ngaq-anr bishir-eu khaqlaer tsanq-anr sheuqtaq naeqlaf-euq mae.

Jaceuq 22:15 Iomraidhean Croise

Aˇ dahˬ 18:27

Aˬbyaˬhaˬ paˇ ehˇ-eu, “Sahˬpaˬ Miˬyehˇ-oˇ, ngaˇ nawˬ-ahˇ dawˬ ngehˬ cawˬ laˇ gaˇ iˬ baˇ taˬ taˬ nehˬ laꞈ. Ngaˇ-aˬ, tsawˇ haˬ zaˬ tiˬ gʼaˬ pyeuꞈ-eu miˇ neh, nawˬ-ahˇ teh ngehˬ laˇ-eu maˬ tsaˬ-a. Ehˇ kʼawꞈ, oˇ oꞈ-eu laꞈ kʼoeˇ tiˬ poˆ naˇ haˬ nehˬ laꞈ siˬ.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

Yawˇbaˆ 10:9

Shaˬ jehˆ yuˇ-awˇ nawˇ ngaˬ-ahˇ tehˆ-euˬ gaˇ noeˬ keuˆ sheˇ. Shaˬ jehˆ paˇ bi pyeuꞈ-iˇ-eu lehˇ nawˇ ngaˬ-ahˇ nyehꞈ meuˇ nyehꞈ loeˇ-eu gʼeh te loˇ.

Yawˇbaˆ 19:20

Ngaˬ-euˬ baˆ kʼoˆ shaˬ yoeˬ kʼoeˇ taˆ ga juˬ le-euˬ meh. Ui cuiˆ cuiˆ-ahˇ neh tsawˇ shiˇ uˬ kʼawˇ buˬ-iˇ-euˬ ma.

Yawˇbaˆ 29:10

huiˬ dui mahˇ dui dui-eu deuˬ kʼawꞈ ciˬ cuˇ ni jawˇ-eu meh.

Yawˇbaˆ 30:16

Nymˬ-mˇ ngaˇ shiˇ taw tehˬ le-awˇ, naˇ gawˇ taˬ leˇ-eu gaˇ ma maˬ dahˇ miˇ-a.

Yawˇbaˆ 34:15

tsawˇ haˬ yawˬ gʼaˬ na luꞈ miˇ tsaˬ paˇ pyeuꞈ jiˇ tehꞈ-a.

Yawˇbaˆ 7:21

Ngaˬ-euˬ iˬ baˇ-ahˇ nawˇ maˬ pyehˬ nehˬ nya nya loˇ. Ngaˬ neh mˇ lehˬ-euˬ jeˬ-ahˇ maˬ taˬ nehˬ nya-a loˇ. Gʼawˬ myahˇ maˬ gʼeh-ehˇ ngaˇ lmˬ bymˇ-ahˇ ya yuꞈ-awˇ, nawˇ ngaˬ-ahˇ poˆ le ngeh-aˬ, ngaˇ maˬ paˇ dehꞈ-aˇ.”

Jaceuq 104:29

Nawˇ naˇ kʼah ciˬ pyawˇ ngeh, aˬ yawꞈ maꞈ guˆ-eu meh. Aˬ yawꞈ maꞈ saꞈ gʼawˇ kahˬ nawˇ yuˇ kʼoꞈ ngeh, aˬ yawꞈ maꞈ shiˇ tsehˆ-awˇ, miˇ tsaˬ yuˇ-awˇ aˬ yawꞈ maꞈ-ahˇ beh-euˬ loꞈ-ehˇ, miˇ tsaˬ paˇ ya pyeuꞈ-iˇ-eu meh.

Jaceuq 30:9

Shiˇ-eu duˬkʼahˬ-ahˇngaˇkeuˆnaˇ, nawˬ-ahˇmuiˬlaˇduˬjaˆta loˇ. Shiˇ-awˇkʼaˬlehˇpyeuꞈjiˇ-euˬdeuˬ, nawˬ-ahˇpaˇja ceuˬnya ta loˇ. Nawˇsaˇjaˇziꞈ-eu gaˇkawˆ-ahˇ, kʼaˬlehˇkʼoeˇdeuˬja nya ta loˇ.

Jaceuq 38:10

Nui ma cehˇtahˬtahˬdui dui-awˇ, gʼaˬtiˬpawꞈ-iˬmaˬpaˇahˇ-ehˇ, myaˆmawˇmaˬpaˇshawˇlaˇmiˇ-a.

Jaceuq 69:21

Ngaˇ hawˬ mehꞈ ngeh aˬ yawꞈ maꞈ dzaˇ doꞈ biꞈ laꞈ-awˇ, ngaˇ iˇ cuꞈ mehꞈ ngeh doꞈ ahˇ-eu iˇ cuꞈ ciˬ nehˬ laꞈ-eu meh.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Dawqdaq 17:22

Nui ma saˇ-eu jeˬ jaˆ gʼaˬ gʼaˬ ma pyeuꞈ-awˇ, nui ma cawˆ-eu jeˬ puˇ nmꞈ gui-iˇ-eu naˇ gawˇ meh.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Ngoeˇ dawˬ 4:4

Iˇ cuꞈ mehꞈ-awˇ kuˬ byahˬ gui-eu, mehˬ laˇ kʼoeˇ taˆ paw myahˬ leˇ-awˇ, hawˬ mehꞈ mehꞈ-eu kaˬ muˇ shaˇ kʼawꞈ, zaˬ-ahˇ haw cawˬ-eu maˬ jawˇ-a.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Maꞈtehˬ 27:50

Yeˬsuˇ tiˬ teˇ paˇ guˇ doˆ laˇ-awˇ, saꞈ tsehˆ leˇ-euˬ meh.

Yoˇhaˬ 19:28

Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

1 Gawˇliˬtu 15:3

Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,