Jaceuq 22:11 - Akha

¹¹ Ngaˬ-ahˇbyehˇ-awˇ taˬiˇbyoˆlaꞈ. Shaˬzahˬguˆgaˆ peh le luꞈ-awˇ, caw ba le-eu gʼaˬ maˬjawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Gardzaq garkawv dawqpae javluf-eu mirnae, ngaq-anr nae garmanr taq jawrkaq naeqlaf; Aqjeq mirnae aernar-aq, ngaq-anr cawba naeqlaf-eu tiqghaq-iq maqjawr-a.

Jaceuq 22:11 Iomraidhean Croise

2 Sahˬpaˬ 14:26

Iˇsaˬleˬlaˆ tsawˇ haˬ deuˬ kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ luꞈ gaˇ, Sahˬpaˬ Miˬyehˇ mawˇ-euˬ meh. Aˬ yawꞈ maꞈ-ahˇ ngehˬ gʼeh-eu tiˬ gʼaˬ-iˬ maˬ jawˇ-a.

Jaceuq 10:1

Sahˬpaˬ Miˬyehˇ-oˇ, aˬjeˬmiˇneh gaˇmahˇkaˬte. Nga maꞈshaˬzahˬnaꞈdui dui ngeh, aˬjeˬmiˇneh dzuˇzaꞈluꞈte.

Jaceuq 35:22

Ehˇkʼawꞈ SahˬpaˬMiˬyehˇnawˇ-aˬ, siˬjiˇmawˇjiˇtaˬ-euˬmiˇneh, ciˬcuˇni jawˇbyoˆ-eu laꞈkʼoeˇ, ngaˬ-ahˇbyehˇ-awˇtaˬbi shaˬlaꞈ.

Jaceuq 38:21

SahˬpaˬMiˬyehˇ-oˇ, ngaˬ-ahˇbyehˇ-awˇtaˬbi shaˬlaꞈ. Ngaˬ-euˬ Miˬyehˇ-oˇ, ngaˬ-ahˇgaˇmahˇ taˬiˇkaˬlaꞈ.

Jaceuq 69:18

Ngaˇ jawˇ gaˇ oe-awˇ ka kʼoꞈ nehˬ laꞈ. Muiˇ-eu deuˬ-euˬ laꞈ-ahˇ ka kʼoꞈ nehˬ laꞈ.

Jaceuq 71:12

Miˬyehˇ-oˇ, gaˇ mahˇ kaˬ gaˇ taˬ jawˇ nehˬ laꞈ. Ngaˬ-euˬ Miˬyehˇ-oˇ, ngaˬ-ahˇ yaw kawˇ-ehˇ caw ba le-awˬ.

Jaceuq 71:6

Ngaˬ-euˬ tiˬ ziˇ nawˬ-ahˇ tehꞈ-ehˇ laꞈ jeuˬ shaˇ-euˬ ma. Dehꞈ le ngeh tiˬ nah neh ngaˬ-ahˇ nawˇ haw piˇ nehˬ laꞈ-euˬ meh. Nawˬ-ahˇ ngaˇ aˬ myah luꞈ ja ceuˬ ma.

Jaceuq 72:12

Aˬ yawꞈ-ahˇ kuˇ-eu shaˬ zaˬ zahˬ zaˬ deuˬ hawˇ-eu, laꞈ jeuˬ shaˇ kʼaˇ maˬ za-eu iˇ shaˬ zaˬ deuˬ-ahˇ, aˬ yawꞈ ka kʼoꞈ nehˬ-eu meh.

Iˇsaˬyaˇ 63:5

Ngaˬ-ahˇ caw ba le-eu tsawˇ haˬ maˬ jawˇ-eu siˬ laˇ ngeh, zahˬ leˇ dui dui-euˬ ma. Ehˇ kʼawꞈ, nui pehˇ baˬ da gʼaˬ ahˇ laˇ-awˇ, ngaˇ tehꞈ-ehˇ kʼawꞈ gʼaˬ leˇ-euˬ ma.

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Maꞈtehˬ 26:72

Beˬtuˆluˆ tsawˇ pyehˇ pyehˇ-awˇ paˇ ehˇ-eu, “Tsawˇ haˬ kʼoeˇ gʼaˬ-ahˇ ngaˇ maˬ siˬ lehˇ kamˬ peuˬ ma.”

Maꞈtehˬ 26:74

Kʼoeˇ ngeh jawˇ, Beˬtuˆluˆ ehˇ-eu, “Ngaˇ jaˬ myawꞈ maˬ myawꞈ lehˇ kamˬ peuˬ ma. Ngaˇ jaˬ myawꞈ myawꞈ lawˬ naˇ, Miˬyehˇ ngaˬ-ahˇ kʼehˬ luꞈ-uˇ. Tsawˇ haˬ kʼoeˇ gʼaˬ-ahˇ ngaˇ maˇ maˇ ni maˬ siˬ nya nya.” Kʼoeˇ loꞈ-ehˇ ehˇ gʼaˬ-eu nehˬ-ehˇ, ya poeˇ doeˇ doˆ laˇ-euˬ meh.

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.