Jaceuq 20:7 - Akha

⁷ Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tiqghaqnav, manq lavlawq-anr ghoe-awr; tiqghaqnav, manq-anr ghoe-eu mae. Aerkhawf, aqdui-aq, aqdui-euq Miqyaer pyeuf-eu Ya’we Miqyaer-euq tsawrmyanr-anr noeqkeuv ma.

Jaceuq 20:7 Iomraidhean Croise

2 Saˬmeuˬlaˆ 10:18

Iˇsaˬleˬlaˆ tsawˇ haˬ deuˬ neh Suˇliˆ guiˇ maꞈ-ahˇ mehˬ nah paw teh kʼoꞈ gʼeh-awˇ, guiˇ deuˆ-eu mahˬ laˆ lawˬ teh-eu Suˇliˆ yehˇ shiꞈ yaˇ gʼaˬ hawˇ-eu mahˬ dziˬ-eu yehˇ oeˬ muiˇ gʼaˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ neh sehꞈ-euˬ meh. Muiˇ-eu deuˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Shoˇbaˆ-ahˇ kʼawꞈ aˬ yawꞈ maꞈ deuˆ naˇ nehˬ-awˇ, deuˆ ceh ceh luꞈ ngeh shiˇ-euˬ meh.

2 Saˬmeuˬlaˆ 8:4

Mahˬ dziˬ luꞈ-eu yehˇ tiˬ heˇ shiꞈ yaˇ gʼaˬ hawˇ-eu, kuiˇ zoˬ cah-eu yehˇ nyiˬ muiˇ gʼaˬ-ahˇ Daˬbiˇ nyehꞈ mi-euˬ meh. Mahˬ laˆ lawˬ tiˬ yaˇ laˇ bi gʼeu-eu gʼaˇ duˬ loˬ-eu mahˬ deuˬ tehꞈ-ehˇ aˬ yawꞈ yuˇ-awˇ, dzeˇ-eu mahˬ dawˬ tawˆ luꞈ-ahˇ aˬ yawꞈ kuiˇ guˬ yuˇ-euˬ meh.

2 Laˬsaˬbaˬ 13:16

Iˇsaˬleˬlaˆ tsawˇ haˬ deuˬ cehˆ byaˆ-awˇ, Miˬyehˇ neh Yuˇdaˆ tsawˇ haˬ deuˬ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ bi gʼaˬ leˇ-euˬ meh.

2 Laˬsaˬbaˬ 14:11

Kʼoeˇ ngeh, Aˬsaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, gʼaˬ baˬ-eu guiˇ maꞈ tiˬ maꞈ-ahˇ gʼaˬ kʼaˆ dui dui-eu guiˇ maꞈ tiˬ maꞈ loꞈ-ehˇ nawˇ caw ba nya-eu meh. Nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ nymˬ-mˇ caw ba le-awˬ. Aˬ jeˬ miˇ neh ehˇ naˇ, nga maꞈ nawˬ-ahˇ gʼoe-awˇ, nawˬ-euˬ tsawˇ myahˇ uˬ moˆ myaˬ dui dui-eu guiˇ maꞈ heu maꞈ-ahˇ deuˆ -eu lehˇ oe-euˬ ma. Sahˬpaˬ Miˬyehˇ-oˇ, nawˇ-aˬ nga maꞈ-euˬ Miˬyehˇ ma. Nawˬ-ahˇ deuˆ gʼaˬ ma lehˇ tsawˇ haˬ tiˬ gʼaˬ-iˬ maˬ noeˬ doˆ peuˬ-a.”

2 Laˬsaˬbaˬ 32:8

Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.

Yawˇbaˆ 39:11

Aˬ yawꞈ-euˬ huiˬ-eu gʼaˬ-ahˇ gʼoe-awˇ nawˬ-euˬ gʼaˇ duˬ myawˬ kʼaˆ bi mˇ-eu lehˇ noeˬ tmˬ nya te loˇ.

Jaceuq 28:8

Sahˬpaˬ Miˬyehˇ-aˬ, yawˬtsawˇgʼaˇduˬ gʼaˬpyeuꞈ-eu meh. Yawꞈneh tsiˇlehꞈ-euˬ sahˬpaˬ-ahˇ, haw piˇ-awˇ ka kʼoꞈ nehˬ-eu meh.

Jaceuq 45:17

Ngaˬ-euˬ caˇ dawˬ heu baˬ da neh nawˬ-euˬ tsawˇ myahˇ aˬ myah luꞈ kʼawˇ taꞈ kʼawˇ teˇ doˆ-awˇ, tsawˇ haˬ dawˬ tawˆ luꞈ mˬ maˬ maˬ byaˆ zaˇ ziˇ, nawˬ-ahˇ ja ceuˬ tehꞈ-a.

Dawqdaq 21:31

Nawˇ guiˇ deuˆ-eu mahˬ deuˬ lehˬ hmˬ taˬ nya kʼawꞈ, guiˇ deuˆ gʼaˬ ni jahˇ-eu gʼaˬ Sahˬpaˬ Miˬyehˇ meh.

Iˇsaˬyaˇ 30:16

Naw maꞈ mahˬ paˬ yaw kawˇ dziˬ-awˇ, muiˇ-eu deuˬ-ahˇ cehˆ dzeuˇ-eu lehˇ leh jeh luꞈ meh. Maꞈ cehˆ-ehˇ maˬ gʼeh nya-eu miˇ neh, naw maꞈ mˇ-eu tsaˬ meh. Ehˇ kʼawꞈ, naw maꞈ-euˬ mahˬ yaw kawˇ ma lehˇ noeˬ kʼawꞈ, naw maꞈ-ahˇ teh-eu deuˬ kawˇ dzehˬ meh.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Yeˬlaˬmiˇ 17:5

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-ahˇ byehˇ dzeh yaꞈ-awˇ, maˬ gmˬ-eu tsawˇ haˬ-euˬ gʼaˬ-ahˇ gʼoe-awˇ, tsawˇ haˬ zaˬ-ahˇ nui jah ahˇ-eu gʼaˬ-ahˇ, ngaˇ yaˬ kʼehˇ yaˬ nehˬ ma.

1 Saˬmeuˬlaˆ 13:5

Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Guiˇ deuˆ-eu mahˬ laˆ lawˬ smˬ muiˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu yehˇ deuˬ aˬ yawꞈ maꞈ kuˇ uiˬ taˬ-euˬ meh. Behˬdaˬbeˬ meuˬ-euˬ nahˇ ma doˆ kʼehˬ paw jaˆ-eu Miˇkaˬmaˆ meuˬ-ahˇ aˬ yawꞈ maꞈ iˇ-awˇ, sehˬ gʼawˆ gʼawˆ-awˇ jawˇ-euˬ meh.

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”