Jaceuq 20:2 - Akha

² Uˬduˬtahˬnymˇnymˇma-ahˇneh, caw ba-eu jeˬ bi keuˆle-awˇ, yawꞈ-euˬ Ziˇoˬgawˬjawˬ-ahˇneh, ngehˬgʼeh-eu jeˬ keuˆle luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yawshawr Jawrduq-anr nae nawq-anr cawba-eu jeq bi keuvle-awr, Ziroq-anr nae nawq-anr ghaq bif-eu jeq bi dovle luf-ur.

Jaceuq 20:2 Iomraidhean Croise

2 Saˬmeuˬlaˆ 5:7

Ehˇ kʼawꞈ, ziꞈ dah ni tsoˆ taˬ-euˬ Ziˇoˬ taˆ-ahˇ Daˬbiˇ neh deuˆ gʼaˬ-awˇ, jawˇ duˬ kʼoeˇ tsahˇ Daˬbiˇ-euˬ meuˬ lehˇ tsawˇ myahˇ doˆ-euˬ meh.

2 Saˬmeuˬlaˆ 6:17

Dawˬ ma saˇ jaˇ Bahˬ keuˆ kʼoeˇ aˬ yawꞈ maꞈ baꞈ ahˇ laꞈ-awˇ, Bahˬ keuˆ kʼoeˇ bi baꞈ taˬ-eu lehˇ Daˬbiˇ neh tsoˆ taˬ-euˬ sehˬ gʼawˆ-ahˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ Sahˬpaˬ Miˬyehˇ-ahˇ Daˬbiˇ lawˇ nehˬ-euˬ meh.

1 Sahˬpaˬ 6:16

Muiˬ dui shawˇ dui dui-eu jawˇ duˬ lehˇ kuˇ-eu lawˆ-aˬ, Uˬ duˬ tahˬ nymˇ nymˇ ma-euˬ naˇ kʼah paw pyawˬ-ahˇ jaˆ-eu meh. Aˇ lawˆ kʼoeˇ lawˆ yaw mahˇ paw ngaˬ lmˇ byah-awˇ, uˬ kʼawˬ-ahˇ neh kaˇ pyawˇ uˬ gʼmˬ-ahˇ tuˆ ni, shuˬ liˇ teˇ byaꞈ neh taw lawˆ taˬ-euˬ meh.

Jaceuq 3:4

Caw ba nehˬ laꞈlehˇ ngaˇguˇngeh, gawˬjawˬyaw shawˇkʼoeˇtaˆ jawˇ-eu, SahˬpaˬMiˬyehˇ naˇhaˬ-eu meh.

Jaceuq 54:3

Biˇ siˇ siˇ-eu tsawˇ haˬ deuˬ ngaˬ-ahˇ ceh le-eu lehˇ oe luꞈ meh. Gʼawˬ shaˬ gaˬ-eu maˬ siˬ nya-eu, Miˬyehˇ-ahˇ yaw zeu maˬ baw-eu tsawˇ haˬ deuˬ, ngaˬ-ahˇ sehꞈ-eu lehˇ oe luꞈ meh.

Jaceuq 73:17

Nawˬ-euˬ Uˬ duˬ tahˬ nymˇ nymˇ ma-ahˇ ngaˇ uˇ leˇ ngeh hawˇ-eu, haiˬ-eu tsawˇ haˬ deuˬ kʼoeˇ taˆ keuˆ le-eu lehˇ gʼeh-eu, gaˇ kawˆ-ahˇ ngaˇ siˬ duˬ-euˬ ma.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”