Jaceuq 2:2 - Akha

² SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Mirkhanq sanqpaq deuq mrghanr-awr, uvlanr-eu tsawrhaq deuq gmler-awr, Ya’we Miqyaer hawr-eu aqyawf nae tsaqtsov-euq ghaq-anr puiq-eu laer maeqbawq mrluf-eu mae.

Jaceuq 2:2 Iomraidhean Croise

Jaceuq 110:5

Sahˬpaˬ Miˬyehˇ nawˬ-euˬ aˇ maˇ paw jawˇ-awˇ, aˬ yawꞈ nui ma pehˇ laˇ ngeh, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

Jaceuq 2:10

Sahˬpaˬdeuˬ ehˇdawˬnaˇhaˬ-awˇ, sahˬma deuˬ naˬbawˇgaˬleˇsheˇ.

Jaceuq 45:7

yaw tsaˬ yaw dawˇ jeˬ-ahˇ gaˬ-awˇ, maˬ tsaˬ maˬ dawˇ-eu jeˬ-ahˇ nawˇ bye-eu meh. Kʼoeˇ miˇ neh, nawˬ-euˬ Miˬyehˇ pyeuꞈ-eu Miˬyehˇ, nawˬ-ahˇ tseˇ doˆ-eu laꞈ kʼoeˇ, sahˬ paˬ nui deuˬ-ahˇ naˆ maˬ tseˇ, laˬ kʼaˬ cehˇ nui saˇ za-eu guiˬ lahˬ nawˬ-euˬ kʼoeˇ taˆ shehˆ daˆ-euˬ meh.

Jaceuq 48:4

Miˇ kʼahˬ sahˬ paˬ deuˬ tiˬ kawˆ loꞈ-ehˇ uiˬ leˇ-awˇ, Ziˇoˬ gawˬ jawˬ-ahˇ guiˇ deuˆ-eu lehˇ laˇ-eu meh.

Jaceuq 48:5

Ehˇ kʼawꞈ, Ziˇoˬ gawˬ jawˬ-ahˇ aˬ yawꞈ maꞈ ya mawˇ ngeh zahˬ leˇ-eu laꞈ kʼoeˇ, guˆ-awˇ cehˆ-eu meh.

Jaceuq 74:18

Ehˇ kʼawꞈ, Sahˬpaˬ Miˬyehˇ-oˇ, muiˇ-eu deuˬ nawˬ-ahˇ uiˇ luꞈ gaˇ taˬ ngehˇ. Miˬyehˇ maˬ baw-eu tsawˇ haˬ deuˬ nawˬ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ luꞈ gaˇ taˬ ngehˇ.

Jaceuq 74:23

Nawˬ-ahˇ muiˇ-eu deuˬ nui ma pehˇ-awˇ guˇ gaˇ taˬ ngehˇ. Nawˬ-ahˇ muiˇ-eu kʼoeˇ deuˬ maˬ naˬ leˇ ni guˇ luꞈ gaˇ taˬ ngehˇ.

Jaceuq 83:6

Eˬdoˬ tsawˇ jeuˬ hawˇ-eu Iˇshaˬmeˬlaˇ tsawˇ jeuˬ maˬ ehˇ, Mawˇbaˆ tsawˇ jeuˬ hawˇ-eu Haˬgaˬlaˇ tsawˇ jeuˬ maˬ ehˇ,

Jaceuq 89:20

Muiˬ-eu shawˇ-eu tsiˇ shehˆ daˆ nehˬ-awˇ, ngaˬ-euˬ zaˬ kʼaˆ Daˬbiˇ-ahˇ sahˬ paˬ ka nehˬ-euˬ ma.

Doˆ-iˇ 16:7

Uˬ shawˬ keuˆ laˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ naw maꞈ ya mawˇ tehꞈ-a. Naw maꞈ nui ma cawˆ-eu laꞈ kʼoeˇ, Sahˬpaˬ Miˬyehˇ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Ngeuˇ meh. Naw maꞈ-aˬ, aˬ yawꞈ-ahˇ iˬ baˇ taˬ luꞈ-eu meh. (Nga nyaꞈ-ahˇ iˬ baˇ taˬ luꞈ-eu maˬ ngeuˇ-a.) Aˬ jeˬ miˇ neh ehˇ naˇ, nga nyaꞈ-aˬ, aˬ yawꞈ neh mehˬ nehˬ tsoˆ nehˬ laꞈ-euˬ loꞈ-ehˇ mˇ luꞈ-eu tehꞈ ma.”

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Maꞈtehˬ 26:59

Piˇ ma aˬ yuiꞈ deuˬ hawˇ-eu, Baꞈ dzah aˇ muˇ muˇ lah-ehˇ, Yeˬsuˇ-ahˇ yaw lehˬ poˆ doˆ-awˇ sehꞈ-eu lehˇ leh jeh-eu meh.

Maꞈtehˬ 27:1

Uˬ bya bya laˇ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ dawˬ tawˆ luꞈ, Yeˬsuˇ-ahˇ bi sehꞈ-eu gʼaˇ duˬ bawˬ dzaˬ-euˬ meh.

Luˇkaꞈ 13:31

Kʼoeˇ ngeh, Paˬliˬsehˇ tiˬ paˆ na deuˬ Yeˬsuˇ jawˇ gaˇ laˇ-awˇ, “Heu gaˇ taˬ paˇ jawˇ. Sahˬ paˬ Heˬloˆ nawˬ-ahˇ sehꞈ mawꞈ-eu meh” lehˇ ehˇ-eu meh.

Yoˇhaˬ 1:41

Aˬ yawꞈ-euˬ mehˇ nmˇ Siˇmoˬ-ahˇ aˬ yawꞈ yaw kawˇ-ehˇ poˆ mawˇ-awˇ, “Nga nyaꞈ Meˬsiˇyaˆ-ahˇ ya mawˇ gʼaˬ-euˬ ma” lehˇ ehˇ nehˬ-euˬ meh. (ʼMeˬsiˇyaˆʼ hawˇ-eu ʼKa liʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ tiˬ kawˆ meh.)

Yoˇhaˬ 15:23

Ngaˬ-ahˇ muiˇ-eu tsawˇ haˬ-aˬ, ngaˬ Da-ahˇ kʼawꞈ muiˇ gaˇ duˇ-eu meh.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”