Jaceuq 2:10 - Akha

¹⁰ Sahˬpaˬdeuˬ ehˇdawˬnaˇhaˬ-awˇ, sahˬma deuˬ naˬbawˇgaˬleˇsheˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoermirnae, sanqpaq deuq-or! Nymq-mr tsawrganr anrlar-awq; Mirtsaq-anr yarkhaq dar-eu deuq khawf, maeqdawq tsovdawq-anr narhaq-awq.

Jaceuq 2:10 Iomraidhean Croise

Jaceuq 45:12

Duˇlu miˇ kʼahˬ-ahˇ jawˇ-eu tsawˇ haˬ deuˬ nawˬ-ahˇ laꞈ sawˬ yuˇ ha laˇ-awˇ, smˇ muiˬ aˬ da deuˬ nawˬ-ahˇ myaˆ pyawˬ pyuˇ ni leh jeh tehꞈ-a.

Iˇsaˬyaˇ 49:23

Sahˬ paˬ deuˬ nawˬ-euˬ gʼaˇ duˬ aˬ da-ahˇ duˇ-awˇ, sahˬ paˬ ma deuˬ aˬ ma-ahˇ duˇ tehꞈ-a. Aˬ yawꞈ maꞈ nawˬ-euˬ mehˬ shi awˆ byaˆ-awˇ, nawˬ-ahˇ taˬ huiˬ taˬ mahˇ tehꞈ-a. Aˬ yawꞈ maꞈ nui ma nahˬ yu ni taˬ-eu laꞈ kʼoeˇ, nawˬ-ahˇ yaw zeu baw nehˬ tehꞈ-a. Kʼoeˇ naˇ, ngaˇ Sahˬpaˬ Miˬyehˇ pyeuꞈ-eu nawˇ ya siˬ tehꞈ-a. Ngaˇ caw ba nehˬ laꞈ gaˇ dawˬ-eu tsawˇ haˬ, daˬ maˬ ya ga-eu nawˇ siˬ duˬ tehꞈ-a.”

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Iˇsaˬyaˇ 60:3

Miˇ tsaˬ tsawˇ jeuˬ dawˬ tawˆ nawˬ-euˬ yaw shehꞈ jaˆ gaˇ laˇ-awˇ, miˇ tsaˬ sahˬ paˬ dawˬ tawˆ luꞈ kʼawꞈ, nawˬ-euˬ yaw shehꞈ uˬ bya bya le gaˇ laˇ tehꞈ-a.

Yeˬlaˬmiˇ 6:8

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, shaˬ zahˬ heu naw maꞈ-ahˇ maˬ mehˬ paˇ nehˬ nya naˇ, naw maꞈ-ahˇ ngaˇ byehˇ dzeh yaꞈ-awˇ, naw maꞈ-euˬ meuˬ-ahˇ tsawˇ haˬ maˬ jawˇ ni, kʼaˇ shuiꞈ deh ga bi pyeuꞈ-iˇ ma.”

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Zaˬkaˬliˇ 14:17

Kʼoeˇ gaˇ maˬ le-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu sahˬ paˬ-ahˇ uˬ duˬ maˬ tahˬ leˇ-eu miˇ kʼahˬ kʼoeˇ taˆ, uˬ yehˇ maˬ yehˇ ni mˬ gʼmˇ gʼmˇ tehꞈ-a.