Jaceuq 18:50 - Akha

⁵⁰ Yawꞈneh ka nehˬ-euˬsahˬpaˬ-ahˇ, gʼaˬleˇ-eu baoˬyawꞈbiꞈnehˬ-awˇ, yawꞈneh tsiˇlehꞈ-euˬgʼaˬpyeuꞈ-eu, Daˬbiˇ-euˬtsuiꞈtoeˬcaw ka-awˇ, mˬmaˬmaˬbyaˆgaˬnehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁰ Aqyawf, aqyawf-euq sanqpaq-anr yawmuiq-aer bibuq-ir-awr; Aqyawf nae tsaqtsov-euq tsawrhaq-anr ghawqshaq gaq-eu jeq bimawr-eu mae. Daqbir hawr-eu aqyawf-euq zaqdeuq-anr, mqmaq maqbyav yarzir biza taef-a.

Jaceuq 18:50 Iomraidhean Croise

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

1 Laˬsaˬbaˬ 17:27

Ngaˬ-euˬ zaˬ ngaˬ-euˬ uˆ deuˬ, aˬ myah luꞈ nawˇ nui ma tsaˬ-eu tsawˇ haˬ deuˬ pyeuꞈ nya ni, aˬ yawꞈ maꞈ-ahˇ guiˬ lahˬ biꞈ nehˬ-awˬ lehˇ, nawˬ-ahˇ ngaˇ shaˇ-eu ma. Sahˬpaˬ Miˬyehˇ-oˇ, aˬ yawꞈ maꞈ-ahˇ nawˇ guiˬ lahˬ biꞈ nehˬ gʼaˬ-euˬ meh. Nawˬ-euˬ guiˬ lahˬ aˬ yawꞈ maꞈ kʼoeˇ taˆ mˬ maˬ maˬ byaˆ zaˇ ziˇ ziꞈ luꞈ-uˇ.”

Jaceuq 132:10

Nawˬ-euˬ zaˬ kʼaˆ Daˬbiˇ nehˬ-ehˇ, nawˇ saˇ jaˇ dzaˬ taˬ-euˬ jaˆ-eu meh. Sahˬpaˬ Miˬyehˇ-oˇ, nawˬ neh tseˇ doˆ-euˬ sahˬ paˬ-ahˇ, nawˇ taˬ byehˇ dzeh nehˬ laꞈ.

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Jaceuq 57:10

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, mˬ-ahˇ keuˆ ni jaˆ-awˇ, nawˇ saˇ jaˇ ziꞈ-eu jeˬ, mˬ dmˇ-ahˇ tuˆ-eu meh.

Luˇkaꞈ 1:69

Yawꞈ-euˬ zaˬ kʼaˆ Daˬbiˇ o neh, baoˬ huiˬ-eu Ka kʼoꞈ-eu yaw sahˇ, aˬ dui-ahˇ biꞈ nehˬ leꞈ-euˬ meh.

Lormav 1:3

Kʼoeˇ-aˬ, aˬ yawꞈ-euˬ Zaˬmaˇ pyeuꞈ-eu aˬ dui-euˬ Sahˬpaˬ Yeˬsuˇ Ka li gaˇ kawˆ meh. Tsawˇ haˬ zaˬ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ dehꞈ le-euˬ meh.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

Gaˬlaˬtiˆ 3:16

Miˬyehˇ-aˬ, Aˬbyaˬhaˬ hawˇ-eu aˬ yawꞈ-euˬ zaˬ-ahˇ saˇ jaˇ dzaˬ-euˬ meh. Jaˇliꞈ laꞈ kʼoeˇ Aˬbyaˬhaˬ-euˬ “zaˬ deuˬ uˆ deuˬ” lehˇ maˬ ehˇ taˬ-aˬ. Kʼoeˇ miˇ neh tsawˇ haˬ gʼawˬ mya ni-ahˇ saˇ jaˇ dzaˬ-euˬ lehˇ ehˇ mawꞈ-eu maˬ ngeuˇ-a. Aˬbyaˬhaˬ-euˬ “zaˬ” lehˇ, tiˬ gʼaˬ-ahˇ tehꞈ-ehˇ ehˇ taˬ-euˬ meh. Ka li tiˬ gʼaˬ-ahˇ tehꞈ-ehˇ saˇ jaˇ dzaˬ-euˬ gaˇ ehˇ mawꞈ-eu meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”