Jaceuq 18:33 - Akha

³³ Ngaˬ-euˬkuiˇguˬbi ziꞈlaꞈ-awˇ, baˬgʼa kuiˇtoꞈziꞈdah jaˆma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aqyawf, ngaq-euq aqkuir-anr, khaqtsaev-euq aqkuir lof-aer janrdur naeqlaf-awr; Ngaq-anr jawrduq yawgor-anr bijawr naeqlaf-euq mae.

Jaceuq 18:33 Iomraidhean Croise

2 Saˬmeuˬlaˆ 2:18

Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.

2 Saˬmeuˬlaˆ 22:14

Mˬ taˆ jawˇ-eu Sahˬpaˬ Miˬyehˇ, Dawˬ tawˆ kʼoeˇ taˆ Huiˬ-eu kʼoeˇ gʼaˬ, mˬ jeˬ jeˬ-awˇ dawˬ ngehˬ-eu meh.

Iˇsaˬyaˇ 45:5

“Ngaˇ Sahˬpaˬ Miˬyehˇ pyeuꞈ-eu ma. Miˬyehˇ nui taw nui gʼaˬ maˬ jawˇ. Nawˇ ngaˬ-ahˇ maˬ siˬ nya-euˬ kʼawꞈ, nawˇ loˬ-eu gʼaˬ deuˬ ngaˇ biꞈ ma.

Haˬbaˬkuˆ 3:19

Sahˬpaˬ Miˬyehˇ ngaˬ-euˬ Miˬyehˇ, ngaˬ-euˬ gʼaˬ kʼaˆ duˬ pyeuꞈ-eu ma. Kʼaˬ tsehˆ loꞈ-ehˇ kuiˇ toꞈ ziꞈ-awˇ, yaw goˇ-ahˇ daˆ keuˆ leˇ nya ni, aˬ yawꞈ ngaˬ-ahˇ gʼaˬ biꞈ-eu meh.

Dawˬmehˬ 32:13

“Gawˬ jawˬ yaw goˇ bi uˆ lahˇ-awˇ, deh ga boeˬ nmˬ bi dzaˬ-euˬ meh. Lo guˇ byaˬ uiˇ bi cuˆ dawˇ-awˇ, lo gahˬ kʼoeˇ taˆ ka dehꞈ taˬ-euˬ saˬ loˬ tsiˇ bi dawˇ dehˆ-euˬ meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.