Jaceuq 17:7 - Akha

⁷ Zahˬleˇdui dui paˬ-ehˇgʼeh-eu, nawˇgaˬ-eu jeˬbi mawˇlaꞈ-awˇ, ngaˬ-ahˇka kʼoꞈle nehˬlaꞈ-awˬ. Nawˇjawˇpaw ngaˇpyawˬngeh, muiˇ-eu deuˬ-ahˇguˆkʼaˇmaˬza.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqcawq tur-awr muirlar-eu mirnae, Nawq-euq lafkhoer caevzaf lar-eu tsawrhaq-anr, Armar laf nae kakhof-eu ghaq-or! Nawq-euq zanqler paq-aer muiq-eu ghawqshaq gaq-eu jeq bimawr naeqlaf-awq.

Jaceuq 17:7 Iomraidhean Croise

2 Sahˬpaˬ 19:22

Nawˇ yehˬ bawˬ sehˇ lu-ehˇ ehˇ niˇ gʼa-awˇ naˬ gʼa-eu teu, aˬ suˇ gʼaˬ-ahˇ naˬ gʼa-eu nga lehˇ nawˇ noeˬ-eu nya. Nawˇ-aˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ yaw zeu maˬ baw-eu jeˬ mˇ luꞈ-eu meh.

2 Sahˬpaˬ 19:34

Ngaˬ-euˬ tsawˇ myahˇ baˬ da neh maˬ ehˇ, ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ dawˬ ma saˇ jaˇ baˬ da neh maˬ ehˇ, meuˬ heu meuˬ-ahˇ ngaˇ haw piˇ ma’ lehˇ ehˇ-eu meh.”

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Jaceuq 20:6

SahˬpaˬMiˬyehˇneh tsiˇlehꞈ-euˬ, aˬyawꞈ-euˬdzoeˬdzaˬsahˬpaˬ-ahˇ, gʼaˬleˇ-eu baoˬ biꞈnehˬmeh lehˇ. nymˬ-mˇngaˇsiˬduˬtaˬ-euˬma. Muiˬ-eu shawˇ-eu mˬtaˆjawˇ-awˇ, shaˇdawˬnaˇhaˬnehˬ-eu laꞈkʼoeˇ, aˇmaˇlaꞈ-euˬbaoˬ-ahˇgʼoe-awˇ, gʼaˬleˇ-eu jeˬbiꞈnehˬ-eu meh.

Jaceuq 31:21

Sahˬpaˬ Miˬyehˇ-ahˇ ja ceuˬ-awˬ. Muiˇ-eu deuˬngaˬ-ahˇloꞈjawˬngeh, zahˬdui dui leˇpaˬ-ehˇgʼeh-eu, aˬyawꞈ-euˬgʼoeˇ-eu gaˬ-eu jeˬ, ngaˬ-ahˇbi mawˇnehˬlaꞈ-euˬmeh.

Jaceuq 31:22

“Ngaˬ-ahˇteh dzeh laꞈ-euˬngaˇ” lehˇ, ngaˇguˆ-eu laꞈkʼoeˇ ehˇ-euˬma. Ehˇ kʼawꞈ, caw ba laꞈlehˇguˇngeh, nawˇnaˇhaˬgeuꞈnehˬlaꞈ-euˬmeh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Jaceuq 60:5

Nawˇ gaˬ-eu tsawˇ haˬ deuˬ ya buˬ ya law-iˇ ni, nga maꞈ-euˬ shaˇ dawˬ naˇ haˬ nehˬ laꞈ-awˇ nawˬ-euˬ baoˬ neh nga maꞈ-ahˇ ka kʼoꞈ nehˬ laꞈ.

Jaceuq 78:12

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ mehˬ shi, zahˬ leˇ paˬ-ehˇ gʼeh-eu jeˬ Miˬyehˇ mˇ mehˬ nehˬ-euˬ meh.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.