Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.
Jaceuq 17:3 - Akha3 Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ. Faic an caibideilYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq3 Nawr, ngaq-euq nuima-anr pyaevtserhaw ngae, Uqcif paw ngar jawr-eu gar oe-awr, Ngaq-anr tsermrhaw ngae, maqtsaq-eu jeq anr-eu maqmawr-aq. Ngar, ngaq-euq khaqmae nae yawbanq yawlaeq jeq maqngaeq laer noeqtsov taq-euq ma. Faic an caibideil |
Jaceuq 17:3
32 Iomraidhean Croise
Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.
Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”
Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”
Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.
Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.
Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.
Sanasan