Jaceuq 17:1 - Akha

¹ Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Dawr-awr tsaq-eu jeq shar-eu gar narhaq naeqlaf-awq. Ngar shar-eu dawq-anr narhaq naeqlaf. Jaqmyawf maershuir maqanr-eu ngaq-euq maeqluq-euq guiqlanq shardawq-anr, nawq-euq naqbawr ciqkhmr naeqlaf-awq!

Jaceuq 17:1 Iomraidhean Croise

2 Saˬmeuˬlaˆ 22:24

Aˬ yawꞈ mehˬ shi ngaˇ dehꞈ-eu jeˬ, iˬ baˇ taˬ kʼaˇ maˬ bi za-ehˇ, yaw lehˬ jeˬ-ahˇ ma ya mˇ ni, ngaˬ-euˬ gʼawˇ mawˇ yahˇ luꞈ-eu ma.

2 Laˬsaˬbaˬ 7:15

Uˬ duˬ tahˬ nymˇ nymˇ ma heu-ahˇ ngaˇ maˬ tsehˆ leˇ ni haw-awˇ, heu gaˇ shaˇ-eu shaˇ dawˬ deuˬ ya gaˬ ni aˬ myah luꞈ naˬ bawˇ ciˬ kʼmˇ taˬ ma.

Neˬhaˬmiˇ 1:6

Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ uˬ ciꞈ nah gʼahˇ maˬ ehˇ ngaˇ guiˬ lahˬ shaˇ luꞈ ngeh, ngaˬ-ahˇ haw-awˇ ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ. Iˇsaˬleˬlaˆ tsawˇ jeuˬ pyeuꞈ-eu nga maꞈ neh mˇ lehˬ-euˬ iˬ baˇ-ahˇ ngaˇ shaˇ pyehˬ-eu ma. Ngaˬ-euˬ aˬ poeˬ aˬ bawˇ deuˬ hawˇ-eu ngaˇ kʼawꞈ iˬ baˇ ahˇ-eu ma.

Yawˇbaˆ 16:17

Ehˇ kʼawꞈ, ngaˇ yaw haiˬ jeˬ mˇ taˬ-euˬ maˬ jaˆ-ehˇ, ngaˬ-euˬ guiˬ lahˬ shaˇ dawˬ shawˇ jehˆ ni gʼeh-eu ma.

Jaceuq 102:2

Ngaˇ shaˬ zahˬ ya tahˬ puˬ ngeh, taˬ byehˇ dzeh nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˇ kuˇ ngeh yaw kawˇ-ehˇ oˬ toˬ nehˬ laꞈ.

Jaceuq 140:12

Sahˬpaˬ Miˬyehˇ-oˇ, shaˬ-eu zahˬ-eu deuˬ-ahˇ nawˇ haw piˇ-awˇ, mehꞈ-eu shuꞈ-eu deuˬ-ahˇ nawˇ ngehˬ gʼeh-eu gaˇ kawˆ ngaˇ siˬ nya ma.

Jaceuq 142:1

Caw ba nehˬ laꞈ lehˇ Sahˬpaˬ Miˬyehˇ-ahˇ kuˇ-awˇshaˇ-euˬ ma.

Jaceuq 142:6

Caw ba nehˬ laꞈ lehˇ ngaˇ guˇ gaˇ naˇ haˬ nehˬ laꞈ-awˬ. Naꞈ dui dui-eu nui ma cawˆ-eu jeˬ laꞈ kʼoeˇ ngaˇ ga nuiꞈ-iˇ luꞈ-eu ma. Muiˇ-eu deuˬ-euˬ aˬ laꞈ laꞈ kʼoeˇ ngaˬ-ahˇ ka kʼoꞈ nehˬ laꞈ. Aˬ yawꞈ maꞈ gʼaˬ kʼaˆ dui dui-eu meh.

Jaceuq 143:1

Sahˬpaˬ Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ. Nawˬ-euˬ yaw tsaˬ yaw dawˇ jeˬ laꞈ kʼoeˇ, ngaˬ-euˬ shaˇ dawˬ-ahˇ naˇ haˬ nehˬ laꞈ. Nawˬ-euˬ saˇ jaˇ ziꞈ-eu jeˬ laꞈ kʼoeˇ, ngaˬ-euˬ shaˇ dawˬ-ahˇ naˇ haˬ nehˬ laꞈ.

Jaceuq 145:18

Aˬ yawꞈ-ahˇ nui ma keuˆ-awˇ kʼaˇ kuˇ-eu deuˬ dawˬ peh, aˬ yawꞈ aˬ myah luꞈ jawˇ-eu meh.

Jaceuq 18:20

Ngaˇyaw tsaˬjeˬmˇ-eu miˇneh, SahˬpaˬMiˬyehˇlaꞈsawˬbiꞈ-awˇ, yaw lehˬjeˬmaˬmˇ-eu miˇneh, ngaˬ-ahˇguiˬlahˬbiꞈlaꞈ-eu meh.

Jaceuq 18:44

Ngaˬ-euˬgaˇkawˆgaˬ-eu nehˬ-ehˇ, ngaˬ-euˬehˇdawˬnaˇhaˬgeuꞈ-awˇ, aˬcawˬtsawˇjeuˬboeˇmiˬsiˬkʼaˬ, ngaˬ-euˬmehˬshi awˆbyaˆ-eu meh.

Jaceuq 43:1

Miˬyehˇ-oˇ, miˬyehˇmaˬbaw-eu deuˬmehˬshi, ngaˇiˬbaˇmaˬahˇ-eu gaˇkawˆ, nawˇyaˇkʼaˬdaˇtsehˆnehˬlaꞈ-awˬ. Jaˬmyawꞈmehˇshuiˇyaw haiˬmehˬshi, ngaˬ-ahˇnawˇka kʼoꞈnehˬlaꞈ-awˬ.

Jaceuq 5:2

Caw ba nehˬlaꞈlehˇ ngaˇshaˇgaˇ, Ngaˬ-euˬSahˬpaˬpyeuꞈ-eu Miˬyehˇ, Gʼawˬshaˬgaˬ-awˇ naˇhaˬnehˬlaꞈ. Nawˬ-ahˇngaˇguiˬlahˬshaˇ-eu ma.

Jaceuq 54:4

Ehˇ kʼawꞈ, ngaˬ-ahˇ ngehˬ gʼeh-eu gʼaˬ Miˬyehˇ meh. Ngaˬ-ahˇ dah teˬ-eu gʼaˬ Sahˬpaˬ Miˬyehˇ meh.

Jaceuq 55:18

Myaˬ dui dui-eu muiˇ-eu deuˬ-ahˇ ngaˇ guiˇ deuˆ gaˇ, luˬ-iˇ seˇ-iˇ-eu jeˬ maˬ bi keuˆ le ni, aˬ yawꞈ ngaˬ-ahˇ sheuˬ kʼoꞈ le tehꞈ-a.

Jaceuq 61:1

Miˬyehˇ-oˇ, ngaˇ ngoeˇ gaˇ naˇ haˬ nehˬ laꞈ-awˬ. Ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ.

Jaceuq 61:2

Ngaˇ nui ma cawˆ dui dui-eu laꞈ kʼoeˇ, mˬ dzeˇ miˇ dzeˇ jawˇ-awˇ nawˬ-ahˇ kuˇ-eu ma. Ziꞈ dah ni gʼeh-eu lo guˇ-ahˇ, ngaˬ-ahˇ sheuˬ gʼeh nehˬ laꞈ-awˬ.

Jaceuq 66:19

Ehˇ kʼawꞈ, ngaˬ-euˬ dawˬ Miˬyehˇ-ahˇ gaˬ leˇ-awˇ, ngaˬ-euˬ shaˇ dawˬ-ahˇ aˬ yawꞈ naˇ haˬ nehˬ laꞈ-euˬ meh.

Jaceuq 7:8

Miˇtsaˬtsawˇhaˬ dawˬtawˆluꞈ-ahˇ, SahˬpaˬMiˬyehˇ yaˇkʼaˬdaˇmeh. Ngaˇtsaˬgaˇdawˇgaˇ nawˇhaw-awˬ, ngaˬ-euˬgʼaˇduˬ yaˇkʼaˬdaˇ-awˬ.

Jaceuq 84:9

Miˬyehˇ-oˇ, nawˬ neh tseˇ doˆ-euˬ sahˬ paˬ pyeuꞈ-eu nga maꞈ-euˬ sahˬ paˬ-ahˇ guiˬ lahˬ biꞈ-awˬ.

Jaceuq 86:1

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ-awˇ ngaˬ-ahˇ ngehˬ cawˬ nehˬ laꞈ. Ngaˇ gʼaˬ baˬ-awˇ gʼoe kʼaˇ maˬ za nya.

Jaceuq 86:6

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ nehˬ laꞈ. Ngehˬ gʼeh le-awˬ lehˇ guˇ gaˇ naˇ haˬ nehˬ laꞈ.

Jaceuq 88:3

Ngaˬ-euˬ kʼoeˇ taˆ shaˬ-eu zahˬ-eu jeˬ kaꞈ dzahˬ-awˇ keuˆ le-euˬ miˇ neh, shiˇ taw tehˬ ni ya daˬ luꞈ-eu ma.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maꞈtehˬ 15:8

‘Tsawˇ haˬ heu deuˬ-euˬ mehˬ boeˬ neh, ngaˬ-ahˇ taˬ huiˬ taˬ mahˇ-eu kʼawꞈ, aˬ yawꞈ maꞈ-euˬ nui ma laꞈ kʼoeˇ, ngaˬ-ahˇ gaˇ mahˇ kaˬ dui dui meh.

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

1 Yoˇhaˬ 3:21

Kʼoeˇ miˇ neh ngaˇ gaˬ dui dui-eu cawˬ deuˬ-oˇ, aˬ dui-euˬ nui ma aˬ dui-ahˇ iˬ baˇ taˬ kʼaˇ maˬ za naˇ, Miˬyehˇ mehˬ shi aˬ dui nui ma ziꞈ dah ni jaˆ-eu ma.