Jaceuq 16:3 - Akha

³ SahˬpaˬMiˬyehˇ-ahˇziꞈ-eu deuˬ, ehˇkʼaˇmaˬza ni muiˬ-eu meh. Aˬyawꞈmaꞈnehˬ-ehˇdehꞈ-eu jeˬ, ngaˇnui kʼahˇshiˇdui dui-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Mirtsaq-euq khoertav jawr-eu tsawrshawr deuq-aq, muiq-awr jaq-eu mae. Ngar, aqyawf maf-anr laqkhaqcaer nya.

Jaceuq 16:3 Iomraidhean Croise

2 Laˬsaˬbaˬ 6:41

Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tuˇ laˇ-awˇ, nawˬ-euˬ baoˬ pyeuꞈ-eu Dawˬ ma saˇ jaˇ Bahˬ keuˆ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ uˇ le-awˇ, mˬ maˬ maˬ byaˆ zaˇ ziˇ jawˇ-awˬ. Piˇ ma deuˬ kʼaˇ mˇ kʼaˇ shaˇ-eu jeˬ-ahˇ nawˇ guiˬ lahˬ biꞈ-awˬ. Nawˬ-euˬ guiˬ lahˬ baˬ da neh, nawˬ-euˬ tsawˇ haˬ dawˬ tawˆ luꞈ laˬ kʼaˬ cehˇ luꞈ-uˇ.

Jaceuq 101:6

Miˬyehˇ-ahˇ saˇ jaˇ ziꞈ-eu tsawˇ haˬ deuˬ-ahˇ ngaˇ nui kʼahˇ shiˇ-awˇ, ngaˬ-euˬ nymˇ nymˇ ma laꞈ kʼoeˇ bi jawˇ ma. Sui dui dawˇ dui dui-eu tsawˇ haˬ deuˬ-ahˇ ngaˬ-euˬ gaˇ bi mˇ ma.

Jaceuq 116:15

Muiˬ-eu jaˬ-eu aˬ yawꞈ-euˬ tsawˇ haˬ tiˬ gʼaˬ shiˇ ngeh, Sahˬpaˬ Miˬyehˇ aˇ naˆ ni shaˬ zahˬ mˇ-eu nga.

Jaceuq 119:63

Nawˬ-euˬ zahˇ dawˬ kʼoꞈ dawˬ-ahˇ caw teh-eu deuˬ dawˬ tawˆ luꞈ hawˇ-eu, Nawˬ-euˬ gaˇ mˇ-eu deuˬ dawˬ tawˆ luꞈ-ahˇ ngaˇ gʼoeˇ-eu ma.

Jaceuq 122:8

Nawˇ nui saˇ oꞈ luꞈ-uˇ lehˇ, ngaˬ-euˬ aˬ yuiꞈ aˬ nyiˇ hawˇ-eu cawˬ deuˬ-euˬ gʼaˇ duˬ, Yeˬluˇsaˬlehˬ meuˬ-ahˇ ngaˇ ehˇ dah nehˬ-eu ma.

Jaceuq 30:4

SahˬpaˬMiˬyehˇ-euˬtsawˇshawˇdeuˬ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ciˬpoeˬ-awˬ. Yawꞈ-euˬtsawˇmyahˇ-ahˇnoeˬkeuˆ-awˇ, yawꞈ-euˬguiˬlahˬ-ahˇ ja ceuˬ-awˬ.

Dawqdaq 12:26

Yaw tsaˬ yaw dawˇ tsawˇ haˬ gaˇ dawˇ mah mehˬ mehˬ-awˇ, haiˬ-eu tsawˇ haˬ gaˇ bahˬ sheuˬ ahˇ-eu meh.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Dawqdaq 8:31

Aˬ yawꞈ-euˬ miˇ tsaˬ tahˬ kʼawˇ-ahˇ laˬ kʼaˬ cehˇ-awˇ, tsawˇ haˬ zaˬ-ahˇ nui kʼahˇ shiˇ-euˬ ma.

Dawˬ caˇ 7:10

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-ahˇ mawꞈ-eu meh.

Iˇsaˬyaˇ 62:4

Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.

Maˬlaˬkiˇ 3:17

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ haˬ ya pyeuꞈ tehꞈ-a. Ngaˇ luˆ laˇ ngeh nah, aˬ yawꞈ maꞈ-ahˇ ngaˬ-euˬ tsawˇ haˬ loꞈ-ehˇ sawˇ ma. Aˬ da-euˬ myawˬ kʼehˇ gʼoˆ-eu zaˬ-ahˇ aˬ da gaˬ-eu loꞈ-ehˇ, aˬ yawꞈ maꞈ-ahˇ ngaˇ gʼawˬ shaˬ gaˬ nehˬ ma.

Gʼaˬkʼehˇ 9:13

Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Eˇpeˇsu 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ ya geuꞈ luꞈ-eu ngaˇ Pawˇluˆ, Yeˬsuˇ Ka li laꞈ kʼoeˇ saˇ jaˇ ziꞈ-eu Eˇpeˇsu meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.