Jaceuq 16:10 - Akha

¹⁰ Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, nawr, ngaq-euq saflar-anr shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir-eu gar maqbi keuv-a.

Jaceuq 16:10 Iomraidhean Croise

Yawˇbaˆ 11:8

Miˬyehˇ-aˬ, mˬ mah maˬ tseˇ goˇ-eu meh. Mˬ-ahˇ nawˇ beuˬ miˇ coeˇ ma loˇ. Shiˇ-eu miˇ kʼahˬ-ahˇ Miˬyehˇ siˬ nya meh. Ehˇ kʼawꞈ nawˇ noeˬ mawˇ coeˇ ma loˇ.

Jaceuq 139:8

Mˬ-ahˇ ngaˇ cehˆ daˆ kʼawꞈ, nawˇ kʼoeˇ gaˇ jawˇ tehꞈ-a. Shiˇ-eu miˇ oˆ kʼahˬ-ahˇ yuꞈ-iˇ kʼawꞈ, nawˇ kʼoeˇ gaˇ jawˇ tehꞈ-a.

Jaceuq 49:15

Ehˇ kʼawꞈ Miˬyehˇ ngaˬ-ahˇ ka kʼoꞈ le-awˇ, shiˇ-eu jeˬ-euˬ baoˬ laꞈ kʼoeˇ, ngaˬ-ahˇ bi dzeuˇ-iˇ laꞈ tehꞈ-a.

Jaceuq 9:17

Miˬyehˇ-ahˇbyehˇdzeh-euˬtsawˇjeuˬ, haiˬ-eu tsawˇhaˬkʼoeˇdeuˬdawˬtawˆ, shiˇ-eu miˇkʼahˬ-ahˇkeuˆtehꞈ-a.

Dawqdaq 15:11

Miˇ oˆ miˇ taˆ kʼaˇ pyeuꞈ luꞈ-eu dawˬ tawˆ luꞈ, Sahˬ paˬ Miˬ yehˇ siˬ jiˇ-eu-aˬ, tsawˇ haˬ zaˬ-euˬ nui noeˬ aˬ joˆ-ehˇ beuˬ zaꞈ nya nmˇ.

Dawqdaq 27:20

Tsawˇ haˬ zaˬ-euˬ nui kʼahˇ-aˬ, shiˇ-eu miˇ kʼahˬ-ahˇ duˇ-awˇ,

Iˇsaˬyaˇ 14:9

“Nawˬ-ahˇ ha laˬ laˇ-eu gʼaˇ duˬ, shiˇ-eu miˇ kʼahˬ lawꞈ gʼa luꞈ meh. Nawˬ-ahˇ bi ha geuꞈ-eu gʼaˇ duˬ, shiˇ dzeuˇ-euˬ yaw huiˬ yaw mahˇ deuˬ-eu saꞈ laˇ-ahˇ aˬ yawꞈ maꞈ laˆ noeˬ luꞈ-awˇ, miˇ kʼahˬ sahˬ paˬ deuˬ-euˬ saꞈ laˇ deuˬ-ahˇ, nuiˇ mahˬ-ahˇ nuiˇ luꞈ-eu laˆ tuˇ luꞈ meh.

Iˇsaˬyaˇ 5:14

Kʼoeˇ miˇ neh shiˇ-eu miˇ kʼahˬ yaw kuiˇ dzaˬ siˬ-awˇ, kʼaˬ meh mˇ nga shaˇ nga taˬ-awˇ, Yeˬluˇsaˬlehˬ-euˬ sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ, lawꞈ lawꞈ-ehˇ bi myoꞈ ahˇ jiˇ tehꞈ-a.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Uˬ duˬ 19:28

Sahˬ tsawˆ-awˇ, shaˬ jiˇ-ahˇ aˇ boꞈ maˬ ya boꞈ-a. Yawˬ ha-euˬ shaˬ jiˇ-ahˇ laˆ tahˬ laˆ naˇ gaˇ keuˆ ni, shiˇ-euˬ tsawˇ haˬ deuˬ gʼaˇ duˬ tsawˇ ngoeˇ maˬ ya ngoeˇ-a. Ngaˇ-aˬ, Sahˬpaˬ Miˬyehˇ pyeuꞈ-eu ma.

Aˬmoˆ 9:2

Shiˇ-eu miˇ kʼahˬ paw, duˬ kʼahˬ kʼahˬ-awˇ uˇ byoˆ-iˇ kʼawꞈ, ngaˇ teh mi ma. Mˬ kʼoeˇ taˆ cehˆ daˆ-eu deuˬ-ahˇ kʼawꞈ, ngaˇ gʼeu ka ma.

Bawˇtsahˬ 6:6

Aˬ yawꞈ-euˬ gʼawˇ mawˇ Sahˬpaˬ Miˬyehˇ-ahˇ a nehˬ taˬ-euˬ aˇ yamˬ kʼoeˇ-euˬ laꞈ kʼoeˇ, shiˇ taˬ-euˬ jeˬ dawˬ peh aˬ yawꞈ maˬ ya iˇ-a.

Luˇkaꞈ 1:35

Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Luˇkaꞈ 16:23

Shiˇ-eu miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ aˬ yawꞈ ya daˬ-awˇ, naˇ dui gawˇ dui dui-eu laꞈ kʼoeˇ gʼawˇ leuˇ haw leꞈ ngeh, gaˇ mahˇ kaˬ gaˇ Aˬbyaˬhaˬ-ahˇ haw mawˇ-awˇ, Aˬbyaˬhaˬ-euˬ bawˇ kʼahˇ-ahˇ Laˬzaˬluˇ nuiˇ luꞈ gaˇ ya mawˇ-euˬ meh.

Luˇkaꞈ 4:34

“Aˬ huˇ. Naˬzaˬlehˇ meuˬ-ahˇ jawˇ-eu Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ le-eu lehˇ heu gaˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ meh.”

1 Gawˇliˬtu 15:42

Shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ ngeh jawˇ kʼawꞈ, kʼoeˇ loꞈ-ehˇ duˇ tehꞈ-a. Baꞈ pahˬ-euˬ gʼawˇ mawˇ-aˬ, buꞈ-iˇ nya-eu jeˬ pyeuꞈ-eu meh. Ehˇ kʼawꞈ, bi gʼoꞈ dehꞈ laˇ-euˬ gʼawˇ mawˇ-aˬ, maˬ buꞈ-iˇ nya-eu jeˬ pyeuꞈ-eu meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 20:13

Kʼoeˇ naˇ, iˬ ma laˆ shaˆ-aˬ, aˬ yawꞈ laꞈ kʼoeˇ shiˇ taˬ-euˬ tsawˇ haˬ deuˬ Miˬyehˇ-ahˇ a nehˬ-euˬ meh. Shiˇ-eu jeˬ maˬ ehˇ, shiˇ-eu miˇ kʼahˬ maˬ ehˇ, aˬ yawꞈ maꞈ neh kʼaˇ nyehꞈ tehˬ taˬ-euˬ shiˇ-euˬ tsawˇ haˬ deuˬ a nehˬ-euˬ meh. Kʼoeˇ naˇ, tsawˇ haˬ dawˬ tawˆ luꞈ yawˬ ha neh kʼaˇ mˇ dzeuˇ yaꞈ-euˬ loꞈ-ehˇ yaˇ kʼaˬ bi daˇ-euˬ meh.