Jaceuq 15:5 - Akha

⁵ aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Jirjeuq ardzaeq yurdzaq-eu laer pyur maq bifdov ghae-aer, Yawlaeq maqanr-eu tsawrhaq-anr coeqlerni mr-eu gharduq lafnmf nmflar-eu gar maq hageuf-eu tsawrhaq yajawr-eu mae. Heudeuq mr-eu tsawrhaq-aq, tiqjawr-iq nyinyi-aer maq ghaelarni zifnya taef-a.

Jaceuq 15:5 Iomraidhean Croise

Jaceuq 106:3

Aˬ yawꞈ-euˬ dawˬ-ahˇ naˇ haˬ geuꞈ-awˇ, aˬ myah luꞈ yaw tsaˬ yaw dawˇ jeˬ mˇ-eu deuˬ, guiˬ lahˬ huiˬ tehꞈ-a.

Jaceuq 112:6

Muiˬ-eu jaˬ-eu tsawˇ haˬ maˬ ya cawˆ-iˇ-a. Aˬ yawꞈ-ahˇ Miˬ yehˇ maˬ ngehˇ-a.

Jaceuq 16:8

SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Jaceuq 55:22

Nawˬ-euˬ shaˬ zahˬ Sahˬpaˬ Miˬyehˇ jawˇ gaˇ taˬ-awˬ. Aˬ yawꞈ nawˬ-ahˇ haw piˇ tehꞈ-a. Yaw tsaˬ yaw dawˇ tsawˇ haˬ-ahˇ aˬ yawꞈ maˬ bi coˬ-iˇ-a.

Doˆ-iˇ 22:24

Kʼoeˇ ngeh, ngaˇ nui ma pehˇ laˇ-awˇ, naw maꞈ-ahˇ guiˇ deuˆ-eu laꞈ kʼoeˇ bi shiˇ ma. Naw maꞈ-euˬ miˬ zaˬ deuˬ miˬ coeˬ miˬ ma pyeuꞈ-iˇ-awˇ, naw maꞈ-euˬ zaˬ deuˬ aˬ da maˬ baw ni ya jawˇ tehꞈ-a.

Doˆ-iˇ 22:25

“Shaˬ-eu zahˬ-eu tsawˇ haˬ deuˬ-ahˇ nawˇ pyuˇ paˇ nehˬ ngeh, jiˇ jeuˬ yuˇ dzaˬ-eu pyuˇ paˇ-eu tsawˇ haˬ deuˬ loꞈ-ehˇ taˬ jahˇ.

Dawqdaq 10:30

Yaw tsaˬ yaw dawˇ deuˬ ziꞈ dah ni ya jawˇ kʼawꞈ, yaw haiˬ deuˬ jawˇ duˬ dah kʼaˇ maˬ za-a.

Dawqdaq 12:3

Yaw haiˬ jeˬ mˇ-awˇ nymˇ dahˬ maˬ laˆ ziꞈ nya-a. Ehˇ kʼawꞈ, yaw tsaˬ yaw dawˇ deuˬ-euˬ dawˬ pehˬ duˬ puˇ, ziꞈ dah ni jaˆ-eu meh.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Iˇsaˬyaˇ 33:15

Yaw sui yaw dawˇ dawˇ-ehˇ dehꞈ-awˇ, yaw tsaˬ yaw dawˇ jeˬ-ahˇ ngehˬ-eu tmˇ-eu laꞈ kʼoeˇ, aˬ cawˬ kʼoeˇ taˆ maˬ myawꞈ maˬ shuiˇ dzaˬ ni, laꞈ nmꞈ nmꞈ gaˇ maˬ ha geuꞈ-eu uˬ taꞈ, tsawˇ haˬ-ahˇ sehꞈ-eu deuˬ-ahˇ naˬ bawˇ maˬ ciˬ kʼmˇ ni, yaw haiˬ jeˬ toˆ gaˇ myaˆ maˬ haw cawˬ-eu tsawˇ haˬ, buˬ-iˇ law-iˇ tehꞈ-a.

Yeˬsaˬgeˬlaˇ 18:17

Yaw haiˬ jeˬ aˬ yawꞈ maˬ mˇ-a. Pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ caw teh-awˇ, ngaˬ-euˬ dawˬ naˇ haˬ geuꞈ-eu meh. Aˬ yawꞈ aˬ da-euˬ iˬ baˇ baˬ da neh aˬ yawꞈ maˬ ya shiˇ-ehˇ maˇ maˇ ni ya dehꞈ tehꞈ-a.

Yeˬsaˬgeˬlaˇ 18:27

Haiˬ-eu tsawˇ haˬ tiˬ gʼaˬ iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ naˇ, aˬ yawꞈ yawˬ haˇ yawˬ ha ka kʼoꞈ-eu meh.

Yeˬsaˬgeˬlaˇ 18:8

Aˬ yawꞈ pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Yaw haiˬ jeˬ maˬ mˇ-ehˇ, dawˬ ja kʼaˇ doˆ laˇ ngeh dawˇ coe ni jahˇ tsehˆ nehˬ-eu meh.

Yeˬsaˬgeˬlaˇ 22:12

Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Maꞈtehˬ 26:15

“Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Dawˬmehˬ 16:19

Aˬ yawꞈ maꞈ yaˇ kʼaˬ daˇ ngeh, maˬ tsaˬ maˬ dawˇ-eu jeˬ hawˇ-eu myaˆ pyawˬ huiˬ nyiˇ tseˇ-eu jeˬ maˬ ya mˇ-a. Laꞈ nmꞈ nmꞈ-eu jeˬ-ahˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmꞈ-eu jeˬ-aˬ, dawˇ coe ni mˇ-eu tsawˇ haˬ deuˬ hawˇ-eu zaˬ siˬ tsawˇ gahˇ ahˇ-eu tsawˇ haˬ deuˬ-ahˇ myaˆ behꞈ bi behꞈ-iˇ-awˇ, yaˇ kʼaˬ daˇ-eu jeˬ-ahˇ bi lehˬ-iˇ nya-eu meh.

Dawˬmehˬ 23:21

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ saˇ jaˇ dzaˬ naˇ, saˇ jaˇ kʼaˇ dzaˬ taˬ-euˬ loꞈ-ehˇ maˬ mˇ byah ni maˬ ya byehˇ-a. Nawˬ neh saˇ jaˇ dzaˬ taˬ-euˬ jeˬ-ahˇ, Sahˬpaˬ Miˬyehˇ aˬ diˇ aˬ maˇ maˬ byehˇ nehˬ laꞈ-a. Maˬ mˇ byah naˇ, nawˬ-euˬ kʼoeˇ taˆ iˬ baˇ jaˆ-eu meh.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”