Jaceuq 148:4 - Akha

⁴ Goˇ dui dui-eu mˬ deuˬ aˬ yawꞈ-ahˇ ja ceuˬ-awˇ, mˬ-euˬ kʼoeˇ taˆ paw jaˆ-eu iˇ cuꞈ deuˬ kʼawꞈ, aˬ yawꞈ-ahˇ ja ceuˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawmaf, mqdeuq-euq khoertav jav-eu ircuf hawr-eu, Mqdeuq-euq khoertav jav-eu mqdeuq, aqyawf-anr jaceuq-awq!

Jaceuq 148:4 Iomraidhean Croise

Aˇ dahˬ 1:6

Kʼoeˇ naˇ, “Iˇ cuꞈ nyiˬ paˆ-ehˇ paˆ-iˇ-awˇ bi gʼawˬ-iˇ-eu gʼaˇ duˬ, kaˬ lawˆ baw le-awˬ” lehˇ Miˬyehˇ dawˬ biꞈ ngeh, kaˬ lawˆ baw le-euˬ meh.

Aˇ dahˬ 1:7

Kaˬ lawˆ kʼoeˇ hmˬ-euˬ kʼoeˇ taˆ paw jaˆ-eu iˇ cuꞈ hawˇ-eu, uˬ moˆ paw jaˆ-eu iˇ cuꞈ-ahˇ Miˬyehˇ biˇ paˆ nehˬ-euˬ meh.

Aˇ dahˬ 7:11

Noˇaˬ koꞈ yaˇ kʼoꞈ kʼawˆ ngeh kʼoꞈ, ba la nyiˬ siˬ tiˬ siˬ tseˇ shiꞈ nah tiˬ nah keuˆ laˇ ngeh, miˇ tsaˬ dawˬ dah paw jaˆ-eu iˇ cuꞈ iˇ byoe dawˬ tawˆ luꞈ tahˬ pehꞈ doˆ laˇ-awˇ, mˬ kʼoeˇ taˆ paw jaˆ-eu iˇ cuꞈ laˇ gʼoˆ dawˬ tawˆ luꞈ pah le jiˇ-euˬ meh.

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

2 Laˬsaˬbaˬ 2:5

Huiˬ dui dui-eu uˬ duˬ tahˬ nymˇ nymˇ ma tiˬ nymˇ tsoˆ ma lehˇ ngaˇ lehˬ hmˬ taˬ-euˬ ma. Aˬ jeˬ miˇ neh ehˇ naˇ, nga maꞈ-euˬ Miˬyehˇ-aˬ, miˬyehˇ dawˬ tawˆ luꞈ naˆ maˬ tseˇ huiˬ-eu mahˇ-eu meh.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Jaceuq 104:3

mˬ taˆ iˇ cuꞈ kʼoeˇ taˆ nawˬ-euˬ nymˇ tsoˆ daˆ taˬ-euˬ meh. Mˬ dmˇ-ahˇ nawˬ-euˬ mahˬ laˆ lawˬ bi geuꞈ-awˇ, jaˬ lehˇ-euˬ aˬ dahˇ kʼoeˇ taˆ nawˇ dziˬ-eu meh.

Jaceuq 113:6

mˬ hawˇ-eu miˇ tsaˬ-ahˇ ya mawˇ ni, aˬ yawꞈ awˆ kʼoꞈ-awˇ haw-eu meh.

Jaceuq 68:33

Aˇ hu ba neh mˬ kʼoeˇ taˆ cah luꞈ-eu gʼaˬ-ahˇ, ja ceuˬ-eu caˇ dawˬ caˇ-awˬ. Mˬ jeˬ jeˬ gaˇ duˇ-eu aˬ yawꞈ-euˬ teˇ saˇ-ahˇ, yawˬ gʼaˬ na luꞈ naˇ haˬ geuꞈ-awˬ.

Jaceuq 69:35

Yeˬluˇsaˬlehˬ meuˬ-ahˇ aˬ yawꞈ maꞈ ka kʼoꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ aˬ yawꞈ tsoˆ muiˬ tehꞈ-a. Aˬ yawꞈ-euˬ tsawˇ haˬ deuˬ kʼoeˇ gaˇ ya jawˇ-awˇ, miˇ kʼahˬ kʼoeˇ aˬ yawꞈ maꞈ-ahˇ oꞈ tehꞈ-a.

2 Gawˇliˬtu 12:2

Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.