Jaceuq 147:3 - Akha

³ Nui ma tsawˬ paˆ-iˇ-euˬ deuˬ-ahˇ aˬ yawꞈ laˆ taˬ nehˬ-awˇ, maˇ kʼehˬ-ahˇ lahˇ cuꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf, nuima tsawqpav-euq deuq-anr lavtaq naeq-awr, Aqyawf maf-euq marnar markhaeq-anr lanrcuf naeq-eu mae.

Jaceuq 147:3 Iomraidhean Croise

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Jaceuq 34:18

Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 51:17

Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.