Jaceuq 147:14 - Akha

¹⁴ Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf, nawq-euq mirkaq-anr, tsaqler dzoerler-eu jeq bijav-awr; Nawq-anr muiq duidui-eu dzaqla ghovcaer tiqlof bifnaeq-eu mae.

Jaceuq 147:14 Iomraidhean Croise

1 Laˬsaˬbaˬ 22:9

Ehˇ kʼawꞈ, aˬ yawꞈ ngaˬ-ahˇ heu loꞈ-ehˇ saˇ jaˇ dzaˬ-euˬ meh. ‘Sahˬ paˬ geuꞈ-awˇ saˇ lehˆ ni miˇ kʼahˬ-ahˇ ya uˆ lahˇ-eu nawˬ-euˬ aˬ li tiˬ li jawˇ le tehꞈ-a. Aˬ jeˬ miˇ neh ehˇ naˇ, muiˇ-eu deuˬ nehˬ-ehˇ aˬ yawꞈ guiˇ maˬ ya deuˆ-ehˇ, miˇ kʼahˬ saˇ lehˆ ni aˬ yawꞈ ya uˆ lahˇ-eu gʼaˇ duˬ ngaˇ jahˇ ma. Aˬ yawꞈ-ahˇ Sawˇlaˬmoˬ lehˇ ya myahˇ tehꞈ-a. Aˬ jeˬ miˇ neh ehˇ naˇ, aˬ yawꞈ uˆ lahˇ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ laꞈ kʼoeˇ guˆ-eu gaˆ-eu jeˬ maˬ jaˆ-ehˇ, nui saˇ oꞈ-awˇ, coꞈ ngehˇ ni jaˆ ni ngaˇ jahˇ ma.

Jaceuq 122:6

Yeˬluˇsaˬlehˬ meuˬ nui saˇ oꞈ ni guiˬ lahˬ shaˇ-awˬ. Nawˬ-ahˇ gaˬ-eu tsawˇ haˬ deuˬ baw le za le luꞈ-uˇ.

Jaceuq 132:11

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.

Jaceuq 132:15

Ziˇoˬ meuˬ kʼaˇ loˬ-eu jeˬ, byah kʼaˇ ngeh keuˆ ni ngaˇ lahˬ nehˬ-awˇ, yaw shaˬ zaˬ deuˬ-ahˇ bi dzaˬ dehˆ ma.

Jaceuq 29:11

SahˬpaˬMiˬyehˇ-euˬzaˬdeuˬ-ahˇ, SahˬpaˬMiˬyehˇ gʼaˬbiꞈlahˬ-awˇ, nui saˇoꞈ-eu guiˬlahˬyaw dzahˇ, aˬyawꞈmaꞈ-ahˇbiꞈnehˬ-eu meh.

Jaceuq 81:16

Ehˇkʼawꞈ ngaˇ naw maꞈ-ahˇ, muiˬ dui dui-eu cehˇ bi dzaˬ-awˇ, lo guˇ byaˬ uiˇ bi dawˇ dehˆ ma.”

Iˇsaˬyaˇ 66:12

Sahˬpaˬ Miˬyehˇ heu loꞈ-ehˇ ehˇ-eu meh. “Maˬ cawˆ-iˇ nya-eu baw le za le-eu guiˬ lahˬ, naw maꞈ-ahˇ ngaˇ biꞈ ma. Maˬ gui iˇ-eu iˇ cuꞈ lawˇ baˬ loꞈ-ehˇ, miˇ kʼahˬ tsawˇ jeuˬ-euˬ pyuˇ shuiˇ myawˬ gahˬ deuˬ, naw maꞈ jawˇ gaˇ yoeˇ le tehꞈ-a. Aˬ ma-euˬ bawˇ kʼahˇ laꞈ kʼoeˇ ciˬ ahˇ-awˇ, gaˬ huiˬ haw huiˬ-euˬ zaˬ-ahˇ naw maꞈ duˇ tehꞈ-a.

Yeˬsaˬgeˬlaˇ 16:13

Pyuˇ hawˇ-eu shuiˇ myawˬ guˇ deuˬ nawˇ geuꞈ byah luꞈ-awˇ, shawˇ jehˆ ni gʼeh-eu saˬ paˇ neh guꞈ-awˇ, aˇ boꞈ aˇ yehˆ yehˆ taˬ-euˬ muiˬ dui dui-eu mehˬ tsoeˬ hawˇ-eu, boeˬ kahˇ neh zaꞈ taˬ-euˬ mehˬ tsoeˬ tehꞈ-ehˇ aˬ myah luꞈ nawˇ dm-euˬ meh. Muiˬ dui dui-eu cehˇ meu neh jahˇ taˬ-euˬ kaˬ muˇ nawˇ ya dzaˬ-awˇ, byaˬ byaˬ uiˇ hawˇ-eu saˬ loˬ tsiˇ tiˬ jawˇ-iˬ maˬ tsehˆ-iˇ haw-aˬ. Nawˇ aˇ dzehˬ dzeuˇ ni aˇ gʼehˇ muiˬ-awˇ, sahˬpaˬ-euˬ miˬ zaˬ loꞈ-ehˇ keuˆ leˇ taˬ-euˬ meh.

Yeˬsaˬgeˬlaˇ 27:17

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-aˬ, cehˇ, byaˬ byaˬ uiˇ, saˬ loˬ tsiˇ hawˇ-eu tsiˇ yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ gahˬ deuˬ paˇ geuꞈ le-eu meh.

Uˬ duˬ 26:6

“Miˇ kʼahˬ saˇ-eu jeˬ, naw maꞈ-euˬ miˇ kʼahˬ kʼoeˇ taˆ ngaˇ bi keuˆ le-awˇ, tsawˇ haˬ tiˬ gʼaˬ-ahˇ-iˬ guˆ kʼaˇ maˬ za ni, naw maꞈ ya yuꞈ ya jawˇ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, haiˬ-eu jeˬ zaˬ deuˬ ngaˇ laˆ byoˆ-awˇ, guiˇ deuˆ-eu jeˬ kʼawꞈ maˬ jaˆ ni pyeuꞈ-iˇ tehꞈ-a.

Zaˬkaˬliˇ 9:8

Ngaˬ-euˬ miˇ kʼahˬ ngaˇ loꞈ piˇ-awˇ, iˇ tsehˆ laˇ tsehˆ-eu maˬ bi jaˆ. Ngaˇ haw tsoˆ-awˇ loꞈ-eu miˇ neh, kʼehˬ dzaˬ kʼaˆ dzaˬ-eu tsawˇ haˬ deuˬ, aˬ yawꞈ maꞈ-ahˇ maˬ toeˬ ciˆ-a.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.