Jaceuq 147:13 - Akha

¹³ Nawˬ-euˬ lahˇ kʼehˬ laˇ gʼoˆ-ahˇ aˬ yawꞈ neh laˆ ziꞈ-awˇ, nawˬ-euˬ tsawˇ haˬ deuˬ-ahˇ aˬ yawꞈ guiˬ lahˬ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae aernar-aq, Aqyawf, nawq-euq lanrkhaeq-euq ghovkaf-anr lavzif-awr, Aqyawf, nawq-euq lafkhoer jawr-eu, Nawq-euq zaqdeuq-anr guiqlanq bif-euq mae.

Jaceuq 147:13 Iomraidhean Croise

Neˬhaˬmiˇ 12:30

Piˇ ma deuˬ hawˇ-eu Leˬbiˇ tsawˇ haˬ deuˬ-aˬ, yawˬ ha gʼaˇ duˬ maˬ ehˇ, miˇ kʼahˬ zaˬ deuˬ gʼaˇ duˬ maˬ ehˇ, meuˬ-euˬ lahˇ kʼehˬ deuˬ hawˇ-eu meuˬ lahˇ gʼaˇ duˬ maˬ ehˇ, shawˇ-eu zahˇ jahˇ-euˬ meh.

Neˬhaˬmiˇ 6:1

Meuˬ-euˬ lahˇ kʼehˬ deuˬ-ahˇ nga maꞈ laˇ gʼoˆ maˬ jahˇ ahˇ dah mi naˆ-ehˇ, nga maꞈ meuˬ lahˇ gawˬ gʼaˬ-awˇ maˇ pehꞈ maˬ paˇ jaˆ-euˬ gaˇ kawˆ, Sahˬbaˬlaˆ, Tawˇbyaˬ, Geˬsheˬ hawˇ-eu nga maꞈ-ahˇ muiˇ-eu tsawˇ haˬ nui deuˬ-ahˇ gaˬ leˇ-euˬ meh.

Neˬhaˬmiˇ 7:1

Nymˬ-mˇ poˆ jawˇ, meuˬ meuˬ lahˇ gawˬ muiˬ gʼaˬ-awˇ, lahˇ kʼehˬ laˇ gʼoˆ deuˬ kʼawꞈ jahˇ tsoꞈ gʼaˬ jiˇ-awˇ, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ muiˬ-eu shawˇ-eu caˇ dawˬ caˇ-eu deuˬ hawˇ-eu, Leˬbiˇ tsawˇ haˬ nui deuˬ kʼawꞈ, yawˬ ha-euˬ gaˇ yawˬ ha mˇ luꞈ-eu meh.

Neˬhaˬmiˇ 7:3

Yeˬluˇsaˬlehˬ meuˬ lahˇ gʼoˆ kʼehˬ deuˬ-ahˇ, uˬ shawˬ paw nahˇ ma maˬ doˆ dzeuˇ kʼoeˇ keuˆ ni maˬ pah ni bi jaˆ-awˇ, uˬ ciꞈ paw nahˇ ma ga ahˇ ngeh yamˬ-ahˇ loꞈ-eu yehˇ deuˬ maˬ gʼoꞈ leˇ mi naˆ-ehˇ laˇ gʼoˆ piˬ tehˬ-awˇ gʼoˆ kaꞈ kaꞈ tehˬ-awˬ lehˇ aˬ yawꞈ nyaꞈ-ahˇ ngaˇ ehˇ nehˬ-euˬ ma. Yeˬluˇsaˬlehˬ meuˬ laꞈ kʼoeˇ jawˇ-eu deuˬ-ahˇ loꞈ-eu yehˇ bi geuꞈ-awˇ, tiˬ paˆ na deuˬ-ahˇ loꞈ duˬ-ahˇ bi loꞈ-awˇ, tiˬ paˆ na deuˬ-ahˇ yawˬ ha-euˬ nymˇ dawˬ peh jawˬ jawˬ-ehˇ cah cah-ehˇ bi loꞈ-awˬ lehˇ ehˇ nehˬ-euˬ ma.

Jaceuq 125:2

Yeˬluˇsaˬlehˬ meuˬ-ahˇ gawˬ jawˬ jawˬ lahˇ taˬ-euˬ loꞈ-ehˇ, aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ, Sahˬpaˬ Miˬyehˇ haw lahˇ tehꞈ-a.

Jaceuq 144:12

Nga maꞈ-euˬ aˬ li zaˬ guˬ deuˬ, mehˇ laˇ luꞈ-eu sahˬ lahˬ aˇ bawˇ loꞈ-ehˇ bi pyeuꞈ laꞈ. Nga maꞈ-euˬ aˬ buˇ deuˬ-aˬ, sahˬ paˬ-euˬ nymˇ laꞈ coeˇ-ahˇ toˆ tehˬ taˬ-euˬ, kʼawˇ zeuˇ loꞈ-ehˇ bi pyeuꞈ laꞈ.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Yeˬlaˬmiˇ 33:10

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-aˬ, kʼaˇ shuiꞈ deh ga-ahˇ duˇ-awˇ, tsawˇ haˬ hawˇ-eu jeˬ zaˬ jawˇ zaˇ maˬ mawˇ nga lehˇ aˬ cawˬ ehˇ tehꞈ-a. Aˬ yawꞈ maꞈ ehˇ-eu tsaˬ meh. Yuˇdaˆ miˇ kʼahˬ-ahˇ jaˆ-eu meuˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ, tsawˇ haˬ hawˇ-eu jeˬ zaˬ maˬ jawˇ ni ciˬ cuˇ ni jaˆ-eu meh. Ehˇ kʼawꞈ, jawˇ duˬ heu tsahˇ laꞈ kʼoeˇ lawꞈ gʼa luꞈ-eu teˇ saˇ-ahˇ nawˇ paˇ ya gaˬ poˆ tehꞈ-a.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 4:12

Miˇ kʼahˬ sahˬ paˬ dawˬ tawˆ hawˇ-eu, miˇ tsaˬ zaˬ yawˬ gʼaˬ yawˬ na luꞈ, Yeˬluˇsaˬlehˬ lahˇ kʼehˬ laꞈ kʼoeˇ, muiˇ-eu deuˬ uˇ laˇ nya meh lehˇ, tiˬ gʼaˬ-iˬ maˬ noeˬ doˆ coeˇ-a.

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.