Jaceuq 146:9 - Akha

⁹ Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ya’we Miqyaer, boermiq siqkhaq deuq-anr hawpir naeq-awr, Murcoeq aqnmr hawr-eu miqcoeq miqma deuq-anr ngaeqghae naeq-eu mae. Aerkhawf, aqyawf, tsawrcawv-euq garma-anr nanrpov-aer lavpov naeq-eu mae.

Jaceuq 146:9 Iomraidhean Croise

2 Saˬmeuˬlaˆ 15:31

Aˬhiˇtawˇpeˬlaˆ gʼaˬ kʼawꞈ, aˬ yawꞈ-ahˇ puiˬ-awˇ Aˬbaˇsaˬloˬ nehˬ-ehˇ gm leˇ-euˬ gaˇ kawˆ Daˬbiˇ-ahˇ aˬ cawˬ ehˇ nehˬ ngeh, “Sahˬpaˬ Miˬyehˇ-oˇ, Aˬhiˇtawˇpeˬlaˆ neh biꞈ-euˬ nui noeˬ nui duˇ deuˬ gaˇ dahˇ maˬ bi tsoeˬ ni, yawꞈ ngehꞈ-ehˇ bi pyeuꞈ-iˇ jiˇ-awˬ” lehˇ, aˬ yawꞈ guiˬ lahˬ shaˇ-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

Iˇsaˬtaˆ 5:14

Kʼoeˇ ngeh, aˬ yawꞈ-euˬ miˬ zaˬ hawˇ-eu aˬ yawꞈ-euˬ cawˬ kʼoeˇ deuˬ dawˬ tawˆ luꞈ aˬ yawꞈ-ahˇ heu loꞈ-ehˇ ja sawˇ nehˬ-euˬ meh. “Aˬ jeˬ miˇ neh ngaˬ tseˇ caˆ byah-eu tsawˇ haˬ paꞈ gʼeu sehꞈ-eu kʼawˇ zeuˇ tiˬ zeuˇ nawˇ maˬ bi jahˇ te. Ni shawˬ uˬ shawˬ kʼawˇ zeuˇ kʼoeˇ zeuˇ kʼoeˇ taˆ Mawˬdaˬkehˇ-ahˇ bi paꞈ sehꞈ-awˬ lehˇ sahˬ paˬ-ahˇ nawˇ shaˇ-awˇ, uˬ ciꞈ paw laˬ kʼaˬ cehˇ taˆ ni dzaˬ byawˇ lawˇ gaˇ iˇ-awˬ tawˇ.” Kʼoeˇ loꞈ-ehˇ jahˇ naˇ muiˬ tehꞈ-a lehˇ Haˬmaˬ noeˬ-awˇ, tsawˇ haˬ paꞈ gʼeu sehꞈ-eu kʼawˇ zeuˇ bi jahˇ-euˬ meh.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Iˇsaˬtaˆ 9:25

Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 145:20

Aˬ yawꞈ-ahˇ kʼaˇ gaˬ-eu tsawˇ haˬ-ahˇ aˬ yawꞈ haw piˇ-eu meh. Ehˇ kʼawꞈ, huiˬ-eu tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ tehꞈ-a.

Jaceuq 147:6

Nui nahˬ nui yu ahˇ-eu deuˬ-ahˇ aˬ yawꞈ gʼeu tuˇ-awˇ, haiˬ-eu tsawˇ haˬ deuˬ-ahˬ miˇ tsa nawˬ pahˬ nehˬ-eu meh.

Jaceuq 18:26

Nui ma yaw shawˇdeuˬ-euˬkʼoeˇtaˆ, nawˇnui ma shawˇjehˆni taˬ-awˇ, nui gʼoꞈahˇ-eu tsawˇhaˬdeuˬ-ahˇ, yaw gʼoꞈjeˬnawˇbi mawˇ-euˬmeh.

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Dawqdaq 15:25

Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Yeˬlaˬmiˇ 49:11

Naw maꞈ tsawˇ haˬ muˇ coe aˬ nmˇ deuˬ ngaˬ nehˬ-ehˇ taˬ yaꞈ-awˬ. Ngaˇ haw piˇ nehˬ ma. Naw maꞈ-euˬ miˬ coeˬ miˬ ma deuˬ ngaˬ-ahˇ gʼoe nya meh.

Hawˇseˬ 14:3

Aˬshuˇliˆ miˇ kʼahˬ nga maꞈ-ahˇ, ka kʼoꞈ nehˬ nya-eu maˬ ngeuˇ-a. Guiˇ deuˆ-eu dziˬ mahˬ kʼoeˇ deuˬ kʼawꞈ, nga maꞈ-ahˇ maˬ haw piˇ nya-a. Tahˬ pahˬ aˬ ma mawˇ kawˇ deuˬ-ahˇ, nga maꞈ-euˬ Miˬyehˇ ngeuˇ ma lehˇ, tiˬ jawˇ-iˬ maˬ paˇ kuˇ poˆ ma. Uˬ duˬ tahˬ shaˇ kʼaˇ maˬ za-ehˇ, shaˬ laˇ taˬ-euˬ tsawˇ haˬ deuˬ-ahˇ, Sahˬpaˬ Miˬyehˇ nawˇ ya mawˇ ngeh, gʼawˬ shaˬ gaˬ nehˬ laꞈ-eu meh” lehˇ, Miˬyehˇ-ahˇ guiˬ lahˬ shaˇ leˇ-awˬ.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.