Jaceuq 144:1 - Akha

¹ Ngaˬ-ahˇ haw piˇ-eu gʼaˬ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ ngaˬ-ahˇ guiˇ deuˆ-eu tsawˇ gahˇ mehˬ nehˬ laꞈ-awˇ, guiˇ deuˆ-eu gʼaˇ duˬ lehˬ hmˬ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq logur pyeuf-eu Ya’we Miqyaer-anr jaceuq ma. Aqyawf, ngaq-euq lafnoer guirdeuv deuvnya’ni hawr-eu, Ngaq-euq aqlaf deuvcae caenya’ni maeqnya naeqlaf-euq mae.

Jaceuq 144:1 Iomraidhean Croise

2 Saˬmeuˬlaˆ 22:35

Guiˬ shuiˇ neh jahˇ taˬ-euˬ kaˆ poˆ, ngaˬ-euˬ laꞈ du ngoꞈ daˆ coeˇ-awˇ, ngaˬ-euˬ aˬ laꞈ guiˇ deuˆ nya ni, aˬ yawꞈ dzaw bym nehˬ laꞈ-euˬ meh.

2 Sahˬpaˬ 13:16

“Beuˆ-eu lehˇ lehˬ hmˬ-awˬ” lehˇ Eˇliˇshehˇ ehˇ ngeh, aˬ yawꞈ kaˆ ngoꞈ daˆ-awˇ lehˬ hmˬ-euˬ meh. Kʼoeˇ ngeh, sahˬ paˬ-euˬ aˬ laꞈ kʼoeˇ taˆ, Eˇliˇshehˇ-euˬ aˬ laꞈ cawˬ daˆ-euˬ meh.

Jaceuq 18:2

SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

Jaceuq 18:3

SahˬpaˬMiˬyehˇ-ahˇngaˇkuˇngeh, muiˇ-eu deuˬ-euˬ aˬlaꞈlaꞈkʼoeˇ, aˬyawꞈngaˬ-ahˇka kʼoꞈ-eu meh. Aˬyawꞈ-ahˇngaˇja ceuˬ-eu ma.

Jaceuq 18:31

SahˬpaˬMiˬyehˇtaꞈ-ehˇdzeuˇnaˇ, Miˬyehˇnui gʼaˬaˬgaˇjawˇta. Aˬdui-euˬgʼoe duˬlo guˇ-aˬ, Miˬyehˇheu gʼaˬjawˇ-eu tehꞈma.

Jaceuq 18:34

Ngaˬ-euˬaˬlaꞈguiˇmˇnya-awˇ, guiˬshuiˇkaˆpoˆngoꞈdaˆcoeˇni, ngaˬ-ahˇdzaw bym nehˬlaꞈ-euˬmeh.

Jaceuq 18:35

Nawˬ-euˬka kʼoꞈ-eu dehˬdaˬduˬ, nawˬneh ngaˬ-ahˇbiꞈlaꞈ-euˬmeh. aˇmaˇlaꞈneh caw ba laꞈ-awˇ, baoˬneh haw piˇnehˬlaꞈ-euˬmeh.

Jaceuq 60:12

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Jaceuq 71:3

Ngaˬ-euˬ gʼoe duˬ lo guˇ hawˇ-eu, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-eu ziꞈ dah ni gʼeh-eu nymˇ nymˇ ma loꞈ-ehˇ, nawˇ ngaˬ-ahˇ haw piˇ nehˬ laꞈ.

Jaceuq 95:1

Laˇ-awˬ. Sahˬpaˬ Miˬyehˇ-ahˇ aˬ dui ja ceuˬ ma. Aˬ dui-ahˇ haw piˇ nehˬ laꞈ-euˬ Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ kaˇ-euˇ.

Iˇsaˬyaˇ 26:4

Mˬ maˬ maˬ byaˆ zaˇ ziˇ Sahˬpaˬ Miˬyehˇ-ahˇ jah-awˬ. Aˬ dui-ahˇ aˬ yawꞈ aˬ myah luꞈ haw piˇ tehꞈ-a.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

2 Gawˇliˬtu 10:4

Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.