Jaceuq 143:8 - Akha

⁸ Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Uqshawq paw, ngaq-anr nawq-euq ghoer-awr gaq-eu garkawv bigaq naeqlaf, Aqjeq mirnae aernar-aq, ngar, nawq-anr ghoe ma. Ngar, can paq-aer ghae-eu garma, ngaq-anr bi siqnya naeqlaf-awq, Aqjeq mirnae aernar-aq, ngar, ngaq-euq nuima saflar, nawq-anr ciqgornaeq ma.

Jaceuq 143:8 Iomraidhean Croise

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Jaceuq 119:73

Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 143:10

Nawˇ ngaˬ-euˬ Miˬyehˇ ma. Nawˬ-euˬ nui kʼahˇ mˇ nya ni ngaˬ-ahˇ mehˬ nehˬ laꞈ. Nawˬ-euˬ muiˬ-eu jaˬ-eu jeˬ baˬ da neh, nui saˇ oꞈ-eu gaˇ ma-ahˇ sheuˬ gʼeh nehˬ laꞈ.

Jaceuq 25:20

Ngaˬ-ahˇtahˬpiˇ-awˇ ka kʼoꞈlaꞈ. Nawˇjawˇgaˇtah uˇlaˇ-eu ma. Aˬcawˬneh taˬbi gʼaˬleˇlaꞈ.

Jaceuq 27:11

SahˬpaˬMiˬyehˇnawˬ-euˬgaˇma, ngaˬ-ahˇnawˇtoeˬmehˬnehˬlaꞈ-awˬ. Muiˇ-eu tsawˇhaˬmyaˬ-eu miˇneh, gaˇsaˇlaw caw sheuˬgʼeh laꞈ-awˬ.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 5:8

Sahˬpaˬ Miˬyehˇ-oˇ, Muiˇ-eu tsawˇhaˬmyaˬdui dui nya. nawˬ-euˬnui noeˬmˇnya laˇni, nawˇngaˬ-ahˇsheuˬgʼeh nehˬlaꞈ-awˬ. Nawˬ-euˬ gaˇma ngaˇcah nya ni, dawˇcoe ni shaˇdahˇnehˬlaꞈ-awˬ.

Jaceuq 59:16

Ehˇ kʼawꞈ, nawˇ gʼaˬ huiˬ-eu gaˇ kawˆ ngaˇ caˇ ma. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu gaˇ kawˆ yawˬ shawˬ na luꞈ ngaˇ guˇ guˇ-ehˇ caˇ ma. Nawˇ ngaˬ-euˬ gʼoe duˬ lo guˇ pyeuꞈ-awˇ, shaˬ ngeh zahˬ ngeh tahˬ shaˇ duˬ pyeuꞈ-eu meh.

Jaceuq 86:4

Sahˬpaˬ Miˬyehˇ-oˇ, Ngaˬ-euˬ shaˇ dawˬ nawˇ jawˇ gaˇ le keuˆ-eu miˇ neh, ngaˬ-euˬ nui ma-ahˇ laˬ kʼaˬ bi cehˇ nehˬ laꞈ.

Jaceuq 90:14

Nga maꞈ-euˬ tiˬ ziˇ laˬ kʼaˬ cehˇ-awˇ caˇ dawˬ caˇ nya ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ yawˬ shawˬ na luꞈ nga maꞈ laꞈ kʼoeˇ bi byah laˇ-awˬ.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.

Ngoeˇ dawˬ 3:41

Mˬ taˆ yaw goˇ-euˬ Miˬyehˇ-ahˇ, aˬ dui nui ma pah mehˬ nehˬ-awˇ, heu loꞈ-ehˇ guiˬ lahˬ shaˇ kaˇ-euˇ.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Yaˇ kʼaˬ daˇ 13:12

Kʼoeˇ naˇ, Maˬnoˇaˬ ehˇ-eu, “Nawˬ neh ehˇ-euˬ loꞈ-ehˇ pyeuꞈ laˇ ngeh, aˬ li kʼoeˇ gʼaˬ aˬ jeˬ mˇ nmˇ. Aˬ yawꞈ aˬ joˆ-ehˇ yaw dehꞈ ya dehꞈ nmˇ.”

1 Saˬmeuˬlaˆ 23:12

Daˬbiˇ tiˬ poˆ paˇ ehˇ-eu, “Kiˇlahˬ meuˬ-ahˇ jawˇ-eu tsawˇ haˬ deuˬ, ngaˇ hawˇ-eu ngaˬ-euˬ tsawˇ haˬ deuˬ-ahˇ, Sawˇluˆ-euˬ aˬ laꞈ laꞈ kʼoeˇ a nehˬ tehꞈ-a loˇ.” Sahˬ paˬ Miˬyehˇ ehˇ-eu, “A nehˬ tehꞈ-a” lehˇ Sahˬpaˬ Miˬyehˇ ehˇ kʼoꞈ nehˬ-euˬ meh.