Jaceuq 143:7 - Akha

⁷ Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer-or! Ngaq-anr yawkawr-aer dawq ngaeqkhof naeqlaf-awq; Ngaq-euq saflar, ghaq jirshaw-iq mir-a! Nawq-euq myavpyawq, ngaq-anr nae taq ciqzaf naeqlaf, Maqngeur nar-aq, ngar duqkhanq-anr ir-eu deuq-anr durlar-eu baw-mr.

Jaceuq 143:7 Iomraidhean Croise

Jaceuq 102:2

Ngaˇ shaˬ zahˬ ya tahˬ puˬ ngeh, taˬ byehˇ dzeh nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˇ kuˇ ngeh yaw kawˇ-ehˇ oˬ toˬ nehˬ laꞈ.

Jaceuq 22:24

Shaˬzaˬ-ahˇyawꞈmaˬbyehˇdzeh-ehˇ, shaˬzahˬnaꞈ-euˬgaˇmaˬngehˇni, caw ba le ni shaˇ-eu dawˬ-ahˇ, maˬbyehˇni naˇhaˬnehˬ-eu meh.

Jaceuq 27:9

Nawˬ-euˬmyaˆpyawˬ taˬciˬzaꞈlaꞈ. Nawˬ-euˬzaˬkʼaˆpyeuꞈ-eu ngaˬ-ahˇ, nui ma pehˇ-awˇ taˬteh dzeh laꞈ. Ngaˬ-ahˇngehˬgʼeh-eu gʼaˬnawˇmeh. Ngaˬ-ahˇka kʼoꞈ-eu Miˬyehˇ-oˇ, Byehˇdzeh-awˇtaˬbi shaˬnehˬlaꞈ.

Jaceuq 28:1

Ngaˇgʼoe-eu SahˬpaˬMiˬyehˇ-oˇ, ngaˇkuˇgaˇ naˇhaˬnehˬlaꞈ-awˬ. Ngaˬ-euˬ ziꞈ duˬlo guˇ-oˇ, maˬnaˇhaˬni taˬbyehˇnehˬlaꞈ. Ngaˇkuˇgaˇ maˬnaˇhaˬlaꞈnaˇ, shiˇ-eu duˬkʼahˬ-ahˇga ahˇ-awˇ, ya shaˬluꞈ-eu tsawˇhaˬnehˬ-ehˇ, ngaˇya shaˬ-eu yaw duˬbaw meh.

Jaceuq 40:17

Ngaˇshaˬdui zahˬdui dui-eu gaˇ, SahˬpaˬMiˬyehˇhaw mawˇluꞈ-uˇ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇnawˇpyeuꞈ-eu ma. Maˬnyi naˬni ngehˬgʼeh nehˬlaꞈ.

Jaceuq 69:17

Nawˬ-euˬ zaˬ kʼaˆ-ahˇ nawˬ-euˬ myaˆ pyawˬ taˬ ciˬ zaꞈ nehˬ laꞈ. Ngaˇ shaˬ dui zahˬ dui dui luꞈ-eu miˇ neh, ngaˬ-euˬ shaˇ dawˬ-ahˇ nymˬ-mˇ naˇ haˬ nehˬ laꞈ.

Jaceuq 69:18

Ngaˇ jawˇ gaˇ oe-awˇ ka kʼoꞈ nehˬ laꞈ. Muiˇ-eu deuˬ-euˬ laꞈ-ahˇ ka kʼoꞈ nehˬ laꞈ.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Jaceuq 70:5

Miˬyehˇ-oˇ, ngaˇ gʼaˬ baˬ-awˇ shaˬ dui zahˬ dui dui nya. Ngaˬ-ahˇ yaw kawˇ-ehˇ caw ba le-awˬ. Sahˬpaˬ Miˬyehˇ-oˇ, nawˇ ngaˬ-ahˇ ka kʼoꞈ-eu gʼaˬ meh.

Jaceuq 71:12

Miˬyehˇ-oˇ, gaˇ mahˇ kaˬ gaˇ taˬ jawˇ nehˬ laꞈ. Ngaˬ-euˬ Miˬyehˇ-oˇ, ngaˬ-ahˇ yaw kawˇ-ehˇ caw ba le-awˬ.

Jaceuq 84:2

Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Dawqdaq 13:12

Noeˬ tmˬ-eu jeˬ byoˆ le ngeh, nui ma-ahˇ zaw laˇ-awˇ, nui kʼahˇ byah laˇ ngeh, laˬ kʼaˬ cehˇ dehˆ-euˬ maˬ baw-a.

Iˇsaˬyaˇ 38:18

Shiˇ-eu miˇ kʼahˬ-ahˇ jawˇ-eu tsawˇ haˬ tiˬ gʼaˬ-iˬ, nawˬ-ahˇ caˇ-awˇ maˬ ja ceuˬ nehˬ nya-a. Nawˬ-euˬ saˇ jaˇ ziꞈ-eu jeˬ-ahˇ, shiˇ dzeuˇ-euˬ deuˬ noeˬ tmˬ kʼaˇ maˬ za-a.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Luˇkaꞈ 21:26

Miˇ tsaˬ kʼoeˇ taˆ keuˆ le teuˇ le-eu lehˇ gʼeh-eu jeˬ-ahˇ tsawˇ haˬ zaˬ deuˬ noeˬ mawˇ-awˇ, myaꞈ leˇ tehꞈ-a. Aˬ jeˬ miˇ neh ehˇ naˇ, mˬ taˆ-euˬ baoˬ deuˬ luˆ laˇ nyeh laˇ jiˇ tehꞈ-a.