Jaceuq 143:11 - Akha

¹¹ Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ loꞈ-ehˇ, ngaˬ-ahˇ ka kʼoꞈ nehˬ laꞈ. Nawˬ-euˬ muiˬ-eu jaˬ-eu jeˬ laꞈ kʼoeˇ, shaˬ zahˬ naꞈ gaˇ ka kʼoꞈ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ya’we Miqyaer-or! Nawq-euq tsawrmyanr gharduq, ngaq-anr lavdaef naeqlaf-awq! Nawq-euq tsaq-awr dawr-eu jeq-euq baqda’nae, Ngaq-euq nuima saflar, gardzaq garkawv-anr nae gheudov naeqlaf-awq.

Jaceuq 143:11 Iomraidhean Croise

Jaceuq 119:107

Sahˬpaˬ Miˬyehˇ-oˇ, ngaˇ shiˇ taw tehˬ ni ya daˬ luꞈ-eu ma. Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ bi dehꞈ laꞈ-awˬ.

Jaceuq 119:25

Ngaˇ noeˬ dui-awˇ kʼaˬ lehˇ tsahˬ-ahˇ ga luꞈ-eu ma. Nawˬ neh saˇ jaˇ dzaˬ taˬ-euˬ loꞈ-ehˇ gʼaˬ yaw shuiꞈ biꞈ laꞈ-awˬ.

Jaceuq 119:37

Gaˇ dahˇ maˬ tsoeˬ-eu jeˬ-ahˇ ngaˇ nui kʼahˇ maˬ ya jaˆ ni caw ba nehˬ laꞈ-awˇ, nawˬ neh saˇ jaˇ dzaˬ taˬ-euˬ loꞈ-ehˇ yaw muiˬ jeˬ biꞈ nehˬ laꞈ.

Jaceuq 119:40

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ mawꞈ-eu ma. Nawˬ-euˬ yaw tsaˬ yaw dawˇ jeˬ laꞈ kʼoeˇ ngaˇ yaw dehꞈ dehꞈ-eu yaw shuiꞈ beˬ paˇ nehˬ laꞈ.

Jaceuq 119:88

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ nya ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ baˬ da neh, shiˇ-euˬ jeˬ-ahˇ bi dzeuˇ-iˇ laꞈ-awˬ.

Jaceuq 138:7

Shaˬ-eu zahˬ-eu jeˬ ngaˬ-euˬ tiˬ jawˬ keuˆ le ngeh, nawˇ ngaˬ-ahˇ dah teˬ-euˬ meh. Ngaˬ-ahˇ nui ma pehˇ-eu muiˇ-eu deuˬ-euˬ mehˬ shi nawˇ aˬ laꞈ cawˬ doˆ-awˇ, nawˬ-euˬ baoˬ neh ngaˬ-ahˇ ka kʼoꞈ-euˬ meh.

Jaceuq 143:1

Sahˬpaˬ Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ. Nawˬ-euˬ yaw tsaˬ yaw dawˇ jeˬ laꞈ kʼoeˇ, ngaˬ-euˬ shaˇ dawˬ-ahˇ naˇ haˬ nehˬ laꞈ. Nawˬ-euˬ saˇ jaˇ ziꞈ-eu jeˬ laꞈ kʼoeˇ, ngaˬ-euˬ shaˇ dawˬ-ahˇ naˇ haˬ nehˬ laꞈ.

Jaceuq 25:11

SahˬpaˬMiˬyehˇtsawˇmyahˇbaˬda, ngaˬ-ahˇ iˬbaˇ pyehˬnehˬlaꞈ-awˬ. Iˬbaˇ myaˬdui kah dui dui nya.

Jaceuq 25:17

Nui saˇza ni caw ba le-awˇ, nui noeˬshaˬ-eu bi dzeuˇ-iˇlaꞈ.

Jaceuq 31:1

Sahˬpaˬ Miˬyehˇ-oˇ, nawˬ-ahˇngaˇtahˬshaˇlaˇ-euˬma. shaꞈdawˇ-eu jeˬtaˬbi pi laꞈ. Nawˬ-euˬyaw tsaˬyaw dawˇlaꞈkʼoeˇ, ngaˬ-ahˇmaˬbyehˇni ka kʼoꞈlaꞈ.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 71:2

Nawˇ yaw tsaˬ yaw dawˇ gʼaˬ pyeuꞈ-eu miˇ neh, ngaˬ-ahˇ ngehˬ gʼeh dah teˬ nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˬ-ahˇ ka kʼoꞈ nehˬ laꞈ.

Jaceuq 85:6

Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.