Jaceuq 14:3 - Akha

³ Dawˬtawˆluꞈ gaˇma bahˬjiˇ-awˇ, tiˬkawˆnaˆni dehꞈcawˆjiˇ-awˇ, yaw muiˬmˇ-eu gʼaˬmaˬjawˇ-a. Tiˬgʼaˬtehꞈ-ehˇkʼawꞈmaˬjawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawfmaf dawqtawvluf garbanq banq jir-awr, tiqgar durni daefcawvjir taq-euq mirnae, Yawmuiq jeq mr-eu tiqghaq-iq maqjawr-a, tiq ghaq taef-aer khawf maqjawr-a.

Jaceuq 14:3 Iomraidhean Croise

Aˇ dahˬ 6:12

Miˇ tsaˬ-ahˇ Miˬyehˇ haw ngeh, cawˆ dui dui-iˇ taˬ-euˬ gaˇ ya mawˇ-euˬ meh. Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ yaw haiˬ jeˬ tehꞈ-ehˇ mˇ-awˇ, maˬ tsaˬ maˬ dawˇ-eu jeˬ laꞈ kʼoeˇ tehꞈ-ehˇ yaw dehꞈ dehꞈ luꞈ-eu meh.

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Yawˇbaˆ 15:16

Tsawˇ haˬ zaˬ-aˬ, yaw haiˬ jeˬ-ahˇ iˇ cuꞈ dawˇ-eu loꞈ-ehˇ dawˇ-eu meh. Ngeuˇ meh. Tsawˇ haˬ zaˬ jawꞈ dui dui-awˇ gaˇ dahˇ maˬ tsoeˬ-a.

Jaceuq 119:176

Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh-euˬ miˇ neh, byoˆ-iˇ-euˬ yawˇ zaˬ loꞈ-ehˇ gaˇ ma cah bahˬ-euˬ nawˬ-euˬ zaˬ kʼaˆ-ahˇ gʼawˬ shaˬ gaˬ-awˇ poˆ kʼoꞈ le nehˬ laꞈ.

Jaceuq 14:1

Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Jaceuq 38:5

Aˬdzawˬaˇgah gah-euˬ miˇneh, ngaˬ-euˬmaˇnaˇmaˇbyahˇbyahˇnya.

Jaceuq 58:3

Haiˬ-eu tsawˇ haˬ ziˇ jiˇ ngeh keuˆ ni lehˬ-awˇ, dehꞈ le ngeh nah neh jaˬ myawꞈ myawꞈ-eu meh.

Doˆ-iˇ 12:30

Kʼoeˇ ngeh miˇ, sahˬ paˬ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ maˬ ehˇ, Iˇjiˇtuˆ tsawˇ haˬ dawˬ tawˆ luꞈ maˬ ehˇ, noeˬ laˇ jiˇ-euˬ meh. Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ, guˇ guˇ-ehˇ ngoeˇ-eu teˇ saˇ byah jiˇ-euˬ meh. Aˬ jeˬ miˇ neh ehˇ naˇ, aˬ li tiˬ li-iˬ maˬ bi shiˇ ni dzeuˇ-iˇ-euˬ nymˇ tiˬ nymˇ-iˬ maˬ jaˆ-a.

Doˆ-iˇ 8:31

Moˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-awˇ, sahˬ paˬ kʼoeˇ gʼaˬ jawˇ gaˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ gaˇ maˬ ehˇ, aˬ yawꞈ-euˬ miˇ kʼahˬ zaˬ deuˬ jawˇ gaˇ maˬ ehˇ, puˬ saˆ tiˬ mawˇ-iˬ maˬ jawˇ ni byoˆ jiˇ-euˬ meh.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Dawˬ tsoˆ 7:29

Ngaˬ neh poˆ duˬ-euˬ gaˇ kawˆ uˬ dzah-aˬ, heu loꞈ-ehˇ ma. Miˬyehˇ neh aˬ dui-ahˇ beh taˬ-euˬ muiˬ dui jaˬ dui dui-eu meh. Ehˇ kʼawꞈ, aˬ dui yawˬ haˇ yawˬ ha dehꞈ bahˬ dehꞈ lahˇ-euˬ meh.”

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Lormav 3:23

Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ iˬ baˇ mˇ-awˇ, Miˬyehˇ ka kʼoꞈ-eu jeˬ-ahˇ gaˇ mahˇ kaˬ-iˇ-euˬ meh.

1 Gawˇliˬtu 6:5

Naw maꞈ shaꞈ dawˇ dui dui paˬ-ehˇ gʼeh-eu meh. Ka li zaˬ yaw kaˬ ja dzaˬ-eu jeˬ doˆ laˇ ngeh, jahˇ tsaˬ nehˬ nya-eu noeˬ dahˇ doe-eu tsawˇ haˬ naw maꞈ laꞈ kʼoeˇ maˬ jawˇ-ehˇ gʼeh tehꞈ-a loˇ.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

Dawˬmehˬ 1:35

‘Maˬ muiˬ maˬ jaˬ-eu ziˇ heu ziˇ laꞈ kʼoeˇ kʼaˇ dehꞈ luꞈ-eu naw maꞈ deuˬ, naw maꞈ-euˬ aˬ poeˬ aˬ bawˇ deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ bawˬ le za le-eu miˇ kʼahˬ kʼoeˇ kʼahˬ laꞈ kʼoeˇ, tiˬ gʼaˬ-iˬ maˬ ya le uˇ-a.