Jaceuq 14:1 - Akha

¹ Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqdzawq argan-aq, yawha-euq nuima-euq lafkhoer, “Miqyaer maqjawr-a” laer aer-eu mae. Aqyawfmaf daefcawv-awr, nuidav davlar paq-aer ghae-eu jeq mrluf-eu mae. Yawmuiq jeq mr-eu tsawrhaq tiqghaq-iq maqjawr-a.

Jaceuq 14:1 Iomraidhean Croise

Aˇ dahˬ 6:5

Miˇ tsaˬ kʼoeˇ taˆ jawˇ-eu tsawˇ haˬ zaˬ yawˬ gʼaˬ na luꞈ, maˬ tsaˬ maˬ dawˇ-eu jeˬ tehꞈ-ehˇ mˇ-awˇ, aˬ myah luꞈ maˬ muiˬ maˬ jaˬ-eu gaˇ kawˆ tehꞈ-ehˇ shaˇ noeˬ luꞈ gaˇ Sahˬpaˬ Miˬyehˇ ya mawˇ-euˬ meh.

Yawˇbaˆ 15:16

Tsawˇ haˬ zaˬ-aˬ, yaw haiˬ jeˬ-ahˇ iˇ cuꞈ dawˇ-eu loꞈ-ehˇ dawˇ-eu meh. Ngeuˇ meh. Tsawˇ haˬ zaˬ jawꞈ dui dui-awˇ gaˇ dahˇ maˬ tsoeˬ-a.

Yawˇbaˆ 22:13

Ehˇ kʼawꞈ, Miˬyehˇ aˬ jeˬ siˬ nya ta lehˇ nawˇ ehˇ-eu meh. Aˬ yawꞈ-ahˇ mˬ dmˇ jaˆ tsoeˬ taˬ-eu miˇ neh aˬ dui-ahˇ yaˇ kʼaˬ daˇ nya tehꞈ-a loˇ lehˇ ehˇ-eu meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 107:17

Tiˬ paˆ na deuˬ iˬ baˇ baˬ da neh tsawˇ uˬ uˬ-iˇ-awˇ, yaw haiˬ jeˬ mˇ-euˬ baˬ da neh ya shaˬ ya zahˬ-eu meh.

Jaceuq 53:1

Aˬ dzawˬ deuˬ-euˬ nui ma laꞈ kʼoeˇ, “Miˬyehˇ maˬ jawˇ-a” lehˇ ehˇ luꞈ meh. Aˬ yawꞈ maꞈ dehꞈ bahˬ jiˇ-awˇ, guˆ dui dui paˬ-ehˇ gʼeh-eu jeˬ mˇ luꞈ meh. Yaw tsaˬ yaw dawˇ jeˬ mˇ-eu tiˬ gʼaˬ-iˬ maˬ jawˇ-a.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.

Jaceuq 92:6

Maˬ gahˇ-eu tsawˇ haˬ deuˬ gaˇ kʼoeˇ deuˬ-ahˇ maˬ siˬ nya-ehˇ, aˬ dzawˬ aˇ gah deuˬ maˬ noeˬ mawˇ nya-a.

Dawqdaq 1:22

“Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 13:19

Yawˬ ha-euˬ nui kʼahˇ byah laˇ-eu jeˬ aˇ naˆ ni muiˬ-eu nga. Ehˇ kʼawꞈ, aˬ dzawˬ aˇ gah deuˬ yaw haiˬ jeˬ-ahˇ maˬ byehˇ coeˇ-a.

Dawqdaq 27:22

Aˬ dzawˬ aˇ gah-ahˇ shiˇ taw tehˬ ni diˬ kʼawꞈ, aˬ dzawˬ aˇ gah gah-eu jeˬ maˬ diˬ byoˆ nya-a.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Yeˬlaˬmiˇ 5:12

Sahˬpaˬ Miˬyehˇ-euˬ tsawˇ haˬ deuˬ, Sahˬpaˬ Miˬyehˇ-ahˇ yaw zeu maˬ baw-ehˇ, heu loꞈ-ehˇ ehˇ-eu meh. “Aˬ dui-ahˇ aˬ yawꞈ tiˬ jeˬ-iˬ maˬ jahˇ laˇ-aˇ. Aˬ dui shaˬ zahˬ naꞈ gaˇ maˬ ya keuˆ-aˇ. Mehꞈ-eu shuꞈ-eu hawˇ-eu miˬ siˬ miˬ kaˆ, aˬ dui kʼoeˇ taˆ maˬ keuˆ le-aˇ.

Yeˬlaˬmiˇ 6:28

Guiˬ shuiˇ hawˇ-eu shmˇ byaˆ gʼahˇ-eu loꞈ-ehˇ, aˬ yawꞈ maꞈ nui ma gʼahˇ-awˇ ngaˬ-ahˇ puiˬ-euˬ meh. Aˬ yawꞈ maꞈ yaw lehˬ mˇ doe- awˇ maˬ muiˬ-eu jeˬ ja byah-eu meh.

Maꞈtehˬ 12:34

Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

1 Saˬmeuˬlaˆ 25:25

Gaˇ dahˇ maˬ tsoeˬ-eu tsawˇ haˬ pyeuꞈ-eu Naˬbaˬlaˇ-euˬ ehˇ dawˬ-ahˇ taˬ naˇ haˬ nehˬ laꞈ. Aˬ yawꞈ-euˬ tsawˇ myahˇ Naˬbaˬlaˇ lehˇ myahˇ taˬ-euˬ loꞈ-ehˇ, maˇ maˇ ni tsawˇ uˬ tiˬ gʼaˬ pyeuꞈ-eu meh. Nawˬ neh pyehˬ gʼeh leꞈ-euˬ zaˬ guˬ kʼoeˇ deuˬ-ahˇ ngaˇ maˬ ya mawˇ-aˬ.