Jaceuq 139:23 - Akha

²³ Miˬyehˇ-oˇ, ngaˬ-ahˇ pyehˆ tseˇ-awˇ ngaˬ-euˬ nui ma poˆ duˬ-awˬ. Ngaˬ-ahˇ lawˬ haw-awˇ ngaˬ-euˬ nui noeˬ nui duˇ tseˇ duˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Miqyaer-or! Ngaq-anr pyaevtser-awr, ngaq-euq nuima siqnya-awq; Ngaq-anr tsermr-awr, ngaq-euq nuinoeq-anr khawf siqnya-awq.

Jaceuq 139:23 Iomraidhean Croise

Yawˇbaˆ 31:6

Miˬyehˇ ngaˬ-ahˇ yaw tsaˬ yaw dawˇ paˆ yawˬ neh saˆ haw naˇ, ngaˇ iˬ baˇ maˬ ahˇ-eu aˬ yawꞈ ya mawˇ tehꞈ-a.

Jaceuq 11:4

Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Jaceuq 11:5

Tsawˇmuiˬtsawˇdoeˇtseˇpaˆluꞈ-awˇ, tsawˇdoeˇ-ahˇbye dui dui-eu meh.

Jaceuq 139:1

Sahˬpaˬ Miˬyehˇ-oˇ, nawˇ ngaˬ-ahˇ pyehˆ tseˇ duˬ-awˇ, ngaˬ-ahˇ siˬ duˬ-eu meh.

Jaceuq 17:3

Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

Jaceuq 26:2

Sahˬpaˬ Miˬyehˇ-oˇ, ngaˬ-ahˇpyehˆtseˇ-awˇlawˬhaw-awˬ. Ngaˬ-euˬnui ma-ahˇ poˆduˬ-awˬ.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Yeˬlaˬmiˇ 11:20

Kʼoeˇ naˇ ngaˇ heu loꞈ-ehˇ guiˬ lahˬ shaˇ-euˬ ma. “Baoˬ huiˬ-eu Sahˬpaˬ Miˬyehˇ-oˇ, nawˇ dawˇ coe ni yaˇ kʼaˬ daˇ-awˇ, tsawˇ haˬ-euˬ nui ma-ahˇ lawˬ haw-eu meh. Ngaˬ-euˬ dehꞈ jeˬ dehꞈ kawˆ nawˬ-ahˇ a nehˬ taˬ-euˬ miˇ neh, tsawˇ haˬ kʼoeˇ deuˬ-ahˇ nawˇ laꞈ poˆ poˆ kʼoꞈ nehˬ gaˇ, ngaˬ-ahˇ bi mawˇ nehˬ laꞈ.”

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.