Jaceuq 139:13 - Akha

¹³ Ngaˬ-euˬ gʼawˇ mawˇ keu ka dawˬ tawˆ luꞈ nawˬ neh beh-awˇ, ngaˬ ma-euˬ uˬ maˆ laꞈ kʼoeˇ gʼoˆ tsoꞈ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae aernar-aq, ngaq-euq lafkhoer anr-eu jeq-aq, nawq nae shaev-awr, Ngar, ngaqma-euq uqmav-euq lafkhoer jawr ngae, Nawr, ngaq-anr dzeuf-euq mae.

Jaceuq 139:13 Iomraidhean Croise

Yawˇbaˆ 31:15

Ngaˬ-ahˇ beh-euˬ Miˬyehˇ hawˇ-eu ngaˬ-euˬ zaˬ kʼaˆ-ahˇ beh-euˬ Miˬyehˇ aˬ yawꞈ tiˬ gʼaˬ meh.

Jaceuq 119:73

Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 71:6

Ngaˬ-euˬ tiˬ ziˇ nawˬ-ahˇ tehꞈ-ehˇ laꞈ jeuˬ shaˇ-euˬ ma. Dehꞈ le ngeh tiˬ nah neh ngaˬ-ahˇ nawˇ haw piˇ nehˬ laꞈ-euˬ meh. Nawˬ-ahˇ ngaˇ aˬ myah luꞈ ja ceuˬ ma.

Jaceuq 95:6

Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 46:3

“Yaˬkoˆ-euˬ zaˬ deuˬ uˆ deuˬ-oˇ, Iˇsaˬleˬlaˆ tsawˇ jeuˬ laꞈ kʼoeˇ kʼaˇ dzeˇ luꞈ-eu deuˬ-oˇ, ngaˇ ehˇ gaˇ naˇ haˬ-awˬ. Naw maꞈ dehꞈ le ngeh tiˬ nah neh, naw maꞈ-ahˇ ngaˇ bo saˆ-euˬ ma.

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

1 Gawˇliˬtu 12:17

Gʼawˇ mawˇ mawˇ lah-ehˇ myaˆ nuiˆ tiˬ nuiˆ tehꞈ-ehˇ tsoꞈ naˇ, teˇ saˇ gaˬ nya tehꞈ-a loˇ. Naˬ bawˇ tehꞈ-ehˇ tsoꞈ naˇ, yaw saꞈ behꞈ laꞈ nya tehꞈ-a loˇ.